Feykir


Feykir - 29.06.1994, Blaðsíða 2

Feykir - 29.06.1994, Blaðsíða 2
2 FEYKIR 25/1994 Kemur út á mióvikudögum vikulega. Útgefandi Feykir hf. Skrifstofa: Aðalgata 2, Sauðárkróki. Póstfang: Pósthólf 4,550 Sauóárkróki. Símar: 95-35757 og 95-36703. Myndsími 95-36703. Ritstjóri: Þórhallur Asmundsson. Fréttaritarar: Magnús Olafsson Austur - Húnavatnssýslu og Eggert Antonsson Vestur - Húnavatnssýslu. Blaöstjórn: Jón F. Hjartarson, Guðbrandur Þ. Guðbrandsson, SæmundurHermannsson, Siguröur AgústssOn og Stefán Áriiason. Áskriftarveró 137 krónur hvert tölublaó með virðisaukask.. Lausasöluverð: 150 krónur með virðisaukask. Setning og umbrot: Feykir. Prentun: Sást hf. Feykir á aðilcl ad Samtökum bæja- og héraðs- fréttablaða. Einbýlishús til sölu! Einbýlisið nr. 1 við Birkihlíð á Sauðárkróki er til sölu ef viöunandi tilboð fæst. Skipti á minni eign koma vel til greina. Allar nánari upplýsingar gefur undirritaóur í síma 35470 og 35670. Þorbjörn Árnason lögm. Raðhús til sölu! Til sölu er raóhúsió nr. 11 við Raftahlíó á Sauðárkróki. Um er aó ræóa fjögurra herbergja raðhús á einni hæð ásamt viófestum bílskúr. Nánari upplýsingar gefur undirritaóur í síma 35670 og 35470. Þorbjörn Ámason lögm. Aðalfundur Skjaldar Aöalfundur Skjaldar h.f. verður haldinn í kaffistofu félagsins föstudaginn 8. júlí kl. 16,00. Dagskrá: 1. Venjuleg aðalfundarstörf (Ekki kosningar). 2. Stofnefnahagsreikningur vegna sameiningar lagður fram til samþykktar. 3. Önnur mál. í beinu framhaldi af fundinum verður haldinn aðalfundur Skagfirðings hf. Aðalfundur Skagfirðings Aðalfundur Skagfirðings h.f. fyrir árið 1993 verður haldinn í kaffistofu Skjaldar föstu- daginn 8. júlí í beinu framhaldi af aðalfundi Skjaldar h.f. Mæting hluthafa er kl. 17,30. Dagskrá: 1. Venjuleg aðalfundarstörf. 2. Stofnefnahagsreikningur vegna sameiningar lagður fram til samþykktar. 3. Önnur mál. Stjórnin. Friðrik Ingólfsson Laugarhvammi Sjötugur 26. júní 1994 Einn minna góðu granna í Tungusveit varð sjötugur á sunnu- daginn og mig langar að biðja Feyki fyrir fáeinar línur og þakka honum gott samstarf og nágrenni árin mín í Steinsstaðabyggð. Friðriki og Siggu í Laugar- hvammi kynntist ég strax þegar ég hóf kennslu í Steinsstaðaskóla haustið 1970. Þau bjuggu þá við ylrækt, sumarblómaeldi og tals- verða rófurækt niður í Dalsplássi en auk þess mikinn gestagang bæði af nágrönnum og frændfólki og vinum sem oft komu langar leiðir. Friðrik er hagur eins og þeir frændur flestir og oft leitaði ég til hans, sérstaklega eftir að ég hóf byggingu íbúðarhúss við Lækjar- bakka sumarið 1975. Þeir Jói í Stapa áttu stóran hlut að því hvernig sú framkvæmd greiddist þrátt fyrir lítinn höfuðstól og ófysi húsbyggjandans til að stofna til stórskulda. En húsið reis og varð athvarf fjölda góðra stunda og þar andaði hlýju til góðra vina og ná- granna, sem lögðu hönd að fram- kvæmdum. Friðrik safnaði liði söngglaðra karla haustið 1974, réð mig að æfa og þannig skapaðist líflegt söngfélag, sem stundum var kall- aður Arfakór eða Friðrikskór, en flestir þátttakendur höfðu ekki tekið þátt í söng áður. Næsta haust komu konur í hópinn og næstu fjögur ár starfaði svokallaður Heilsubótarkór í Lýtingsstaða- hreppi en vísnagerð og sönggleði blómstraði meðal þátttakenda. I fórum mínum er þykkt um- slag með vísum frá þessum árum, margar skrifaðar á símakvittanir frá Mælifellsstöðinni. Utan á um- slaginu er vísa eftir þá félaga Frið- rik og Jóa frá kóræfingu 7. nóv- emberl978. Þegar kvöldin þykja löng, þögnin svo að bresti. J.G. Heilsubótar hefjutn söng og hyílum nýja gesti F.I. Vorið 1979 lauk starfsemi kórsins en Rökkurkórinn hóf sinn feril haustið 1979 með þátttöku margra af Heilsubótarkórfélögum. Minnisstæðir eru mér hríðar- dimmir góudagar, Friðrik niðri í gróðurhúsum að sýsla við sumar- blómauppeldi, kennarinn kemur röltandi utan úr Steinsstaðaskóla eftir kennslu og tíminn líður með örskotshraða við rabb og ráða- gerðir. Björt vorkvöld við sumar- blómasölu með ös allan daginn og fram á kvöld. Helst vildu allir hitta þau hjón að þiggja af þeim ráð um útplöntun og garðaskipu- lag. Lengur væri gaman að rifja upp minningar, en