Vestfirska fréttablaðið - 31.01.1996, Blaðsíða 7
VESTFIRSKA
FRÉTTABLAÐIÐ
|^^^^^^^^^^^^^^^^Miðvikudagui^3^ianúaH996
7
Efnilegt íþróttafólk í
Bolungarvík hlýtur
viðurkenningar
Tveir ungir og efnilegir hestamenn fengu viðurkenningu
íþrótta- og æskulýðsráðs Bolungarvíkur fyrir góðan árangur
í íþrótt sinni.
Guðmundur Bjarni Jónsson hefur stundað hestamennskuna
í nokkur ár og hefur áður fengið viöurkenningu fyrir góða
frammistöðu. Á hestaþingi Storms sl. sumar vann
Guðmundur gullverðlaun í eldri flokki unglinga.
Svala Björk Einarsdóttir keppti einnig á hestaþingi Storms
og vann gullverðlaun í flokki yngri unglinga og hlaut einnig
ásetuverðlaun í þeim flokki. Þá hlaut Svala hæstu einkunn
sem gefin var á mótinu.
Brynjólfur Flosason golfmaður hlaut viðurkenningu fyrir góða
frammistöðu á liðnu ári. Hann stundar íþrótt sína af kappi
og hefur tekið stórstígum framförum. Á síðasta sumri sigraði
hann í nánast öllum þeim unglingamótum sem haldin voru.
Hér tekur hann við innrömmuðu viðurkenningarskjali úr
hendi Önnu G. Edvardsdóttur, formanns íþrótta- og
æskulýðsráðs Bolungarvíkur.
Kolbrún Eva Viktorsdóttir
fékk viðurkenningu fyrir
góðan árangur í sundi. Hún
hefur æft sund í sex ár og
æfir fimm sinnum í viku, tíu
mánuði á ári. Á Vestfjarða-
mótinu vann hún gull í 50
m flugsundi og 50 m bak-
sundi og silfur í 50 m
bringusundi og 50 m skriö-
sundi. Á Kiwanismótinu
sigraði hún í 200 m skrið-
sundi og 50 m skriðsundi.
í ávarpi sínu við afhendingu
viðurkenningarinnar sagöi
Anna G. Edvardsdóttir m.a.:
„Þá vil ég einnig geta þess,
að Kolbrún er mjög efnilegur
hlaupari og er árangur
hennar þar athyglisverður,
þegar horft er á það að hún
æfir ekki hlaup. Hún varð í
1. sæti í Krókshlaupinu á
Sauðárkróki í flokki kvenna
17 ára og yngri og að auki
var hún með þriðja besta
tímann í kvennaflokki í 10
km Óshlíðarhlaupinu. Þess
má geta, að Kolbrún er
aðeins 12 ára, þannig að
segja má að árangur hennar
sé frábær...“
Þegar lýst var kjöri íþrótta-
manns ársins 1995 í Bolungar-
vík um fyrri helgi voru
nokkrum öðrum fþróttamönn-
um jafnframt veittar viður-
kenningar fyrir góðan árangur
á síðasta ári. Ljóst er að nokkur
kraftur hefur verið að færast í
starfsemi UMFB eftir nokkurra
ára lægð. Formaður íþrótta- og
æskulýðsráðs Bolungarvíkur,
Anna G. Edvardsdóttir, afhenti
viðurkenningarnar og greindi
frá íþróttastarfinu í Bolungar-
vík á liðnu ári. í upphafi máls
síns ræddi hún um vaxandi
fíkniefnaneyslu, sérstaklega
meðal unglinga, og sagði m.a.:
„Enginn staður á landinu er
óhultur fyrir þessum vágesti,
ekki einu sinni Bolungarvík,
sem í margra augum er á hjara
veraldar. Fyrir örfáum árum
voru fíkniefni nánast óþekkt
hér en nú er öldin önnur.
Margir eru uggandi og þá sér-
staklega foreldrar, sem finna
sig vanmáttuga í baráttunni við
vímuefnin, því það virðist að
þrátt fyrir fræðslu og forvarnir
hafi aldrei verið eins mikið um
fíkniefni og nú.“
Islipshup sundkappi korlubolta-
maður ársins á Akureyri!
- Birgir Örn Birgisson hefur komist í landsliö í svo
ólíkum greinum sem sundi og körfubolta
Einn af allra fremstu sund-
mönnunt Vestra á ísafirði fyrr
og síðar, Birgir Örn Birgisson,
hefur verið útnefndur Iþrótta-
maður Þórs á Akureyri fyrir
árið 1995 og jafnframt körfu-
boltamaður ársins.
Birgir Örn er reyndar fæddur
norður á Akureyri, sonur
Gunnlaugar J. Magnúsdóttur
frá Akureyri og Birgis Ólafs-
sonar rafverktaka, sem er ís-
firðingur í húð og hár. Hann var
tveggja ára þegar fjölskyldan
fluttist til Isafjarðar og þar ól
hann aldur sinn fram yfir tví-
tugt.
Birgir Örn er meðal fárra
sem hafá verið valdir í landslið
í fleiri en einni grein, en hann
var í landsliðinu í sundi á sínum
tíma. Árið 1990 dvaldist hann
um tíma í Rússlandi og æfði þar
með rússneska landsliðinu í
sundi. Að loknu stúdentsprófi
á Isafirði fluttist Birgir Örn til
Akureyrar til náms og hefur
verið búsettur þar í nokkur ár.
Þar hefur hann stundað körfuna
og var valinn í íslenska lands-
liðið í körfubolta á síðasta ári.
