Morgunblaðið - Sunnudagur - 19.07.2015, Blaðsíða 26
Þ
að jafnast fátt á við það
að gæða sér á eðal-
kókósbolluís sem er gerð-
ur úr mjólk úr kúnni
sem stendur nánast við hliðina á
manni. Þetta er hægt á bónda-
bænum Efstadal II í Blá-
skógabyggð. Bændurnir þar reka
gistiheimili, veitingastað og ísbúð-
ina Íshlöðuna meðfram venjuleg-
um sveitastörfum. Fjölskyldan á
bænum er með kýr og hesta auk
þess að vera á fullu í ferða-
bransanum.
Það var margt um manninn
þegar blaðamann bar að garði og
notaleg stemning í Íshlöðunni, en
þar má horfa á kýrnar í fjósinu
í gegnum gler. Sölvi Arnarson,
bóndasonur og bóndi í Efstadal,
hefur í nógu að snúast en gefur
sér tíma með blaðamanni.
Beint úr kúnni í ísvél
Blaðamaður hefur sérstakan
áhuga á ísnum, enda forfallinn
ísáhugamaður frá blautu barns-
beini. „Þetta er heimalagaður ís.
Við skiljum rjómann sjálf og not-
um mjólkina okkar og þetta er
uppskrift sem var búin til fyrir
okkur,“ segir hann. Sölvi nær í
jarðarberin á næsta bæ og öll
afurðin er algerlega náttúruleg.
Þau selja einnig rabbabarasultu,
skyr, fetaost og kjöt auk silungs
frá Útey. „Konseptið er beint frá
býli. Ég fer einu sinni í viku og
næ í ferskt grænmeti hér í upp-
sveitunum, þetta er orðið ein
stór matarkista. Ég fer í Reyk-
holt, á Flúðir og í Laugarás og
fæ allt sem ég vil þar, meðal
annars jarðarber í Silfurtúni sem
eru bara þau bestu sem finnast,
rosalega sæt og góð. Jarð-
arberjaísinn er því það beinasta
frá býli,“ segir hann, en í ísnum
er einungis sykur, rjómi, bindi-
efni og svo það sem gefur bragð,
eins og jarðarber.
Kókósbolluísinn vinsælastur
Íshlaðan býður upp á spennandi
bragðtegundir sem finnast ekki
víða. Kókósbolluísinn hefur slegið
í gegn. Oreoís og jarðarberja
fylgja fast á hæla hans í vin-
sældum, segja þær systur Ingi-
björg og Elínborg Anna Jóhanns-
dætur sem vinna í afgreiðslunni.
Sölvi hefur ekki tölu á ísum sem
renna ofan í gesti á degi hverj-
um. „Nei, við erum svo miklir
sveitanördar að ég bara veit það
ekki. Þetta gengur bara vel,“
segir hann og brosir. Þegar hann
er inntur eftir hversu margir
gestir koma þar á degi hverjum
svarar hann: „Hellingur! Það er
bara miklu fleira fólk en við
reiknuðum með og við erum ekk-
ert að markaðssetja okkur.“
Kiknaði í hnjánum
yfir ísnum
Sölvi segir að bæði Íslendingum
og erlendum ferðamönnum finnist
það vera mikil upplifun að koma
á bæinn og fá sér ís eða snæða
á veitingastaðnum og vera í nánd
við náttúruna og dýrin. „Það
kom hérna kona um daginn sem
fékk sér ís. Hún smakkaði ísinn
og leit svo á beljurnar og hún
varð frá sér numin,“ segir Sölvi.
„Já, hún kiknaði í hnjánum,
henni fannst ísinn svo góður, hún
átti ekki von á að finnast hann
svona góður og svo leit hún á
beljurnar og fékk taugaveikl-
unarhláturskast,“ segir Kristín
Ingunn Haraldsdóttir, kona
Sölva, sem hefur sest hjá okkur.
„Svo varð hún svo vandræðaleg
Morgunblaðið/Eggert
BÆNDURNIR Í EFSTADAL II
STUNDA EKKI EINGÖNGU
HEFÐBUNDIN SVEITASTÖRF
ÞVÍ ÞAR ER REKIN FJÖL-
BREYTT FERÐAÞJÓNUSTA.
