Tímarit UNIFEM - 01.01.2008, Blaðsíða 3

3
Vissir þú?
… Að rúmur milljarður manna lifir á 1 dollara
eða minna á dag? 70% þeirra eru konur.
… Að á fátækustu svæðum heims vinna flest-
ar konur utan heimilisins við landbúnaðar-
störf og fæðuframleiðslu? Flestar þeirra fá
engin laun greidd fyrir þessa mikilvægu
vinnu.
… Að konur vinna 2/3 hluta allra
vinnustunda en fá aðeins 10% af
tekjum í heiminum í sinn hlut?
… Að nú, árið 2008, þéna karlar í öllum lönd-
um heims meira en konur?
… Að það er að jafnaði ein kona fyrir hverja
níu karlmenn í stjórnunarstöðum í einka-
fyrirtækjum?
… Að árið 2008 eru konur í 18% þingsæta í
heiminum?
… Að árið 2006 var í fyrsta sinn hægt að
kjósa konur á þing í Kúveit? Konur fengu
tvö þingsæti.
… Að árið 2008 eru konur 7 af 150 þjóðkjörn-
um þjóðarleiðtogum?
… Að um eitt hundrað milljónir stúlkna hafa
aldrei fæðst í heiminn vegna þess að þeim
var kerfisbundið eytt á fósturstigi af því
að þær áttu að fæðast stúlkur?
… Að í dag eru lífslíkur kvenna á
Íslandi 81 ár og í Kanada eru það
rúmlega 82 ár en í Líberíu lifa
konur að meðaltali rúmlega 45 ár
og einungis 44 ár í Afganistan? Það
er 20 árum undir meðalaldri kvenna
á heimsvísu.
… Að helmingur allra giftra kvenna í Suður-
Asíu hefur ekki ákvörðunarvald um að
leita sér heilsugæslu?
… Að 33 milljónir manna eru smitaðar af
HIV-veirunni eða lifa með alnæmi? 95%
þeirra eru íbúar þróunarlandanna.
… Að stúlkur og konur á aldrinum
15-49 ára eru helmingur HIV/
alnæmissmitaðra í heiminum í
dag?
… Að í Afríkulöndum sunnan Sahara á ein af
hverjum 16 konum á hættu að deyja
vegna erfiðleika í fæðingu eða fylgikvilla
á meðgöngu á lífsleiðinni samanborið við
eina af hverjum 3.800 konum á Íslandi?
… Að árlega eru um 20 milljónir fóstureyð-
inga framkvæmdar á óöruggan hátt, sem
leiðir af sér dauða u.þ.b. 55.000 kvenna?
… Að mansal, kynferðisleg áreitni, limlesting
á kynfærum kvenna, morð vegna heim-
anmunds, heiðursmorð og útburður
stúlkubarna eru hluti af sama vandamáli?
Allt er þetta ofbeldi gegn konum.
… Að minnsta kosti ein af hverjum
þremur konum er barin, þvinguð
til kynlífs eða misnotuð á annan
hátt einhvern tímann á lífsleið-
inni?
… Að 13% til 60% stúlkna og kvenna verða
fyrir líkamlegu ofbeldi af hendi maka eða
kærasta á lífsleiðinni? Afnám alls ofbeldis
gegn konum er hið týnda þúsaldarmark-
mið.
… Að það er áætlað að 100 til 140 milljónir
stúlkna og kvenna hafi verið umskornar?
Þrjár milljónir stúlkna eiga það á hættu á
hverju ári.
… Að 800 þúsund manns eru seld mansali ár
hvert, flestir til kynlífsþrælkunar? 80%
þeirra eru stúlkur og konur, og um helm-
ingur undir lögaldri. Mansal er þriðja
umfangsmesta glæpastarfsemi í heim-
inum á eftir verslun með ólögleg eiturlyf
og vopn.