Ársskýrsla ísafjarðarhafnar:
Færri skip, stærri skip
í ársskýrslu Hermanns
Skúlasonar, hafnarstjóra á Isa-
firði, kemur fram að árið 1995
hafi verið gott ár hjá Isafjarð-
arhöfn, þrátt fyrir slæmt tíðar-
far, og voru aflabrögð góð í
flest veiðarfæri.
Helstu framkvæmdir
Helstu framkvæmdir hjá
hafnarstjórn voru endurbygg-
ing gömlu bátahafnarinnar, en
þar var rekið niður 140 metra
stálþil, steyptur ofan á það
kantur og fríholtað. Verkið var
unnið af Trévangi hf. á Reyð-
arfirði og tókst með ágætum.
Aukið var við raf-
magnstengingar fyrir gáma á
Sundahöfn og kom það sér vel
vegna aukinnar umferðar með
frystigáma um höfnina. Haldið
var áfram snyrtingu hafnar-
svæðisins, sett upp afgirt veið-
arfæraport niðri á Suðurtanga
og er vonast til að hægt verði að
taka það til fullrar notkunar á
vordögum 1996.
Skipafélögin flytja að-
stöðu sína yfir á Sunda-
höfn á þessu ári
Undirbúningur að flutningi
skipafélaganna með aðstöðu
Hermann Skúlason,
hafnarstjóri á ísafirði.
sína yfir á Sundahöfn hefur
haldið áfram og vonast menn til
að hann geti farið fram núna á
fyrri hluta ársins.
Ekki tókst að ljúka við upp-
dælingu í Suðurtangann á árinu
en ástæðan var fyrst og fremst
sú að dælupramminn Graddi
sökk í janúarveðrinu í fyrra og
reyndist verr farinn en haldið
var í upphafi. Vonir standa til
að verkinu ljúki ekki seinna en
í apríl nk.
Mikil aukning hefur orðið á
flutningi á gámum með hráefni
til vinnslu hér á svæðinu
(rækja, þorskur, grálúða), sem
aftur kallar á meira rými á
hafnarsvæðinu.
Skipum fækkar
og þau stækka
Sú þróun hefur haldið áfram,
að skipum sem koma til hafnar
á Isafirði fer fækkandi en aftur
á móti fara þau stækkandi.
Meðalstærð skipa árið 1994 var
958 brúttótonn en árið 1995 var
hún 1223 brúttótonn. Skipa-
komur til Isafjarðar árið 1994
voru 1392 en árið 1995 voru
þær 1067. Aðeins eru skráð
skip 50 brúttótonn og stærri.
Á árinu voru gerð út frá Isa-
firði 10 togskip, 2 togbátar, 14
rækjubátar, 30 færabátar og 2
ígulkerabátar auk nokkurra
skipa sem voru tekin á leigu
tímabundið til rækjuveiða.
Starfsmenn hafnarinnar voru
fimm á árinu. Um áramót hætti
Guðmundur Sigurðsson sem
varð sjötugur á árinu og voru
honum þökkuð vel unnin störf
í þágu ísafjarðarhafnar.
Hús Eimskips við Sundahöfn á ísafirði:
Skilað fullfrágengnu að
utan innan tveggja mánaða
Búið er að steypa sökkulinn að væntanlegu vöruhúsi Eimskips á ísafirði á horni Ásgeirsgötu
og Sundabakka, rétt hjá nýja gámaplaninu við Sundahöfn. Smábátahöfnin í baksýn. Hús
Norðurtangans lengst til vinstri á myndinni.
Lægstbjóðandi í að reisa
stálgrindahús Eimskips við
Sundahöfn á ísafirði er Garða-
smiðjan í Garðabæ og á fyrir-
tækið að skila húsinu fullfrá-
gengnu að utan í lok mars nk.
Sökkullinn er tilbúinn. Reiknað
er með því að húsið verði full-
klárað í maí og að hægt verði að
flytja á nýja gámasvæðið á
miðju ári, þegar malbikun og
frágangi þar lýkur. Það ræðst
þó af því hvenær malbikunar-
tækin koma vestur til þess að
fara í jarðgöngin.
Hús Eimskips mun rísa á
mótum Ásgeirsgötu og Sunda-
bakka, í sömu línu og hús
Norðurtangans, og verður
næsta hús við gámasvæðið. Það
verður 600 fermetrar að gólf-
fleti en þar af eru 100 fermetra
skrifstofuhúsnæði á efri hæð,
vöruhús 400 fermetrar og síðan
viðgerðarpláss og aðstaða fyrir
starfsmenn á 100 fermetrum.
Frystiskip frá Kanarí?
Menn frá þremur vestfirsk-
um fyrirtækjum, Bakka í
Hnífsdal, Básafelli á Isafirði og
Frosta/Álftfirðingi í Súðavík
skruppu til Kanaríeyja sl. laug-
ardag til þess að athuga með
skipakaup, en fyrir helgina var
auglýst þar „útsala“ á tólf
frystiskipum, sem hugsanlega
geta hentað til rækjuveiða.
Skipin eru 40 metrar á lengd og
500 tonn og verðið mun vera
liðlega hundrað milljónir á
skip. Ástæða þótti til að bregð-
ast skjótt við, fara á staðinn og
athuga málið, að sögn Aðal-
björns Jóakimssonar hjá Bakka
hf„ en fyrir hans hönd fór utan
Sævar Birgisson, útgerðarstjóri
hjá Ósvör í Bolungarvík,
skipatæknifræðingur og fyrrum
framkvæmdastjóri Skipa-
smíðastöðvar Marsellíusar hf.
á Isafirði.