Feykir - 02.03.1994, Blaðsíða 5

9/1994 FEYKIR5
Góðgerðaskemmtun:
Engin að þrasa
og allir jákvæðir
Það var góður andi og
skemmtileg stemmning á góð-
gerðarskemmtun sem haldin
var í íþróttahúsinu á Sauðár-
króki sl. sunnudagskvöld.
Skemmtunin, sem haldin var
til styrktar ungri stúlku sem er
nú í endurhæfingu vegna erf-
iðra veikinda, var ágætlega
sótt og skemmtu um 300 gest-
ir sér vel. Samkomur sem
þessar sýna fram á ágæti þess
að búa í smærri samfélögum,
þar sem flestir þekkja flesta,
og allir leggjast á eitt ef eitt-
hvað bjátar á.
Meginefni skemmtunarinnar
voru körfuboltaleikir af ýmsu
tagi, þar sem bæði yngri flokkar
Tindastóls og þeir eldri sýndu
hæfhi sína. Þá söng karlakórinn
Heimir nokkur lög við góðar
undirtektir áheyrenda. Séra
Hjálmar Jónsson var kynnir og
stjómandi samkomunnar og
tókst honum að hafa góða stjóm
á hlutnum, til að mynda þegar
ungir gestir á þungarokksaldri
höfðu ekki þolinmæði til að
hlusta á kórsönginn, en þeir ró-
uðust er Hjálmar lofaði þeim að
þetta kynnu þeir að meta að
nokkmm ámm liðnum.
Selma Reynisdóttir bekkjar-
systir Pálu Kristínar og ein þeirra
sem vom í forsvari fyrir
skemmtuninni, þakkaði öllum
þátttakendum í iokin. Sagðist
hún sannfærð um að Pála kynni
að meta þann samhug sem
Skagfirðingar hefðu sýnt með
því að mæta í íþróttahúsið þetta
kvöld. Sjálf sagði Selma, sem er
meistaraflokkskona í Tindastóli,
að þetta væri sú skemmtilegustu
stund sem hún hefði upplifað í
íþróttahúsinu. Aldrei áðurhefðu
áhorfendur og leikmenn verið
jafn jákvæðir, enginn veriö aö
skammast út í dómarana eða
hvem annan.
Þess má geta að um 220 þús-
und söfnuðust þetta kvöld.
Þónokkur dæmi vom um að fólk
sem teysti sér ekki til að mæta,
bæði fyrir að framlagi þess yrði
komið til söfnunarinnar.
„Fljótlega eftir að við, snemma
á þessu ári, ákváðum að gefa
út Ijóðabók, kom upp í hug-
ann að tengja útgáfu bókar-
innar aðstoð við Pálu Kristínu
Bergsveinsdóttur. Við kynnt-
umst henni þegar við komum
hingað í skóla haustið 1988,
höfúm vitað af veikindum
hennar og fylgst með álengd-
ar. Agóðinn af útgáfúnni mun
renna óskertur til þessa góða
málefnis og það er alveg víst
að fólk mun fá eitthvað fyrir
peninginn hvort sem því líkar
kveðskapur okkar eða ekki“,
segja ungskáldin Haukur
Reynisson og Steinar Sörens-
son, er þessa dagana ganga í
hús á Króknum og selja ljóða-
bók sína, Lífsskynjarar í sól-
blindu.
Hér em á ferðinni tveir rúm-
lega tvítugir piltar. Útgáfu sína
kalla þeir Handan vatna forlag-
ið og segir það allt um uppmna
þeirra. Bókina segja þeir þegar
hafa fengið góðar og jákvæðar
viðtökur og ekki sé minnsti vafi
á því að öll tölusettu eintökin,
400, komi til með að renna út.
,Jú það er líka mjög jákvætt
fyrir okkur að komast á fram-
færi á þennan hátt og við viljum
hvetja fólk til að lesa bókina“,
segja þeir félagar, en lesendum
er innan á titilsíðu bent á að bók-
Ungskáldin Haukur Reynis-
son og Steinar Sörensson,
láta afrakstur fyrstu ljóða-
bókar sinnar renna óskiptan
til góðs málefnis.
„Fólk fær
fyrir pening-
inn, hvort
sem því líkar
kveðskapur-
inn eða ekki"
in búi yfir leyndarmáli. Kveð-
skapurinn er atóm. Báðir byrj-
uðu þeir að yika í kingum 16 ára
aldurinn. Steinar segist hafa not-
að þetta sem tjáningarform að
hluta til, ljóðin stundum verið
skrifúð sem dagbókarbrot. Yrk-
ingar Hauks hafa verið meira
með hléum, en stærsti hluti
ljóðabókarinnar er frekar nýlegt
efni.
