Morgunblaðið - Sunnudagur - 19.07.2015, Blaðsíða 17
19.7. 2015 MORGUNBLAÐIÐ SUNNUDAGUR 17
J
óhanna Margrét Gunnarsdóttir er tvítugur stangarstökkvari hjá
Breiðabliki. Hún útskrifaðist úr MH í vor en mun setjast á skóla-
bekk í Bandaríkjunum í haust, þar sem hún bjó í sex ár sem
barn.
Hvað varstu gömul þegar þú byrjaðir að æfa stangarstökk og
hvernig kviknaði áhuginn?
Ég byrjaði að æfa stangarstökk 17 ára. Ég hef alltaf verið íþrótta-
manneskja og á erfitt með að vera ekki að æfa neitt. Eftir leið-
inlegt bakbrot þurfti ég að enda fimleikaferilinn minn og
fór að leita að einhverju nýju. Það tók mig smátíma að
finna stangarstökkið en leitin var þess virði. Ég spurði
stelpu sem æfði stangarstökk hvort ég mætti fara með
henni á æfingu og þar kviknaði áhuginn strax. Mér
fannst svo heillandi að geta flogið.
Þú varst að skrifa undir samning við háskóla í
Bandaríkjunum – hvernig kom það til?
Mig langaði alltaf að snúa aftur til Bandaríkjanna eft-
ir að ég flutti heim til Íslands. Fyrir ári byrjaði ég að
skoða skólastyrki. Kærastinn minn, Sindri Hrafn
Guðmundsson, sem er einn besti spjótkastari í heim-
inum í sínum aldursflokki, vildi skoða þetta líka en
hann hafði fengið nokkur boð frá þjálfurum. Við höfðum
samband við fyrirtæki sem heitir Scholarbook og er stað-
sett í Þýskalandi og spurðum hvort við gætum komist
saman á styrk. Ég fékk hjálp hjá starfsmanni þeirra við
alls konar stúss og umsóknir og að lokum fengum við til-
boð frá meira en tíu skólum. Við tókum svo saman
ákvörðun að skrifa undir samning hjá Utah State Uni-
versity og flytjum í ágúst til Logan, Utah í íbúð sem er
við hliðina á æfingasvæðinu þarna. Við ætlum að læra,
æfa og bæta okkur eins og brjálæðingar.
Hversu oft æfirðu?
Það fer eftir tímabili, á uppbyggingartímabili eru 6-10
æfingar á viku en á keppnistímabili eru yfirleitt bara 5-6
æfingar í viku. Svo hlustar maður á líkamann, ef ég er
dauðþreytt þá tek ég léttari æfingu eða hvíli einn dag.
Hvernig heldurðu þér í formi þegar þú ert í fríi?
Þegar ég á að fara í frí eða taka mér hvíldartímabil þá á
ég bara að reyna að æfa sem minnst. Þjálfarinn minn í
Bandaríkjunum vill til dæmis núna að ég hvíli í tvo mánuði
áður en ég kem til hans og ég má þá skokka, synda
og hjóla svo lengi sem ég fer varlega. Ég þarf þá
bara að passa mataræðið í staðinn. Mér finnst gott að nota fríin í að
gera aðra hluti sem mér finnst gaman að. Ég fer ég oft í snjó-
brettaferðir eða á hestbak. Mér finnst gott að breyta til og fá harð-
sperrur í nýja vöðva.
Áttu einhver áhugamál?
Snjóbretti, hestar, fimleikar, dans, lacrosse, að ferðast og ef ég kynni
á brimbretti væri það klárlega áhugamál.
Leggurðu mikið upp úr heilbrigðu líferni?
Algjörlega. Maður fær einn líkama til að búa í alla ævi og
maður á að gera sitt besta til að fara vel með hann. Það
munar svo miklu fyrir andlega og líkamlega vellíðan að
vera í góðu formi.
Hvaða freistingar áttu erfiðast með að standast?
Ef ég fæ þá tilfinningu að ég þurfi að standa á höndum
þá geri ég það eiginlega alltaf, sama hvar ég er. Svo er
það líka mangó, pitsa, sushi og Netflix.
Hvaða ráð hefurðu handa þeim sem eru að byrja að
æfa stangarstökk eða aðrar frjálsar íþróttir?
Erfiðasta skrefið er að byrja! Svo er líka gott að muna
að allir byrjuðu einhvers staðar. Stangarstökk er íþrótt
sem krefst þess að maður sé mjög þolinmóður. Ekki
bera árangur þinn saman við árangur hjá öðrum. Það er
enginn nákvæmlega eins og þú.
Hverjar eru helstu fyrirmyndir þínar?
Pabbi minn er fyrirmyndin mín í einu og öllu. Hann keppti
fyrir meistaraflokk Fylkis í mörg ár og er ástæðan fyrir því
að ég er íþróttamaðurinn sem ég er í dag. Ég var alltaf með
stjörnur í augunum þegar ég horfði á hann spila. Stang-
arstökksfyrirmyndin mín er Demi Payne og er sú flottasta að
mínu mati. Hún er 23 ára, á eins árs barn og keppir í Bandaríkj-
unum fyrir SFA. Hún er með sjúkan stangarstökksstíl og er yf-
irhöfðuð bara ótrúlega nett pía.
