Vestfirska fréttablaðið - 04.01.1996, Blaðsíða 8

I FRÉTTABLAÐIÐ ]
RITSTJÓRN OGAUGLÝSINGAR:
SÍMI 456 4011 • FAX 456 5225
Styrmir ÍS
rakst á ísjaka
- Gat kom á stefnið en skllrúm
aftanuið stetnlshylkl varnaði bví
að verr færl
Vélbáturinn Styrmir ÍS 207 í höfn á Flateyri. Myndin er
tekin á annan dag jóla.
Véibáturinn Styrmir ÍS 207 laskaðist talsvert á stefni eftir
árekstur við ísjaka á miðunum 50 mílur vestur af Látrabjargi
að kvöldi 28. desember.
Styrmir sem er um 200 tonna stálskip var keyptur til Flat-
eyrar síðastliðið haust og hefurverið á línuveiðum síðan. Voru
skipverjar einmitt að vinna við línuna er óhappið varð og voru
að sigla á milli bauja. Höggið var mikið og rifnaði stórt gat á
stafnhylkið, en skilrúm við vistarverur skipverja hélt þó að
mestu og kom þaðtrúlega í veg fyrir að verr færi.
Komst skipið af eigin rammleik til Flateyrar þar sem
skemmdir voru skoðaðar af fulltrúa Siglingamálastofnunar.
Var síðan ákveðið að sigla skipinu til Reykjavíkur í slipp.
Mikil og góð veiði hefur verið á línu á Vestfjarðamiðum að
undanförnu og jafnvel talað um fisk á hverjum öngli. Það er
því bagalegt fyrir útgerð Styrmis að missa úr þó ekki verði
nema vika eða svo vegna óhappsins, því nú er í gangi svo-
kölluð línutvöföldun.
- hk.
Gilsfjarðarvegur loksins boðinn út:
Verkinu skal lokið
sumarið 1999
Teikning af fyrirhuguöu vegarstæöi yfir Gilsfjörð. Næst er Króksfjarðarnes, en þaðan mun vegurinn liggja
í stórum sveig yfir á Kaldrana við sunnanverðan fjörðinn. (Framkvæmdafréttir Vegagerðarinnar).
Gerð Vestfjarðavegar yfir
Gilsfjörð, frá Kaldrana í Dala-
sýslu yfir í Króksfjarðarnes í
Austur-Barðastrandarsýslu,
hefur verið boðin út og á henni
að vera að fuilu lokið 15. ágúst
1999 eða eftir þrjú og hálft ár.
Vegagerðin auglýsti útboðið
núna milli jóla og nýárs.
Að stofni til er núverandi
vegur um Gilsfjörð orðinn
nokkuð gamall og uppfyllir
ekki lengur kröfur sem gerðar
eru til stofnbrauta varðandi
burðarþol og fleira. Hann ligg-
ur um svæði þar sem snjór og
snjóflóð hafa valdið erfiðleik-
um á vetrum, þar falla oft aur-
skriður og grjóthrun er á sum-
um hlutum leiðarinnar. Einnig
er veðrasamt í firðinum. Þar
sem vegurinn um Gilsfjörð er
eini kaflinn á stóru svæði sem
svo háttar um, er hann torfæra
í vegakerfinu mikinn hluta árs.
Uppbygging Vestfjarðavegar
er langt komin báðum megin
Gilsfjarðar og því eðlilegt að
kornið sé að endurbótum þar.
Miðað við núverandi veg
styttist vegalengdin um Gils-
fjörð um 17 km við tilkomu
nýja vegarins. Lengd vegarins
sem nú er boðinn út er 9,2 km
en lengd aðkomuvega 1,0 km.
Byggð verður vegfylling yfir
fjörðinn og honum þannig lok-
að að mestu, en 65 m löng brú
verður byggð á klöppunum
norðanvert í firðinum.
Ferjubryggjur vlð Djúp:
Hafnamálastofnun áætlar
að bióða út bryggjusmíði
á Arngerðareyri seinni
partinn í janúar
- hatnamálasqórl relknar með að kostnaðurinn við bryggjuna verðl um
30 milljónir króna miðað við einfaldari mannvirki
en upphaflega var áætlað, auk 20 milljóna vegna bryggu á fsatirði
Þessa dagana er unnið að
undirbúningi við útboðsgögn
vegna ferjubryggju við Arn-
gerðareyri í ísafjarðardjúpi.
Hermann Guðjónsson hafna-
málastjóri sagði í samtali við
Vf í gær að síðustu daga fyrir
jól hafi þeim verið falið að setja
aftur í gang vinnu svo bjóða
mætti út verkið við uppsetn-
ingu ferjubryggju á Arngerðar-
eyri nú seinni partinn í janúar.
Sagði Hermann að þeirra
áætlun miðaðist við að bryggj-
an yrði tilbún til notkunar fyrir
aðal ferðamannatímann, eða
um 15. júní.
Sagði Hermann að þeir hafi
þó enn ekki fengið skriflega
beiðni frá samgönguráðuneyt-
inu varðandi þetta mál, því þar
á bæ vildu menn að aðrir endar
varðandi rekstrarstyrki væru
hnýttir áður en málið yrði end-
anlega afgreitt.
Hvorki náðist í samgöngu-
ráðherra né ráðuneytisstjóra
vegna þessa máls þrátt fyrir
ítrekaðar tilraunir blaðsins.
Búið var að hanna hafnar-
mannvirki á Arngerðareyri árið
1994, en áætlanir nú miðast við
einfaldari mannvirkjagerð en
þar var fyrirhugað. Eigi að
síður reiknar Hermann með að
áætlaður kostnaður vegna
bryggjunnar á Arngerðareyri
verði vart undir 30 milljónum
króna. Þá er eftir bryggja sem
fyrirhugað er að koma upp í
Sundahöfninni á ísafirði sem
áætlað er að kosti um 20
milljónir króna.
A hafnamefndarfundi á Isa-
firði seinnihluta síðasta árs var
ákveðið að beina því til við-
komandi aðila að hefja undir-
búning vegna framkvæmda hið
fyrsta og að 10% hlutur ísa-
fjarðarhafnar vegna bryggju í
Sundahöfn yrði settur á fjár-
hagsáætlun fyrir árið 1996.
- hk