slá skal botn, blessunar óska afmælisbami og á- gætri frú hans. Ingi Heiðmar Jónsson. Frá aðalfundi MENOR á Siglufirði Aðalfundur Menningarsam- taka Norðlendinga, Menor, var haldinn að Hótel Læk Siglufirði 11. júní sl. Auk venjulegra aðal- fundarstarfa var framtíð samtak- anna til umræðu, hvemig menn vilja sjá Menor í framtíðinni og hverju þurfi að breyta til að sam- tökin verði virkari. Framsögu- maður var Kári Sigurðsson. Um þetta efni urðu talsverðar umræó- ur. Niðurstaða fundarins var að tryggja þyrfti betur en nú er fjár- hagsgrundvöll samtakanna, en einnig væri orðið brýnt að sam- tökin eignuðust fastan samastað með skrifstofuaðstöðu og hefðu aðgang að starfsmanni, svo ffam- arlega sem þau eigi að geta sinnt hlutverki sínu í framtíðinni, sem er að vera hvati og driffjöður menningar- og liststarfsemi á Norðurlandi. Horft er til samstarf við Gilsfélagið á Akureyri í því sambandi. Kynna þyrfti samtökin betur, m.a. fyrir nýkjörnum sveit- arstjómum, og efla útgáfu- og upplýsingastarfsemi. Samtökin gefa út Menor-frétt- ir, sem komu út skömmu fyrir að- alfund. Þar er reynt að gefa yfirlit yfir nokkuð af því helsta, sem efst var á baugi í menningarlífinu í fjórðungnum á liðnum vetri. Er blaðið prentað í Dagsprent og sent út annars vegar sem fylgirit Dags og hinsvegar sérprentað til allra félaga í Menor, ýmissa samtaka, alþingismanna Norðurlands o.fl. Eftirfarandi ályktanir vom samþykktar á fundinum: „Aðalfundur Menor 1994 samþykkir að beina því til næstu stjómar samtakanna að leita eftir samstarfi við Gilsfélagið með hugsanleg afnot af skrifstofu og með sameiginlegan starfsmann í huga. Verði stjórn Menor faliö, ef til kemur, að móta í samvinnu við stjóm Gilsfélagsins nánari tillög- ur um útfærslu þessa samstarfs, m.a. í hverju þátttaka Menor verði fólgin, og liggi tillögurnar fyrir í vetrarbyrjun. Aðalfundur Menor samþykkti einnig að fela stjórninni að gera nákvæma fjárhagsáætlun fyrir næsta starfsár, þar sem gert verði ráð fyrir útkomu fréttabréfs 2-4 sinnum á árinu og ráðningu starfs- manns í hlutastarf. Á grundvelli þessarar fjárhagsáætlunar verði lögð fram rökstudd beiðni um fjárframlag til þessara hluta til Ey- þings og SSNV. Stjóm Menors var endurkjörin og hana skipa: Ólafur Þ. Hallgrímsson Mæli- felli formaður og aðrir í stjórn em Hlín Torfadóttir Dalvík, Rutli Hansen Akureyri, Kári Sigurðs- son Húsavík og Guðrún Helga Bjamadóttir Hvammstanga. Sú breyting varð á varastjórn að Margrét Jónsdóttir á Löngu- mýri kom inn í stað Sólveigar Amórsdóttur Dýjabekk, sem baðst undan endurkjöri. Aðrir í varastjóm eru: Guðmundur Ár- mann Sigurjónsson Akureyri, Skarphéðinn Einarsson Blöndu- ósi, Emelía Baldursdóttir Eyja- fjarðarsveit og Anna Helgadóttir Kópaskeri. Að lokinn sýningu var fundar- mönnum boðið á myndasýningu Örlygs Kristfinnssonar kennara og myndlistarmanns í húsi Síld- arminjasafnins. Þar sýndi Örlygur myndir úr atvinnusögu bæjarins og rakti sögu síldaráranna á Siglu- firði. Einnig skoóuðu fundarmenn svokallaða Roaldsbragga, þar sem verið er að koma upp sérstöku síldarminjasafhi, en stefnt er að opnun þess í næsta mánuði. Kl. 8,30 var kvöldvaka í Siglu- fjarðarkirkju með bönduðu efni í umsjón heimamanna. Þar söng kirkjukór Siglufjarðarkirkju nokk- ur lög undir stjóm organista síns, Antoníu Hevesi, sem einnig lék einleik á orgel kirkjunnar. Bjami Marínó Þorsteinsson las frum- samin ljóð, Anna J. Magnúsdótt- ir flutti fróðlegt erindi um sr. Bjama Þorsteinsson og þátt hans í söngmennt og uppbyggingu bæj- arins. Kynnir var sr. Bragi J. Ingi- bergsson . Fundarmenn áttu góð- an dag meðal Siglfirðinga, segir í tilkynningu frá Menor. Góðir áskrifendur! Vinsamlegast greiðió gíróseóla fyrir áskriftargjöldum hið fyrsta. Enn eru nokkrir áskrifendur sem skulda eldri áskriftir. Þeim skal bent á að hafi þeir glatað gíróseðli geta þeir lagt upphæðina inn á reikning nr. 1660 í Búnaðarbankanum á Sauðárkróki, eða haft samband vió ritstjórn Feykis í síma 35757.

x

Feykir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Feykir
https://timarit.is/publication/1151

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.