Hvaða áfanga fagnaðir þú síðast í íþróttunum?
Seinasta vetur bætti ég mig um 30 cm. Ég held að besta móment-
ið hingað til hafi verið þegar ég stökk 3,40 m á bikarmóti í mars
síðastliðnum. Það er myndband af þessu á You Tube og þar sést
hvað ég er glöð. Þetta eru stundirnar sem ég hleyp, lyfti og stekk
fyrir á hverjum degi.
Hvað er á döfinni hjá þér næstu vikur í íþróttunum?
Ég á eina viku eftir af æfingum og svo á ég að hvíla þangað til að ég
fer til Bandaríkjanna. Svo byrja ég að æfa á fullu í annarri eða
þriðju vikunni í september.
KEMPA VIKUNNAR JÓHANNA MARGRÉT GUNNARSDÓTTIR
Stekkur til Bandaríkjanna
Morgunblaðið/Styrmir Kári
Bananar og hnetur innihalda mikið af magnesíum en það efni getur
virkað vöðvaslakandi og jafnvel hjálpað til við að gera fólk syfjað.
Þeir sem eiga erfitt með svefn gætu því athugað hvort einn banani
fyrir háttinn hjálpi til.
Bananar og hnetur fyrir háttinnHeimska, sjálfselska og góð heilsa eru
þrjú skilyrði fyrir hamingju en ef
heimskuna vantar, þá vantar allt.
Gustave Flaubert
Vitað er að hátt hlutfall þeirra sem
greinst hafa með geðklofa reykir,
miðað við almennt þýði. Hingað til
hefur verið litið svo á að reyking-
arnar séu afleiðing sjúkdómsins, þ.e.
leið sumra sjúklinga til að reyna að
deyfa einkenni geðklofans (e. self-
medication) eða jafnvel til að létta á
aukaverkunum lyfja. Í nýrri rann-
sókn sem birt var í tímaritinu The
Lancet Psychiatry í síðustu viku var
hins vegar athugað hvort orsaka-
sambandið væri mögulega á hinn
veginn, þ.e. hvort reykingar ykju lík-
ur á því að manneskja þróaði með
sér geðklofa. Niðurstöðurnar gefa
sannarlega vísbendingar í þá átt en
þar kemur fram að 57% geðklofa-
sjúklinga voru reykingamenn fyrir
fyrsta sjúkdómskastið, sem er þrisv-
ar sinnum hærra hlutfall en í al-
mennu þýði. Einnig voru heilbrigðir
reykingamenn tvisvar sinnum lík-
legri en þeir sem ekki reykja til að
þróa með sér geðsjúkdóm á gefnu
tímabili og þeir reykingamenn sem
greindust með geðsjúkdóm í rann-
sókninni veiktust að meðaltali ári
fyrr en þeir sem ekki reyktu en
greindust engu að síður.
Valda
reykingar
geðklofa?
Reykingamenn virðast líklegri til að
þróa með sér geðsjúkdóm en aðrir.
Meðal þeirra sem verða fyrir
alvarlegum bruna og lifa af, er
„sepsis“ illu heilli algeng dánar-
orsök en sepsis er bakteríusýk-
ing í blóði, oft ranglega nefnd
blóðeitrun í daglegu tali. Frekara
ljósi hefur nú verið varpað á
orsakir þess en rannsókn sem
birt var í tímaritinu PLOS ONE í
síðustu viku leiddi í ljós að mjög
alvarlegir brunaáverkar breyta
örverusamsetningu þarma. Sér-
staklega er tekið fram að svo-
kölluðum enterobakteríum hafi
fjölgað en t.d. flokkast Salmon-
ella og E.coli sem slíkar bakt-
eríur. Þessar bakteríur voru 0,5%
örveruflóru sjúklinga með minni-
háttar brunasár en 31,9% þeirra
með alvarleg brunasár. Þetta er
sérlega merkilegt þegar litið er
til þess að slímhúðir þarma
verða gegndræpari en ella í kjöl-
far alvarlegra brunasára. Þar
opnast því mögulega leið fyrir
enterobakteríur inn í blóðrás.
Örveruflóra í þörmum breytist í kjölfar alvarlegra brunasára og hætta eykst á
bakteríusýkingu í blóði. Salmonellu og E.coli getur t.d. fjölgað mjög.
Örverur og brunasár
AFP
www.gulimidinn.is
Hugsaðu um heilsuna
Guli miðinn fylgir
þér alla ævi
frá upphafi
Fæst í öllum helstu apótekum,
heilsubúðum og matvöruverslunum
MULTI SPORT
Orka og kraftur, vöðvar bein og liðir,
kvef og ónæmi