Tímarit UNIFEM - 01.01.2008, Blaðsíða 25

25
„Eitt mest skapandi fjáröflunarverkefni sem ég hef orðið vitni að“
joannE sandlEr, þáVErandi FraMkVæMdastýra uniFEM í nEw york
hönnuði og Kristínu Ólafsdóttur, framleið-
anda og núverandi verndara UNIFEM á
Íslandi. Örmyndirnar varpa ljósi á ofbeldi
gegn konum á listrænan og fræðandi hátt
og birtist ein örmynd á hverju kvöldi alla
Fiðrildavikuna í Kastljósinu. Hægt er horfa
á myndirnar á heimasíðu UNIFEM á Íslandi
– www.unifem.is.
Systralag og baráttuandi
Í vikulokin á laugardagskvöldi var svo kven-
leikanum fagnað með tilþrifum í glæsileg-
um góðgerðarkvöldverði í Frímúrarahöll-
inni. Þar komu saman konur hvaðanæva að
og tóku þátt í ævintýri sem varð að ógleym-
anlegri kvöldstund þar sem systralag ríkti.
Jafnframt tóku þær þátt í að safna meira fé
til baráttunnar gegn kynbundnu ofbeldi en
áður hefur þekkst hjá landsnefndum UNI-
FEM. Heiðursgestur kvöldsins var hin óbil-
andi baráttukona, Olubanke King-Akerele,
sem nú gegnir stöðu utanríkisráðherra Líb-
eríu en hún og fleiri góðar konur veittu
gestum innblástur til að láta til sín taka í
baráttunni fyrir lífi án ofbeldis.
Höldum fiðrildunum
á flugi!
Íslenska landsnefndin hefur ákveðið að
nota fiðrildahugmyndina áfram í starfi sínu.
Appelsínugul fiðrildi verða áfram áberandi
í efni sem landsnefndin sendir frá sér, ásamt
því að tilvísun í hugmyndafræði fiðrilda-
áhrifa verður brugðið upp reglulega til að
hvetja almenning til áhrifa og aðgerða
gegn þeirri skömm sem ofbeldi gegn konum
er öllu mannkyninu. Landsnefnd UNIFEM á
Íslandi vill þar með halda áfram að hvetja
fólk til að hafa fiðrildaáhrif í framtíðinni og
halda áfram að gefa konum byr undir báða
vængi í viðleitni sinni til að skapa sér betri
tilveru – án ofbeldis.
Höfundur er stjórnarkona í UNIFEM á Íslandi
Lj
ó
sm
yn
d
:
R
ó
sa
J
ó
h
an
n
sd
ó
tt
ir
Lj
ó
sm
yn
d
:
V
at
n
ad
an
sm
ey
ja
fé
la
g
ið
H
ra
fn
h
ild
u
r