Feykir - 11.10.1989, Side 6

6 FEYKIR 36/1989
Hagyrðingaþáttur 60
Heilir og sælir lesendur
góðir. Eins og mörg ykkar
rekur eflaust minni til var
fyrir nokkru síðan hér í
þættinum fjallað talsvert um
vísuna, Kuldinn beygja firða
fer. Nú í haust heyrði ég þá
sögu að eitt sinn í göngum
með Lýtingum, hafi einn
gangnamanna kveðið vísu
þessa svo stöðugt að annað
hafi vart komist að. Eitthvað
mun þetta hafa farið í
taugarnar á Jóhanni Magnús-
syni frá Mælifellsá, því
nokkru síðar hafði hann yfir
eftirfarandi vísu við kvæða-
manninn.
Þótt þú fölur fallir hér
við frosnar jökulrætur.
Er það víst að yfir þér
engin meyja grætur.
Nú um réttaleytið hefur
það komið fyrir að menn
hafa dreypt á drykk þeim er
stundum er kallaður íslend-
ingur. Eitthvert sinn hér á
árum áður er maður að nafni
Björn Blöndal vará yfirreið í
Skagafirði og vildi ódrýgja
drykkjarföng framtaksamra
manna orti Gissur Jónsson í
Valadal þessa vísu.
Oft hefur landinn hildi háð,
höpp að hlotið vonum.
Blöndal aldrei banaráð
bruggað getur honum.
Á sl. sumri bar svo til eitt
kvöld að hópur ferðamanna
á hestum kom að Goðdölum
í Skagafirði og baðst gisting-
ar hjá Grétari Símonarsyni
bónda þar. Var það auðsótt
mál, en þegar ferðafólkið
vildi borga næturgreiðann
daginn eftir neitaði bóndi
alfarið að taka nokkuð fyrir
slíkt. Nokkru síðar kom einn
úr hópnum Agnar Sveinsson
á Sauðárkróki að máli við
bónda og afhenti honum
viskíflösku sem þakklætis-
vott fyrir greiðann. Með
flöskunni í'ylgdi þessi vísa.
Hjá þér góðan fundum frið
finnst ei nokkur skaðinn.
Gangnasopann getum við
gefið þér í staðinn.
Þorvaldur Olafsson frá
Arnarbæli síðar á Öxnalæk
var vínglaður maður og
bráðskemmtilegur. Eitt sinn
er hann var í göngum tapaði
hann smalahundinum frá
sér. Þegar hann kom heim
var frúin farin í reisu til
Reykjavíkur. Þorvaldur bauð
vinum sínum heim með sér
upp á kaffi og brennivín og
lofaði þeim svo að heyra
þessa vísu.
Er það kyn þó ekki létti
af mér þungri lund.
Misst hef eg á einu bretti
eiginkonu og hund.
Önnur vísu kemur hér sem
ég held að sé eftir Þorvald.
Ýmislegt er áfram sótt
frá ævimorgni að dauða.
Oft er hófið mundangs mjótt
milli hafra og sauða.
Þá kemur næst vísa sem er
trúlega landfleyg. og hef ég
aldrei heyrt hana eignaða
öðrum en Stefáni Stefánssyni
frá Móskógum.
Hún var ung og hýr á brá,
hafði af mörgum kynni,
gat því löngum lifað á
litlu fasteigninni.
Önnur kunnug, snjöll vísa
er hér næst, en ekki veit ég
fyrir víst eftir hvern hún er,
en mig minnir að ég hafi
heyrt Karl Kristjánsson
nefndan höfund að henni.
Mörg er Ijúfan létt í geði,
lítið ég um gáfur hirði.
Hafi þær ekki huppagleði
höfuðið tel ég einskis virði.
Margir kannast við ýtu-
manninn og hagyrðinginn
snjalla þeirra Vestfirðinga
Elías Kjaran. Eftir hann er
þessi vísa.
Kafa ég í klof af vana,
kanna leiðina.
Eg er að fara upp á hana,
elsku heiðina.
Önnurvísa kemur hér eftir
Elías og mun hún vera gerð
er hann átti orðastað við
ónefndan saumaklúbb í
gegnum útvarpið.
Á saumakvenna bjartri braut
bregst þeim ekki svarið.
Væri gott í ljúfri laut
að líta á gróðurfarið.
Það er Jónas Tryggvason
sem er höfundur að næstu
vísu.
Forsjá þjóðar er fokin burt
fækka tekur ráðum sönnum.
Stundum þegar stórt er spurt
standa svör í vitrum mönnum.
