Feykir


Feykir - 13.04.1994, Blaðsíða 1

Feykir - 13.04.1994, Blaðsíða 1
13. apríl 1994, 14. tölublað 14. árgangur. Oháð fréttablað á Norðurlandi vestra rafsjá hf RAFVERKTAKAR SÉRVERSLUN MEÐ RAFTÆKI SÆMUNDARGÖTU 1 SAUÐÁRKRÓKI Það var unnið kappsamlega á snæviþöktum knattspymuvellinum á Króknum sl. laugardag. Þar voru mætt stúdentsemi Fjölbrautaskólans og hlóðu þau upp hverjum snjómanninum á fætur öðrum. Þegar dagur kom að kvöldi var orðið mannmargt á norðurhluta vallarins, þyrping rúmlega 100 snjó- karla og kerlinga. Astæða þessa uppátækis stúdentsema er sú að þarna voru þeir að afla sér með áheit- um fjár til útskriftarferðarinnar, sem verður farin til Algarde í Portúgal að loknum prófum í vor. Er hér um afar nýstárlega fjáröflunarleið að ræða og heppnaðist hún ágædega að sögn nemenda. Góð aðsókn að Sæluvikunni Góð aðsókn hefur verið að dag- skrárliðum Sæluviku, sem hófst sl. laugardag. Sýningar voru Ld. mjög vel sóttar á sunnudag. Húsfyllir var á frumsýningu Leikfélags Sauðárkróks á Karl- inuni í kassanum á sunnudags- kvöld og leikendum og leik- stjóra mjög vel tekið og þeir hylltír í Iok sýningar. Fjölmenni sótti sýninguna Alþýðulist í Safnahúsinu, tónleikar í tónlist- arskólanum voru vel sóttir og einnig var fjölmenni á Kirkju- kvöldi í Sauðárkrókskirkju á mánudagskvöld. I gærkveldi var Heimiskvöld í Bifröst og síðan rekur hver dag- skrárliðurinn annan. Skákþing Norðurlands hefst í Samaðar- heimilinu á morgun (fimmtudag) og um kvöldið verður stór- skemmtun í Bifröst, þar sem úrslit dægurlagakeppninnar fer fram. Á föstudagskvöld verður Skagfirska söngsveitin með tónleika í Iþrótta- húsinu og aó þeim loknum verður eldridansaklúbburinn með dans- leik í Bifröst. Sæluvikunni lýkur síðan á laugardag. Þá verður ým- islegt um að vera: unglingadans- leikur og lokadansleikur í Bifröst og í Miðgarði verða stórtónleikar, þar sem fram koma Karlakórinn Heimir, Rökkurkórinn, Skagfirska söngsveitin og Karlakórinn Þrestir. Þess má geta að í byrjun Sælu- viku komu ný sæti í Bifröst. Gömlu sætin þóttu óþægileg fyrir kvikmyndahús- og leikhúsgesti. Nýju sætin, sem reyndar eru not- uð og voru áður í Stjörnubíói í Reykjavík, þykja notaleg og ætti gestum Bifrastar að líða vel í þeim meðan á sýningum stendur, en misbrestur mun hafa verið á því um tíðina. Hrossaræktendur í kjördæminu kynna afurð sína í Noregi „Þetta er gullvægt tækifæri fyr- ir okkur að kynna íslenska hestinn og nýta áhuga þann sem fyrir hoiium er í Noregi, og reyndar mun um þessar mund- ir gæta vaxandi áhuga Norð- manna að kynnast Islandi. Ég á von á því að ef vel tekst til geti þetta orðið góð auglýsing fyrir okkur", segir Jón Friðriksson hrossaræktandi á Vatsnleysu um samstarf Norsk-íslenska hestafélagsins annarsvegar og Jóns hinsvegar, um kynningu á íslenska hestínum í Noregi á næstu mánuðum. Forsaga þessa er sú að nýaf- staðið landsþing félaga um ís- lenska hestinn í Noregi ákvaó að efna til þessa samstarfs við ís- lendinga. Ástæðu þess að Jón á Vatnsleysu var valinn til þessa samstarfs, má rekja til þess aö hann hefur verið umsvifamikill útflytjandi á íslenska hestinum til Noregs. Á síðasta ári flutti hann út um 80-90% þeirra hrossa sem til Noregs voru seld. Kynning íslenska hestsins verðureingöngu tengd