GAMALLI HLÖÐU VAR
BREYTT Í ÍSBÚÐ SEM BER
NAFNIÐ ÍSHLAÐAN. ÞAR
GETA GESTIR GÆTT SÉR Á
ÍS SEM GERÐUR ER ÚR KÚA-
MJÓLK ÚR FJÓSINU.
Ásdís Ásgeirsdóttir asdis@mbl.is
Systurnar frá Laugardalshólum, Ingibjörg og Elínborg Anna Jóhannsdætur,
vinna í Íshlöðunni. Þær eru sammála um að kókósbolluísinn sé vinsælastur.
Kýrnar gefa mjólkina og
mjólkin gefur okkar ísinn
sem framleiddur er á bæn-
um Efstadal II. Frá vinstri
eru Árni Benónýsson,
Ingvar Jökull Sölvason,
Selma Lísa Björgvinsdóttir
og Sölvi Arnarson.
yfir því hvað hún hefði orðið
uppveðruð yfir þessu,“ segir hún
og bætir við: „Mig langaði bara
að faðma hana.“
Snjólaug er mjólkur-
drottningin
Hægt er að fá tvenns konar ís í
Íshlöðunni, ítalskan „gelato“ ís
og svo venjulegan úr vél. „Við
höfum verið að reyna að bæta í
meiri rjóma til að fá fram þetta
góða rjómabragð, en minni rjómi
er í ísnum úr vélinni,“ segir
Sölvi. Sölvi segir að kúabúið sé
rekið af „mennskum róbótum“
þannig að vel sé haldið utan um
hvaðan mjólkin kemur. „Gamli
maðurinn og Árni Már sjá um
fjósið þannig að það er hægt að
fá sýni úr kúnum og við getum
þá bara valið úr hvaða kú við
búum til ísinn. Þannig getum við
sagt fólki til dæmis að ísinn sem
það sé að borða í dag sé úr
hvítu beljunni. Snjólaug er mjólk-
urdrottningin okkar, hún er her-
foringinn,“ segir Sölvi og út-
skýrir að kýrnar gefi mismikla
mjólk og fitustigið sé ekki alltaf
eins.
Starfsfólkið líka
beint frá býli
Sölvi er sonur Bjargar og fóst-
ursonur Sveinbjörns sem eru
bændurnir á bænum, ásamt
börnum sínum. Hann hefur búið
í Efstadal II síðan hann var sjö
ára og því ekta sveitadrengur.
Þau byrjuðu í ferðaþjónustunni
1994 með hestaleigu en færðu
svo út kvíarnar fyrir tveimur ár-
um og eru nú með tíu herbergja
hótel. Útlendingar eru þeir sem
bóka herbergin en Íslendingar
eru duglegir að koma að fá sér
ís og mat. „Það sem hefur komið
okkur mest á óvart er traffíkin
af Íslendingum. Það hefur svoldið
vantað hér, áður fyrr fór fólk í
Eden og fékk sér ís og kíkti á
apann en nú erum við komin
með fullt af fólki sem er fasta-
kúnnar,“ segir hann. Í ísbúðinni
starfa heimasæturnar af næsta
bæ, Laugardalshólum, þær Ingi-
björg og Elínborg Anna. „Það er
ekki bara maturinn sem er beint
frá býli, heldur starfsfólkið líka,“
segir Sölvi og hlær.
HEIMALAGAÐUR SVEITAÍS
„Ísinn er úr Snjólaugu“
Morgunblaðið/Ásdís
Matur
og drykkir
Rauðrófur fyrir hjartað
*Rauðrófur hafa undanfarið komist á vin-sældalista margra kokka og eru notaðar bæðií mat og heilsudrykki. Þær eru meinhollar entalið er að þær geti aukið blóðflæði líkamansog lækkað blóðþrýsting og þannig jafnvelunnið gegn hjartasjúkdómum. Þær innihaldameðal annars fjölmörg vítamín, járn, magn-
esíum og prótín. Svo eru þær ljúffengar í sal-
öt, sem meðlæti eða í grænmetisrétti.