Tímarit UNIFEM - 01.01.2008, Blaðsíða 8
8
Efling og vernd mannréttinda – ekki síst
réttindi kvenna og jafnrétti kynjanna – er
ein meginstoðin í utanríkisstefnu Íslands
og er samþætt öllu okkar atferli á alþjóða-
vettvangi. Þeir efnahagslegu örðugleikar
sem heimsbyggðin stendur frammi fyrir
eru til þess fallnir að koma harkalega
niður á konum og börnum og gera stöðu
þeirra enn erfiðari, ekki síst í þróun-
arlöndunum þar sem staða þeirra er sér-
staklega veik fyrir. Í ljósi þessa er nauð-
synlegt að halda umræðunni um jafnrétt-
ismál á lofti og tryggja, og þá á ég einnig
við hér innanlands, að fjármálakreppan
valdi ekki bakslagi í þessum málaflokki
og að staða kvenna veikist ekki.
Áherslur UNIFEM fara saman við áherslur
íslenskrar utanríkisstefnu. Við erum sam-
mála um að efla efnahagslegt öryggi og
réttindi kvenna. Við erum sammála um
að efla þátttöku kvenna í pólitískri
stefnumótun og ákvarðanatökuferli,
friðarumleitunum og uppbyggingu í
kjölfar átaka. Við erum sammála um að
stuðla að því að mannréttindi kvenna
séu virt og að ofbeldi gegn konum verði
ekki liðið.
Ísland hefur um alllangt skeið lagt sitt af
mörkum á alþjóðavettvangi til að mann-
réttindi kvenna fái framgang. Þannig
höfum við lagt mikla áherslu á allsherj-
araðild og framkvæmd samnings Samein-
uðu þjóðanna um afnám allrar mismun-
unar gagnvart konum (CEDAW) og tekið
virkan þátt í umfjöllun um réttindi kvenna
og jafnrétti kynjanna á allsherjarþingi SÞ,
mannréttindaráðinu í Genf og í kvenna-
nefnd SÞ (CSW). Þá er lögð áhersla á mál-
efni kvenna í allri þróunarsamvinnu
Íslendinga.
Sem utanríkisráðherra hef ég lagt ríka
áherslu á framkvæmd ályktunar öryggis-
ráðs Sameinuðu þjóðanna númer 1325
um konur, frið og öryggi og var áætlun
Íslands um framkvæmd ályktunarinnar
gefin út í mars á þessu ári. Ég er þeirrar
skoðunar að algerlega nauðsynlegt sé að
konur séu fullir þátttakendur í friðarferl-
um og þar þarf alþjóðasamfélagið að
gera miklu betur. Til að leggja okkar af
mörkum ætlar utanríkisráðuneytið, í sam-
vinnu við Háskóla Íslands, að halda alþjóð-
lega ráðstefnu á Íslandi um aðkomu
kvenna að friðarferlum í júní 2009.
Sem utanríkisráðherra hef ég kynnst
þeim krafti og gleði er ríkir í starfi UNI-
FEM á Íslandi. Sérstaklega vil ég óska
UNIFEM hjartanlega til hamingju með
Fiðrildavikuna fyrr á þessu ári, sem var
frábært átak, og einnig með yfirstand-
andi átak „Segjum NEI við ofbeldi gegn
konum“. Hvorutveggja eru mikilsverð
framlög í þágu kvenna í heiminum.
Okkur í utanríkisráðuneytinu er afar dýr-
mætt hið góða og mikla samstarf sem við
eigum við UNIFEM.
Ég hlakka til áframhaldandi
góðs samstarfs,
Ingibjörg Sólrún Gísladóttir
utanríkisráðherra
Valdefling kvenna
– aldrei mikilvægari en nú
ingiBjörg sólrún gísladóttir
utanríkisráðhErra