Múlaþing: byggðasögurit Austurlands - 01.01.1966, Síða 13

MÚLAÞING
11
Enn einu sinni voru lögð drög að meir.i efniskaupum og um ára-
mótin 1904 voru enn komin til Reyðarfjarðar um 300 æki af timbri
að flytja um hávetur upp á Hérað. Þessir flutningar tókust ekki
jafngreiðlega og hið fyrra sinn. Svo var til ætlast að Reyðfirðing-
ar flyttu efnið um það bil hálfa leið, en Héraðsbændur áttu að
sækja timbur þetta inn á Fagradal. — Vetrarflutningar hafa þótt
erfiðir á þessari leið mörg hin seinni ár, og dýr.ir. Ganga þó um
dalinn snjóbílar og önnur vélknúin farartæki með talstöðvar og
fleiri nútímaþægindi. Hvað mun þá verið hafa veturinn 1904 er
ntenn urðu að reiða sig mest á eigin hreysti eða treysta ratvísi hesta
sinna ef í harðbakkann sló? Eru vetrarveður jafnan óstöðug og
færð ill um dal þennan og gengu þessir selflutningar á efninu seint
og þóttu verða óhemjudýrir.
Seint mjakaðist verkið, en allt gekk þó stórslysalaust eftir þetta
og var Lagarfljótsbrú fullgerð á næstu tveim sumrum. Hið sama
danska félag sá um framkvæmdir undir strangri umsjón Sigurðar
1 hóroddsens. Var fallhamarinn nú hvergi sparaður, en sum trén
varð að reka 40—50 fet niður í botninn áður en þau fengu festu. -—
Hafa mér tjáð fróðir menn að það hafi verið Páll Hermannsson,
síðar alþingismaður, sem til þess var settur af landsverkfræðingi
að sjá til þess að staurarnir yrðu svikalaust niður reknir. Það fylgir
og þeirri sögn að Páll hafi hvergi bilað við þennan starfa, enda er
þetta þá ekki síðasti starfinn sem hann rækti af trúmennsku fyrir
Austfirðinga.
Sigurður landsverkfræðingur hlaut mjög gott orð af Austfirð-
mgum fyrir röggsemi sína og vandvirkni. Sennilega hefur Lagar-
fljótsbrúin verið síðasta stórverkið sem hann annaðist fyrir lands-
stjórnina því hann sagði af sér starfi í febrúar 1905. Og kannski
hefur þessi brú líka átt sinn þátt í því að svo fór. — Það er kunnugt
um Sigurð að hann lagði niður starfa sinn einkum vegna þess að
hann þóttist oftlega ráðum borinn.
Það kom því í hlut eftirmanns hans, Jón Þorlákssonar, að leggja
síðustu hönd að brúnni sumarið 1905. Var svo langt komið að brú-
m var hátíðlega vígð þann 14. september um haustið. Var þá mikið
um dýrðir er fjöldi manns var saman kom.inn. Gengu menn í prós-
essíu yfir brúna með fyrirmenn í broddi fylkingar. Gekk fyrstur