Morgunblaðið - Sunnudagur - 05.07.2015, Blaðsíða 51

Það er eins og stundum plagi mann ein-
hver innri rödd þegar þessum svoköll-
uðu sumarmánuðum vindur fram. „Út
með þig“, fyrirskipar hún og nær und-
antekningarlaust svarar maður kallinu.
Göngu- eða hjólatúrar, garðvinna og
alla vega útivist sem krefst þess að
maður sé á hreyfingu tekur sífellt
stærri skerf af deginum, sem gerir
manni erfiðara fyrir að sinna lestrinum.
Maður á á hættu að rekast á ljósastaur
eða enda brúnn á eyrum en fölur í fram-
an þegar haustar, hafi maður eytt sólskins-
dögum með nefið á kafi ofan í bókaopnum.
Þá er kannski sniðugra að snúa dæminu við. Hljóðbækur eru himnasending úr sig-
urhæðum sem gera manni kleift að njóta bókmennta á sama tíma og maður stingur upp
illgresi, hjólar hringinn kringum Mývatn eða hendir sér í handahlaup – nú, eða þvær upp.
Framboð á hljóðbókum hefur stóraukist undanfarin ár hér á landi og mann grunar að auk-
in notkun alla vega snjalltækja eigi einhvern þátt í því. Sífellt oftar er hægt að nálgast nýrri
bókmenntaverk á þessu formi í bókabúðum og á fjölda íslenskra vefsíðna, að ógleymdum
bókasöfnunum.
Á EYRUNUM Í SUMAR
5.7. 2015 MORGUNBLAÐIÐ SUNNUDAGUR 51
Steinar Bragi var ekki nema
tuttugu og þriggja ára gamall
þegar fyrsta (ljóða)bókin
hans, Svarthol, kom út. Síð-
an hefur hann sent frá sér
fjórar til og átta skáldsögur.
Steinar Bragi hefur alltaf ver-
ið áberandi í íslensku bók-
menntaflórunni en varð að
skyldulestri og fastagesti
náttborða eftir skáldsögu
hans Konur, sem kom út
2008. Hálendið er náttúru-
hryllingsþjóðsaga sem segir
söguna af tveimur pörum
sem villast í þykkri þoku há-
lendisins. Í hönd fara óg-
urlegir atburðir sem áhrifa-
ríkt er að lesa um fjarri klið
kaffihúsanna meðan marrar í
gólffjölunum og smárökkvar
úti.
Hálendið
Fyrir alla þá sem eyða sumarfríinu með börn-
unum og eru búnir að fara tólf ferðir í hús-
dýragarðinn og dettur ekkert annað í hug en
að fara í sund eða gefa öndunum er Útivist
og afþreying fyrir börn: Reykjavík og ná-
grenni happafengur af bestu sort. Þær Lára
Guðrún Sigurðardóttir og Sigríður Arna Sig-
urðardóttir settu bókina saman. Lára er lækn-
ir og sérfróð um lýðheilsumál en Sigríður er
hjúkrunarfræðingur. Bókin er í einstaklega
handhægu broti, passar í pokann, töskuna eða
beint í hanskahólfið sem gerir það að verkum
að létt er að kippa henni með. Hún hefur auk
þess að geyma margs konar fróðleik, hug-
myndir að námskeiðum, leikjum og hvað mað-
ur getur tekið með sér í nesti. Stöllurnar Lára
og Sigríður halda þar að auki úti heimasíðu
tengdri bókinni, samvera.is, sem er uppfærð
reglulega og þar má finna margs konar
skemmti- og fróðlega viðburði.
ÚTIVERA MEÐ
UNGUNUM
Guðrún (Baldvina Árnadóttir)
frá Lundi skrifaði heilmikið á
þeim árum sem hún var að slíta
barnsskónum en gaf ekki út
fyrsta bókmenntaverk sitt,
Dalalíf, fyrr en hún var fimm-
tíu og níu ára gömul. Dalalíf
varð feikivinsæl meðal ís-
lenskra lesanda þar sem þeim
þótti henni takast vel upp með
að lýsa hvunndagslegum at-
burðum og daglegum dyntum.
