Vestfirska fréttablaðið - 31.01.1996, Síða 1

íSf PI2ZA 67 S 456 3367 í SJALLANUM ÍSAFIRÐI

1 Miðvikudagur 31. janúar 1996 • 5. tbl. 22. árg. S 456 4011 *Fax 456 5225 Verð kr. 170 m/vsk
Bylting í Bakka
Aöalbjörn Jóakimsson, framkvæmdastjóri Bakka hf. í Hnífsdal, staddur niöri á höfn á ísafiröi.
í baksýn er rækjutogarinn Skutull, sem áöur hét Hafþór, en á honum var Aöalbjörn skipstjóri
á sínum tíma og aflaði drjúgt. Aðalbjörn stendur hér viö einn af frystigámum Eimskips en
skip félagsins flytja rækjuna frá honum á erlenda markaöi.
Hjá Bakka hf. í Hnífsdal
hefur verið tekið í notkun nýtt
og byltingarkennt upplýsinga-
og vinnslukerfi, sem heldur
utan um alla þætti rekstrarins
á fljótvirkan hátt og sparar
mikla vinnu. Hér er um að ræða
tölvukerfi fyrir fiskvinnslu-
stöðvar, sem er samvinnuverk-
efni Tæknivals hf. í Reykjavfk
og Bakka hf. Kerfið nefnist
Hafdfs og hefur þróun þess
staðið í nokkur misseri og
kostað tugi milljóna króna.
„Hér eru í fyrsta skipti allar
upplýsingar um reksturinn og
vinnsluna komnar í einn pott“,
segir Aðalbjörn Jóakimsson,
framkvæmdastjóri Bakka hf.
„Þetta er blanda af bókhalds-,
vinnslu-, innkaupa- og sölu-
kerfi og út úr því eru síðan
dregnar allar upplýsingar sem
þörf er á til stjórnunar á fyrir-
tækinu. Kerfið fylgir öllu sem
gerist í rekstri og vinnslu, allt
frá kaupum á hráefni til sölu á
unninni vöru. Það er hraðvirkt,
sparar mikinn mannskap og
agar vinnubrögðin. Margfaldur
innsláttur á upplýsingum er hér
með úr sögunni og starfsmenn
og stjórnendur eiga mjög fljót-
legan aðgang að öllum þeim
upplýsingum sem óskað er eft-
ir“, segir Aðalbjörn.
Ekki ber á fíkni-
efnaneyslu
meðal unglinga
- segir lögreglan á Patreksfirði
- aðeins fjórir fastráðnir lögreglumenn i umdæminu
„Nei, við verðum nú ekki
varir við það hér. Við erum að
vona að það sé ekki neitt um
slíkt hér um slóðir þó að ekki
sé hægt að fullyrða neitt um
það“, sagði Jónas Þór lög-
reglumaður á Patreksfirði,
þegar hann var spurður hvort
brögð væru að fíkniefnaneyslu
unglinga í sýslunni, í kjölfarið
á mikilli umræðu um slikt í
fjölmiðlum að undanförnu.
„Annars erum við orðnir svo
fátækir af mannskap að við
getum ekki gert annað en
haldið í horfinu. Þú sérð
hvemig ástandið er þegar
haldin eru þorrablót samtímis
á þremur stöðum á svæðinu og
við aðeins fjórir“, sagði Jónas.
Ekki er hægt að halda uppi
sólarhringsvakt á lögreglustöð-
inni á Patreksfirði, enda eru þar
aðeins fjórir lögreglumenn
fastráðnir. Eins og fram kemur
í frétt hér að ofan kom mann-
fæðin hjá lögreglunni á Pat-
reksfirði ekki að sök að þessu
sinni, því að þorrablótin fóru
hið besta fram.
Það er fleira matur en feitt ket, var sagt í gamla daga. Á sama hátt eru fleiri verðug
viðfangsefni að glíma við í skólanum en bóklegu menntirnar.
Handmenntir skipa veglegan sess í Grunnskólanum á ísafirði, eins og vera ber. Hér
getur að líta tvær ungar stúlkur sem eru ánægðar með eigin handaverk og mega
sannarlega vera það. Meira um sköpunargáfu nemendanna í Grunnskólanum á ísafirði
á bls. 4.
Sköpunargleði
Leirmótun á Flateyri...
Hvað ætli við getum búið til úr þessu? Magnea Guðmundsdóttir oddviti (til hægri) og
Kristján Jóhannesson sveitarstjóri á Flateyri virða fyrir sér ómótaðan leirklump en Ólöf
Oddsdóttir leirlistakona fylgist með. Myndin er tekin sl. laugardag við opnun hand-
verks- og tómstundamiðstöðvar í Brynjubæ á Flateyri, en fyrir því framtaki standa Ön-
undarfjarðardeild Rauða kross íslands og Flateyrarhreppur.
Hvað ætli hafi svo orðið til úr leirnum í höndunum á Magneu og Kristjáni?
- Sjá bls. 3.
1^^L L1 N N HF. S 456 3092 • Sala & þjónusta ©
Rafþjónusta • Raftækjasala • Rafhönnun • Rafeindaþjónusta • Siglingatæki • Kælitæki PÓLLINN HF.
NÚ ER HÆGT AÐ HRINGJA BEINT. NÝ SÍMANÚMER í DEILDUM. Verslun 456 4594 • Rafmagnsverkstæði 456 4529 • Kælitæki 456 4599 • Lager 456 4595 Rafvélaverkstæði 456 4596 • Tæknideild 456 4583 • Rafeindaverkstæði 456 4590 Sími 456 3092 er okkar aðalnúmer. Þaðan er gefið samband við deildir og miðlað upplýsingum. Geymið auglýsinguna!
SPRAUTUM
NOTAÐ OG NÝTT
í ÓTAL LITUM
TRÉSMIÐJAN eht.
sími 456 3622