Vestfirska fréttablaðið - 31.01.1996, Blaðsíða 4
■N
| FRETTABLAÐIÐ |
Vestfirska fréttablaðið er vikublað, óháð stjórnmálaflokkum.
Blaðið kemur út síðdegis á miðvikudögum og fæst bæði í lausasölu og
áskrift. Verð kr. 170 m/vsk.
Ritstjórn og auglýsingar: Fjarðarstræti 16, Isafirði, sími 456 4011,
fax 456 5225. Ef enginn er við á skrifstofunni er reynandi að hringja í
síma 456 3223 (ísprent).
Ritstjóri og ábyrgðarmaður: Hlynur Þór Magnússon, Túngötu 17,
ísafirði, heimasími 456 4446.
Útgefandi: Vestfirska útgáfufélagið hf., Fjarðarstræti 16, ísafirði.
Prentvinnsla: ísprent hf., Fjarðarstræti 16, ísafirði, sími 456 3223.
LEIDARI
Þorrablót
Enda þótt skipuleg neysla „þorramatar" sé
nýlegur siður, fárra áratuga gamall og upp-
runninn í Naustinu í Reykjavík, þá er ein-
hvern veginn eins og þetta hafi alltaf verið.
Einkennilegt að hugsa sér að maður eins og
Steinn Steinarr skuli aldrei hafa heyrt um
„þorramat", að Halldór Kiljan Laxness skuli
hafa fengið Nóbelsverðlaun fyrir bókmenntir
um íslenskt samfélag án þess að hafa nokkru
sinni minnst á þetta fyrirbæri.
En hvað sem þessu líður, þá eru þorra-
blótin og þorramatarátið á meðal mikilvæg-
ustu tengsla fólksins í landinu við uppruna
sinn. Þorramaturinn sjálfur gegnir þar hlut-
verki naglans í naglasúpunni frægu, sem er
ærið stórt: Hann er kjarninn sem allt safnast
í kringum. Hlutverk hákarlsins og punganna,
bringukollanna og brennivínsins er hið sama,
hvort sem fólki þykir þetta gott eða vont:
Þessi einkennilegi matur er það sem allt
snýst um.
Þorrablót eru fastur siður hjá átthagafélög-
um og öðrum félagsskap sem viðheldur
frændrækni og nábúakynnum. Heimatilbúnir
leikþættir, frumsamin gamanmál, söngur og
grín (eitthvað nógu ólíkt amerískum sjón-
varpsmyndum), allt tilstandið kringum matinn
sem hafður er meðferðis að heiman og étinn
upp úr margvíslegum döllum, koppum og
kirnum en ekki fram borinn af háttvísum
þjónum - allt þetta hristir mannskapinn
saman. Og náunginn er oft litinn öðrum og
mildari augum en áður eftir kynni á þorra-
blóti.
Þar sjáum við hvert annað frá dálítið öðru
sjónarhorni en í formlegheitum og streitu hins
virka dags.
Hlynur Þór Magnússon.
ik
VESTFIRSKA
FRÉTTABLAÐIÐ
Svipmyndir frá starfinu i
Grunnskólanum á ísafirði
Nú á vetrardögum langar
okkur kennara við Grunnskól-
ann á ísafirði að gefa bæjarbú-
um örlitla innsýn í daglegt
amstur okkar og nemendanna
og kynna það fjölbreytta starf
sem fram fer innan veggja
skólans, Eitt af hlutverkum
skóla er að stuðla að alhliða
þroska nemendanna og leyfa
hverjum og einum að njóta
sín.
Oft sjáum við fyrst fyrir
okkur skólastofur þéttsetnar af
misnámfúsum nemendum sem
grúfa sig yfir vandamál stærð-
fræðinnar eða móðurmálsins.
Inn á milli leynast upprennandi
snillingar á sviði rökleikni og
ritaðs máls, sem taka reglur
Pýþagórasar og Njarðar Pé
með trompi. A meðan sjá aðrir
umheiminn fyrir sér í litum,
formum og hljóðum; t'innst
myndin ekki fullkomnuð nema
þeir sjálfir fái að vera virkir
þátttakendur. I hugum þeirra er
hvers konar sköpun jafn mikil-
vægt ferli og rökhugsun stærð-
fræðingsins. Sköpun er þess
vegna mikilvæg námsleið til
aukins þroska, jafnframt því að
veita þátttakandanum ánægju í
kjölfar stritsins, því það er eðli
hennar að eiga líf sitt undir
frumkvæði nemandans sjálfs.
I skólanum okkar leynast
margir hæfileikaríkir nemend-
ur, sem leggja sitt af mörkum til
umhverfisins á mismunandi
hátt. Vonandi tekst okkur að
hlúa að hæfileikum þeirra og
stuðla að alhliða þroska.
Sigríður Schram,
myndmenntakennari.
Sjálfsmyndir tveggja nemenda í þriöja bekk.
Sex og sjö ára nemendur úr
Hnífsdal, sem bönkuöu upp
á hjá kennururm og sungu
„Öxar við ána“ af eldmóði.
Nemendur 8. bekkjar máluðu myndmenntastofuna til að lífga Handverkið getur reynt á taugarnar.
upp á tilveruna.
Smíði hjá áttunda bekk.