Þeir Haukur og Steinar vilja
þakka skólayfirvöldum þann
sveigjanleika sem þau hafa sýnt
þeim félögum við útgáfu bókar-
innar, og vinum og vandamönn-
um fyrir að vera til staðar.
Ákeyrslur á búfé
Undanfarin ár hefur verið mik-
ió rætt um ákeyrslur á búfé. Hvergi
virtust vera eins tíðar ákeyrslur á
búfé og í Skagafirði. Með sameig-
inlegu átaki lögreglu, Vegagerðar
og ekki síst bænda hefúr náðst mik-
ill árangur í að fækka þessum á-
keyrslum. Undanfarin ár hefur
þeim fækkað mikið samkvæmt töl-
um lögreglu, en þó er vitað að
ákeyrslumar em fleiri en þar kem-
ur fram, þar sem lögreglu er ekki
tilkynnt um þær í öllum tilvikum,
sérstaklega ekki þegar ekið er á
lambfé yfir sumartímann og tjón
veróa ekki veruleg, né meiðsli á
fólki.
Árið 1991 voru ákeyrslumar
16, 12 árið 1992 og aðeins 9 árið
1993. Er vonandi að þróunin haldi
átfam í þessa átt, en ef marka má
fréttir úr ljölmiólum virðist ákeyrsl-
um á búfé fara fjölgandi í ná-
grannasýslum, og er það miður.
Hinsvegar hefur kvörtunum
vegna lausagöngu búfjár, á eða við
þjóðvegina, fjölgað. Á árinu bámst
lögreglu alls 142 tilkynningar þess
efnis, flestar úr Viðvíkurhreppi, eóa
36. Akra- og Seyluhreppur fylgja
fast á eftir með um 30 kvartanir
hvor. Meó Seyluhreppi em taldar
kvartanir vegna hrossa á Vatns-
skarði, sem reyndar er í Húnavatns-
sýslu, en þær hafa verið nokkuð
tíðar undanfarin ár. Nú er búið að
girða þar beggja vegna vegar og
ættti það að draga úr slysahættu,
a.m.k. yfir sumartímann þegar
girðingar em ekki á kafi í snjó.
Á árinu 1992 bámst lögreglunni
73 kvartanir um lausagöngu búfjár,
þannig að um vemlega aukningu
var að ræða 1993. Árið 1991 vom
þær hinsvegar 126.
Haldnir hafa verið fúndir meó
bændum, hreppstjómm, oddvitum,
starfsmönnum Vegageröar og
tryggingarfélaga og málin rædd.
Lögð er rík áhersla á aó þar sem
girt er beggja vegna vegar skuli
vegsvæðið vera „skcpnufrítf. Lög-
reglan bregst því fljótt vió ef fréttir
berast um skepnur við þjóðvegi og
ræðir við eigendur þeirra eða
hreppstjóra.
Það er ekki einkamál bóndans
hvar hann beitir skepnum sínum;
þetta er líka mál þeirra sem um
vegi landsins fara. Með bættu
vegakerfi heíúr umferðarþunginn
aukist og hraðinn einnig. Lausa-
ganga ætti þar af leiðandi ekki að
þekkjast, á eða við vegi, og alls
ekki þar sem girt er beggja vegna
vega. Hins vegar verður að taka til-
lit tíl snjóa og vega á afréttum, eins
geta skepnur sloppið úr girðingum.
Þá verða einnig að vera skýrari
ákvæói um bótaþátt, jafnt öku-
manna sem búfjáreigenda, í tjónum
er verða af ákeyrslum á skepnur.
Þess má geta að þrír hreppar í
sýslunni hafa bannaó lausagöngu
stórgripa, en miðað við niðurstöðu
í dómsmáli nýlega, þar sem Hér-
aðsdómur Reykjavíkur sýknaði
ökumann af kröfu bónda um bætur
vegna ákeyrslu á hross, er þess
varla að vænta að þeim bönnum
íjölgi í bráð. (Ur ársskýrslu
lögreglunnar á Sauðárkróki).
Félagasamtök, forráóamenn
fyrirtækja og klúbba!
„Látum sönginn hljóma“
Söngskemmtun Geirmundar
Bókanir og upplýsingar
í síma 96-22770
Láttu fagmenn yfirfara loftnetið hjá þér!
Erum með ný og góð mælitæki
til að mæla út loftnetskerfi.
Önnumst einnig uppsetningu á loftnetskerfum.
^ Ríkisjónvarp + útvarp
R AFM AGN S VERKST ÆÐI
sími 95-35200 - fax 36049
* Stöð 2
❖ Farsíma
íJí Bílaloftnet
jj: Og fleira