sýningum í Noregi. Jón snéri sér strax til Refaskyttur í Austur- og Vesturdal: Hafa fellt 24 dýr í vetur , Jú við höfum verið að því og sú 24. lá í nótt", sagði Birgir Hauksson bóndi í Valagerði, en hann hel'ur ásamt Kára Gunn- arssyni í Flatatungu stundað nokkuð stíft tófuveiðar í vetur. Þeir félagar hafa legið á annan tug nátta fyrir lágfótu, oftast í gangnaniannakofanum við Norð- urá við rætur Öxnadalsheiðar, en einnig hafa þeir skotið út um stofugluggann á eyðibýlinu Skatastöðum í Austurdal. Mest hafa þeir Birgir og Kári skotið sjö tófur á einni nóttu, var það við Skatastaði aðfaranótt ann- ars janúar. Veiðin var síðan treg um tíma en seinni part vetrar hafa dýrin sótt í ætið, hross sem lagt var út, og féllu þau flest yfir fengji- tímann sem nýlega er afstaðinn, en þá em dýrin mikið á feröinni. „Okkur þótti ansi athyglisvert að finna lambamerki í eyru einnar tófunnar sem við skutum, sem bendir til að sem yrðlingur hafi hún komist undir manna hendur, en síðan látið sig hverfa. Tófan er svikul eins og við vitum", sagði Birgir. Dýrin sem skotin hafa ver- ið eru frá yrðlingum upp í harð- fullorðin dýr. Kjálkamir eru send- ir suóur til aldursgreiningar. einstaklinga og félagasamtaka á Norðurlandi vestra, sem hann seg- ir hafa sýnt málinu mikinn áhuga og verði þessir aðilar þátttakend- ur í stórum sýningarbás. Verður íslandskynningin helguð Norður- landi vestra og mun kynningin snúast um ýmsa þætti er lúta að íslenska hestinum, svo sem ferða- mál, þekkingu, þjónustu og iðn- að. Má m.a. geta þess að Gísli Pálsson á Hofi í Vatnsdal hefur ráðist í það stórvirki að láta þýða á norsku bókina ,Hestar í norðri", sem fjallar um hrossaræktendur í Skagafirði og Húnaþingi. Verður bókin til sýnis og sölu í umrædd- um sýningarbás. Á sýningunum verður hesta- sýningin byggð á þrem þáttum, sem em: í starfi meó fötluðum, en í Noregi er hesturinn ekki síður vinsæll til notkunar á þessu sviði, sem fjölskylduhestur og síðan sem keppnishestur. Hestamir sem koma fram í sýningunum em að mestu í eigu Norðmanna. , ,Fyrirhugað er að fara með til Noregs 4-6 keppnishesta. Við emm farnir að líta í kringum okkur eft- ir þeim og stefhum að því að fara með hross af þessu svæði. Gerðar verða miklar hæfhiskröfur til þeirra. Kaupendur em í Noregi að þessum hrossum. Við þurfum að vanda valið vel, til að auglýsingin nýtist okkur sem skyldi'', segir Jón. Fyrsta sýningin verður í Ósló í maí nk. Á þessari sýningu fara einnig fram vinsælustu og fjöl- mennustu kemikappreiðar í Nor- egi og er búist við 12 þúsund áhorf- endum auk þess sem sjónvarpað verður beint í Norska sjónvarp- inu. Næstu sýningar verða haldn- ar í Ósló og Seljord á tímabilinu júní-september og er búist við allt að 100 þúsund áhorfendum á þessar sýningar. HCTchjíW hfl— Aðalgötu 24 Sauðárkróki ALMENN RAFVERKTAKAÞJÓNUSTA FRYSTI- OG KÆLIÞJÓNUSTA BÍLA- OG SKIPARAFMAGN VÉLA- OG VERKFÆRAÞJÓNUSTA SÍML 95-35519 • BÍLASÍMI: 985-31419 • FAX: 95-36019 Æ& bílaverkstæöi sími: 95-35141 Sæmundargato Ib SSO Sauiárkrókur Fax: 36140 Bílaviðgerðir • Hjólbarðaverkstæði RÉTTINGAR • SPRAUTUN

x

Feykir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Feykir
https://timarit.is/publication/1151

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.