Múlaþing: byggðasögurit Austurlands - 01.01.1999, Side 95

Steinunn Kristjánsdóttir
Þórarinsstaðir í
Seyðisfirði; grafreitur
úr heiðni og kristni
/
síðasta hefti Múlaþings var greint frá
fornleifarannsókn á grafreit og kirkju á
Þórarinsstöðum í SeyðisfirðiJ Rann-
sóknin hófst sumarið 1998 og var síðan
framhaldið sumarið 1999. í þessari grein
verður fjallað um framhald rannsóknarinnar
og þær niðurstöður sem nú liggja fyrir.
Fornleifarannsókn 1999
Um rniðjan júní 1999 var hafist handa að
nýju við fornleifauppgröft á Þórarinsstöðum.
Þegar greftri var hætt sumarið 1998 höfðu
fundist leifar timburkirkju og grafreitur í
kringum hana. Þá var rannsakað miðskip
kirkjunnar, svo og 14 grafir í grafreitnum.
Nú var stefnt að því að ljúka greftri í
kirkjurústinni. Jafnframt átti að reyna að
kasta tölu á fjölda grafa í grafreitnum,
samhliða því sem kanna átti umbúnað og
gerð þeirra, og rannsaka mannabein með
tilliti til sjúkdóma og lifnaðarhátta.
Tvö byggingarstig kirkju
Þegar uppgrefti var haldið áfram á Þórar-
insstaðakirkjunni sumarið 1999 kom í ljós
annað eldra byggingarstig undir því sem var
uppgötvað árið áður. Eldri kirkjan var
nokkuð minni en þær vom samt sem áður
báðar byggðar með sama byggingarlaginu,
þ.e. úr stafverki með niðurgröfnum horn-
stoðum.* 2
Miðskip eldri kirkjunnar var 2,7 m breitt
og 3,3 m langt að innanmáli. Kórinn var
minni en miðskipið og mældist að innanmáli
vera 1,5 m á hverja hlið. I hornum
miðskipsins og kórsins fundust stoðarholur
hornstoðanna. Þær voru sex talsins (sjá
mynd). Þvermál þeirra stoðarhola sem fund-
ust í miðskipi kirkjunnar var mjög mikið sé
miðað við heildarstærð kirkjunnar. Þær
stærstu mældust 90 cm í þvermál. Stoðarhol-
urnar sem fundust í kómum voru þó nokkuð
minni, sú stærri mældist um 40 cm í þvermál.
^ Steinunn Kristjánsdóttir 1998.
2 í greininni verður fjallað um kirkjuna á Þórarinsstöðum sem eina byggingu þó hún hafi verið endurbyggð einu sinni í stærra formi.
Aftur á móti verður talað um tvö byggingarstig hennar þar sem við á. Kirkjurnar verða flokkaðar sem eldri kirkjan og yngri kirkjan
þegar enn nánari skilgreiningar er þörf.
93