Eg lýk þættinum að þessu
sinni með annari vísu eftir
Jónas, sem mun vera ort 8.
október árið 1945.
Tímans letur tvírátt enn
takmörk setur öllum.
Kaldur vetur kemur senn,
kólguhret á fjöllum.
Þá er að lokum sú ósk að
gott væri að fá eitthvað af
efni fyrir næsta þátt.
Verið þið sæl að sinni.
VETRARSKOÐUN
í VETRARSKOÐUN OKKAR
ERU MÖRG ATRIÐI SEM
AUÐVELDA ÞÉR
VETRARAKSTU RIN N
1. Vélastilling
2. Stilltur blöndungur
3. Tímastillt kveikja
4. Frostþol kælivökva mælt
5. Ath. þurrkublöö og vökvi á
rúðusprautu.
6. Ath. loftsia, hreinsuð, endurnýjuö
ef með þarf.
7. Ath. bensínsía, endurnýjuð ef þörf
er á
8. Vél þjöppumæld
9. Kveikikerfi rakavariö
10. Skipt um kerti og platínur
11. Ath. viftureim
12. Ath. slag í kúplingu og
bremsupetala
13. Ath. bensín og olíuleka
14. Ath. hleðslu, rafgeymi, og
geymasambönd
15. Stilltar rúðusprautur
16. Yfirfarin Ijós

bilflvcrkstod j
nh. 0I79-3202
Atvinnuþróunarverkefni
á Siglufirði
Nýlega er hafið hér á
Siglufirði þróunarverkefni í
atvinnumálum aðfrumkvæði
nefndar sem skipuð var af
bæjarstjórn fyrir rúmlega
einu ári til að gera úttekt á
atvinnulífinu á staðnum og
framtíðarhorfum þess.
I nefndinni áttu sæti þeir
ísak J. Ólafsson bæjarstjóri,
Björn Jónasson sparisjóðs-
stjóri, Freyr Sigurðsson
framkvæmdastjóri Rafbæjar,
Jón Dýrfjörð hjá Vélaverk-
stæði Jóns og Erlings og
Róbert Guðfinnsson fram-
kvæmdastjóri Þormóðs Ramma
hf. Þeir fengu Iðnþróunar-
félag Norðurlands vestra í lið
nteð sér og gerði hópurinn
tillögur um að hrinda í
framkvæmd _ tveggja ára
atvinnuþróunarverkefni og
ráða til þess sérstakan
starfsmann meðaðseturhérá
staðnum. Til verksins var
ráðinn Björn Valdimarsson
og hóf hann störf nú fyrir
skömmu.
Meginmarkmið með þessu
verkefni er að renna styrkari
stoðum undir atvinnulífið
hér í bænum með þátttöku
fyrirtækja, einstaklinga og
bæjaryfirvalda en rneðal
þeirra sent fjármagna verk-
efniðeru Vinnuveitendafélag
Siglufjarðar, bæjarsjóður,
Iðnþróunarfélagið. fyrirtæki
á staðnum o.ll.
Á verkefnalistanum eru
ntargvíslegir málaflokkar.
Unnið verður með fyrir-
tækjurn að stefnumótun og
endurskipulagningu á starf-
semi þeirra og í ntörgum
tilfellum er endurskoðun
fjármála á dagskrá. Vöru-
þróunar- og markaðsmál eru
einnig meðal þeirra atriða
sem stefnt er að vinna að. Að
auki eru ýrniss fræðslumál
ofarlega í hugunt manna.
Það er nokkuð ljóst að stór
hluti átaksins kemur til með
að tengjast sjávarútveginum,
þar sem atvinnulífið snýst
hér að miklu leyti um útgerð
og fiskvinnslu og þjónustu
við þessar greinar.
Svo eru aðrir málaflokkar
einnig á dagskránni og má
þar t.d. nefna aukna og bætta
þjónustu við ferðantenn og
úttekt á möguleikum á því að
nýta sér hina góðu skíðaað-
stöðu hér til þess að fá hingað
ferðafólk yfir skíðatímann.
Það er von þeirra sem að
þessu verkefni standa að með
því megi auka fjölbreytni í
atvinnulífinu þannig að fleiri
finni hér störf við sitt hæfi og
að þjónustan við bæjarbúa
batni, jafnframt að það takist
að aðstoða þau fyrirtæki sem
eiga nú í erfiðleikum að leysa
sín mál.
Skrifstofa verkefnisins er í
Utvegsbankahúsinu hér á
Siglufirði og símanúmer 96-
7 M 96.
SÆMUNDARGOTU