Morgunblaðið - Sunnudagur - 19.07.2015, Blaðsíða 31

19.7. 2015 MORGUNBLAÐIÐ SUNNUDAGUR 31
Getty Images/iStockphoto
Krökkum finnst skemmtilegt að spila en sumir for-
eldrar eru orðnir þreyttir á lúdó og matador. Hvernig
væri að kenna börnum póker? Texas Hold’em geta allir
lært og auðvitað er ekki spilað upp á alvöru peninga.
Spilakvöld alltaf vinsæl
* Þrennt í heimi er ekki hægt að fela. Sólina, tunglið og sannleikann. Búdda.
Haukur Holm, fréttamaður hjá RÚV, svar-
ar spurningum um eftirlæti fjölskyldunnar
þessa vikuna.
Fjölskyldumeðlimirnir eru: Haukur
Holm, Guðný Lára Ingadóttir og 16 ára
sonur þeirra, Starri Holm.
Þátturinn sem allir geta horft á? Graham
Norton og svo auðvitað Simpsons.
Maturinn sem er í uppáhaldi hjá öll-
um? Sítrónukjúklingur Guðnýjar, en
svo sakna ég fiskibollanna hennar
mömmu.
Skemmtilegast að gera saman? Ferða-
lög virka alltaf.
Borðið þið morgunmat saman? Á virk-
um dögum eru allir hálfsofandi á þönum,
þannig að sameiginlegur morgunverður er
fjarlæg hugmynd. En um helgar er oft
síðbúinn sameiginlegur morgunverður.
Hvað gerið þið saman heima ykkur
til dægrastyttingar? Horfum á eitt-
hvað í sjónvarpinu sem samkomulag er
um. Annars finnst okkur feðgum fínt
að spila á gítar, en þá þurfum við að
vera hvor í sínu herberginu og hús-
móðirin vill helst ekki vera í heyrn-
arfæri.
EFTIRLÆTI FJÖLSKYLDUNNAR
Gítarspil ómar um allt hús
 Andaðu. Bókstaflega. Ef þú ert upp á kant við
unglinginn þinn er líklegt að þú sért að glíma við
ýmsar neikvæðar tilfinningar. Að einblína á önd-
unina getur hjálpað þér að róa þig niður, lækka
blóðþrýsting og hægja á of hröðum hjartslætti.
Oft er gott að draga andann djúpt áður en þú
svarar unglingnum. Það gæti reynst erfitt í byrjun
en kemur með æfingunni.
 Forðastu að lenda í skítkasti við unglinginn. Þó
það gæti verið augnabliksfróun að skella einhverju
framan í hann á móti er það ekki lausn á vanda-
málinu og gæti gert vont verra. Þetta er ekki auð-
velt, en þú þarft að sýna unglingnum að þú getur
haldið ró þinni þrátt fyrir að allt sé í háalofti.
 Ekki taka skítkasti frá unglingnum persónulega.
Þetta er að sjálfsögðu hægara sagt en gert en
mundu bara að þegar unglingurinn öskrar að
hann hati þig, er hann að meina að hann hati það
sem þú ert að gera á hans hlut, til dæmis að
leggja á hann skyldur eða reglur. Það sem hann
telur heimsins óréttlæti er þér kennt um en þú
getur verið viss um að hann elskar þig enn og
hlustar á þig þrátt fyrir allt.
 Sýndu samkennd. Það getur verið erfitt að
vera unglingaforeldri en það er líka erfitt að vera
unglingur. Flest munum við eftir okkar eigin ung-
lingsárum og sambandinu við okkar foreldra.
Reyndu að rifja upp hvernig þér leið þá. Sýndu
unglingnum skilning til dæmis með því að segja:
„Ég sé að þú ert leiður yfir þessu“ eða „ég man
hvernig mér leið þegar foreldrar mínir skildu mig
ekki.“
 Reyndu að tengjast unglingnum. Notaðu tæki-
færi sem gefast þegar þið eruð tvö ein eins og í
bílnum eða við matarborðið og sýndu unglingnum
fulla athygli. Hlustaðu á hann og vertu til staðar.
Náðu jafnvel í gamlar ljósmyndir sem þið getið
skoðað saman og hlegið yfir. Skrifaðu línu til hans
ef allt þrýtur, miði á koddann með nokkrum fal-
legum línum getur gert mikið. Þótt unglingurinn sé
á mótþróaskeiði, ekki láta það hindra þig í að sýna
þínar mjúku hliðar.
GÓÐ RÁÐ FYRIR UNGLINGAFORELDRA
Getty Images/iStockphoto
Dragðu andann djúpt
Æ G I S G A R Ð I 2 , 1 0 1 R E Y K J A V Í K ,
S Í M I 5 1 2 8 1 8 1
VERIÐ VELKOMIN
Á NÝJAN VEITINGASTAÐ
Í RAUÐA HÚSINU
VIÐ GÖMLU HÖFNINA
Í REYKJAVÍK