Tímarit UNIFEM - 01.01.2008, Blaðsíða 38
38
þessa brennandi sterku samstöðu eins og
fyrir stríðlok. Við hjá UNIFEM erum auðvitað
að skoða hvernig við getum aðstoðað við að
auka samvinnu milli mismunandi kvenna-
hópa en ég held samt að það verði erfitt að
ná fram þeim krafti sem virðist hafa ríkt hér
fyrir stríðlok. Mér finnst þetta sýna mjög vel
hversu mikilvæg samstaða er og að jafnvel
hinir „veiku“ í samfélaginu geta komið á
stórkostlegum breytingum ef samstaðan er
nógu sterk. Þetta er því það sem við þurfum
að aðstoða við að byggja upp.“
konur komi að uppbygg-
ingu samfélaga sinna
UNIFEM leggur mikla áherslu á starf sem
byggist á ályktun öryggisráðs SÞ númer
1325 um konur, frið og öryggi. En hvernig
hefur slíkri vinnu verið framfylgt í Líberíu?
„Allt sem við gerum er í rauninni tengt
ályktun 1325 þar sem það lýtur að ofbeldis-
málum tengdum stríði, sem og að bæta líf
kvenna eftir stríð. Hins vegar er leiðinlegt
að segja frá því að það er ekkert sem bendir
til þess að nauðganir eða ofbeldi á konum
hafi minnkað hið minnsta frá lokum stríðs-
ins fyrir fimm árum og að því leytinu hafa
stjórnvöld Líberíu, sem og við frá alþjóða-
samfélaginu sem vinnum að málefnum
kvenna, algjörlega brugðist þeim. Í raun má
líta svo á að stríðinu sé ekki lokið fyrir kon-
urnar, það hefur bara færst frá almennings-
sjónum inn á heimilin.“ Líbería vinnur nú að
framkvæmdaáætlun um ályktun 1325 og
verður væntanlega fyrsta stríðshrjáða þró-
unarlandið til þess að gefa út slíka áætlun.
aukin þátttaka kvenna í
samfélaginu er fjárfesting
til framtíðar
Uppbygging samfélaga eftir stríð er gríð-
arlegt verkefni. Spurð hver forgangsatriði
stjórnvalda í Líberíu eigi að vera til þess að
bæta stöðu kvenna og að þeirra sjónarmið
nái inn í friðarumleitanir og uppbyggingu
samfélaga eftir ófrið, segir Guðrún Sif að
leggja þurfi miklu meiri áherslu á umbætur
í dóms- og lagakerfi landsins. „Þetta er eitt
af því sem er efst á lista flestra samtaka sem
starfa í landinu en á meðan stjórnvöld gera
þetta ekki að forgangsatriði skiptir litlu
máli hvað við hin utanaðkomandi viljum
gera og leggja áherslu á.“
Það er líka nauðsynlegt að bæði alþjóðasam-
félagið og stjórnvöld í landinu hugi betur að
því hvernig „þátttaka kvenna“ er skilgreind.
„Ég held að við leggjum oft meiri áherslu á
þátttöku kvenna í æðstu stöðum, sem er að
sjálfsögðu mikilvægt, en við megum ekki
gleyma konum í sveitum Líberíu. Það er mikil
áhersla lögð á það að Líbería eigi fyrsta kven-
forseta Afríku, sem þjóðin getur auðvitað
verið stolt af, og það er einnig mikið um
konur í háttsettum stöðum í ríkisstjórninni og
öðrum valdamiklum stöðum. Þetta eru hins
vegar vel menntaðar konur úr efnuðum fjöl-
skyldum. Við verðum að leggja meiri áherslu á
aukið vald og rétt kvenna í sveitum og sýslum
landsins. Það er einmitt þar sem þær hafa
minnst vald. Þar eru grasrótarhreyfingar að
reyna að vinna með konum og aðstoða þær
við að efla færni sína og auka völd innan
sinna þorpa og sveitarfélaga. UNIFEM styður
slík verkefni með mannskap og fé. Það er von
mín að þetta muni til lengri tíma litið stuðla
að auknum og viðvarandi breytingum fyrir líf
allra kvenna í Líberíu.
Kristjana Sigurbjörnsdóttir
UNIFEM hefur frá upphafi lagt áherslu á að styðja efna-
hagslegt frumkvæði kvenna.
Í Líberíu hefur til dæmis verið stutt við bakið á konum
sem rækta kassava-rótina. Kassava er ein helsta fæðuteg-
und manna í löndum í sunnanverðri Afríku en auk þess er
þar að finna stærstu framleiðendur kassava. Konunum
eru kenndar nýjar aðferðir við ræktunina, sem gætu
hentað betur, og fá aðstöðu í verksmiðjum sem hafa
verið byggðar þar sem þær vinna vöruna. Að lokum fá
þær aðstoð við að koma vörum sínum á markað. Hug-
myndin á bak við þetta verkefni er að veita aðstoð við öll
skref framleiðslunnar svo að verkefnið verði árangursríkt.
Það er von UNIFEM að eftir tvö ár geti konurnar algjör-
lega tekið yfir ferlið sjálfar. Þær fá einnig kennslu í ritun
og lestri og einfaldri stærðfræði, sem og þjálfun í stjórn-
un svo að þær séu í stakk búnar til að stjórna verkefninu
þegar UNIFEM, og aðrir aðilar sem styrkja verkefnið,
hverfa á braut.
efnahagslegt frumkvæði kvenna í sveitum líberíu
Í Monróvíu, höfuðborg landsins, býr fólk enn við fátæklegar aðstæður, þar á meðal í
þessu yfirgefna húsi við eina af stærstu götum borgarinnar. Þar hafa heimilislausir komið
sér fyrir á meðan landið jafnar sig eftir áratugalangt borgarastríð sem lagði það í rúst.
Lj
ó
sm
yn
d
:
C
h
ri
st
o
p
h
er
H
er
w
ig