Hún átti eftir að reynast mik-
ilvirkur höfundur. Dalalíf varð
að fimm binda skáldsögu sem
taldi rúmar 2.000 blaðsíður.
Guðrún skrifaði í heild tuttugu
og sex skáldsögur og gerist
hver og ein einasta þeirra í
sveitinni, utan ein. Ekki er langt
síðan bók hennar Afdalabarn
var endurútgefin af bókaforlag-
inu Sæmundi á Selfossi.
Allar bækur
Guðrúnar frá
Lundi – takk
Bækur í
bústaðinn
SUMAR- OG SÆLULESTUR
ÞAÐ ER ALLUR GANGUR Á ÞVÍ HVAÐ
FÓLK FLOKKAR UNDIR BÚSTAÐABÓKMENNTIR.
SUMIR KJÓSA SÉR LÉTTMETI TIL AÐ LIÐKA
ANDANN MEÐAN AÐRIR RÁÐAST Á RISANA.
SKÁLDSÖGUR, LJÓÐABÆKUR, VEGABÆKUR
OG PLÖNTU- OG FUGLABÆKUR ERU MEÐAL
ÞESS SEM FINNA MÁ Í FARANGRI BÓKAUNN-
ENDA. AÐ ÓGLEYMDRI ÞEIRRI SEM ÞEIR
RITA SJÁLFIR: GESTABÓKINNI.
Jón R. Hjálmarsson hefur áður sent
frá sér perluna Þjóðsögur við
þjóðveginn, sem er nauðsynleg í
ferðalagið. Ekki sakaði svo þegar
hún var gefin út á hljóðbók árið
2002 svo öll fjölskyldan gæti fræðst
saman á ferð sinni um landið. Nú er
komin glæný bók með svipuðu sniði
sem kallast Draugasögur við
þjóðveginn þar sem Jón segir sög-
ur af alla vega forynjum sem leynast
ekki langt frá læstum bíldyrum.
Draugasögur
við þjóðveginn
Ófeigur hefur verið öflugur í útgáfu síðastliðin tíu
ár. Hann hefur sent frá sér hvort tveggja ljóðabæk-
ur og skáldsögur og er áreiðanlega eini handhafi
Bókmenntaverðlauna Evrópusambandsins sem hef-
ur skrifað vatnshelda buslubók úr sílíkoni. En bók-
verk hans, Biscayne Blvd kom út í 30 eintökum
árið 2009. Í Öræfum segir af eldgosi sem geisar í
Bárðarbungu á norðanverðum Vatnajökli. Hrika-
legar hamfarir skekja umheiminn en svo virðist sem
þær snerti ekki við innfæddum. Gosið er líkt og
hver önnur dægurfluga, ekki nema smellin fyrirsögn
eða auglýsingabrella sem hægt er að selja ferða-
mönnum. Öræfi er margslungin og lúmskfyndin
táknsaga sem gott er að lesa á Suðurlandi.
Öræfi
BÓKSALA 25. JÚNÍ - 1. JÚLÍ
Allar bækur
Listinn er tekinn saman af Eymundsson
1 LeynigarðurJohanna Basford
2 Konan í lestinniPaula Hawkins
3 HamingjuvegurLiza Marklund
4 Independent PeopleHalldór Laxness
5 Blóð í snjónumJo Nesbø
6 Sagas of the IcelandersÝmsir höfundar
7 NicelandKristján Ingi Einarsson
8 Iceland in a BagÝmsir höfundar
9 RótlausDorothy Koomson
10 Iceland Small WorldSigurgeir Sigurjónsson
Kiljur
1 Konan í lestinniPaula Hawkins
2 HamingjuvegurLiza Marklund
3 Blóð í snjónumJo Nesbø
4 RótlausDorothy Koomson
5 Tapað fundiðÁrelía Eydís Guðmundsdóttir
6 Líf á meðal villimannaShirley Jackson
7 Auga fyrir augaRoslund & Hellström
8 Ljós af hafiM.L.Stedman
9 DNAYrsa Sigurdardottir
10 Britt - Marie var hérFredrik Backman