Feykir


Feykir - 05.04.2000, Blaðsíða 8

Feykir - 05.04.2000, Blaðsíða 8
Óháð f réttablað á Norðurlandi vestra 5. apríl 2000,14. tölublað, 20. árgangur. Sterkur auglýsingamiðill Þær eru einnig farnar að bera kindurnar hjá bændunum á Nöfunum. Hér er Lukka 10 vetra ærin hennar Guðrúnar Vagnsdóttur með sín tvö sem hún bar í fyrrinótt. Lýtingsstaðarhreppur hinn gamli Óvenjumikið um snemmbornar ær Óvanalega mikið er um snemmbornar ær í gamla Lýt- ingsstaðahreppi í Skagafirði á þessum vetri. Þann fyrsta febr- úar sl. fæddust á bænum Kol- gröf tvö hrútlömb og í mars- mánuði báru kindur hingað og þangað um sveitina, „lætur nærri á öðrum hvorum bæ", sagði Björn á Reykjaborg þeg- ar hann hafði samband við Feyki. En þá hafði ein borið hjá Birni, en einnig voru bornar kindur á Brúnastöðum, Syðra - Vatni, Álfheimum þar sem þrjú lömb komu undan einni, og fleiri bæjum, þannig að fregnir um fyrstu lömb ársins eða jafnvel aldarinnar sunnan af landi standast engan veginn. Birna húsfreyja á Komá er ein þeirra sem tekið hafa á móti lömbum í Lýtó á þessu vori, en þegar hún kom í húsin mánu- daginn 27. mars sl. var ein ær borin og reyndist það vera sú sama sem bar 26. mars árið 1997 og mynd birtist þá af í Feyki. Þá bar hún tveimur lömbum en í þetta skipti lét hún duga stórt hrútlamb. Ærin er nú sjö vetra, en Bima segist ekki eiga von á því að fleiri kindur beri fyrr en sauðburður- inn hefst fyrir alvöru í maímán- uði, eins og reyndin er á öðmm bæjum, þó eitt og eitt „slysa- lamb" komi í heiminn. Þá eru ein og ein ær borin hjá bændunum á Nöfunum fyr- ir ofan Sauðárkrók. KJÖRBÓK s Vinsœlasti sérkjarareikningur Islendinga - með hœstu ávöxtun íáratug! L I Landsbanki íslands I forystu til framtiðar Utibúið á Sauðárkrókj - S: 453 5353 . „Vorflóðin" hrifu Ströngu- kvíslarbrúna með sér í vatnavöxtunum í síðustu viku hrifu Isjakar og straum- þungi Ströngukvíslar og Herj- ólfslæks með sér stálbita og tré- dekk brúarinnar sem byggð var yfir ána sumarið 1983, vegna samninga um Blönduvirkun milli Landsvirkjunar og upp- rekstrarfélags bænda á Eyvindar- staðaheiði. Guðmundur Hagalíh stöðvarstjóri við Blöndu segir að við þessu hafi mátt búast og strax og aðstæður leyfi í vor verið brú- in lagfærð og hann eigi ekki von á öðru en umferð komist þama á áður en langt er liðið á sumarið, en reyndar sé umferð um brúna lítil nema í tengslum við fjárleit- ir á haustin. Sigurjón Stefánsson bóndi á Steiná í Svartárdal skrapp fram að Ströngukvísl á sunnudag til að skyggnast eftir tófu, en hann leggur út fyrir tófuna og skýtur hana við æti úr gangnamanna- skálanum. Sigurjón sá stálbitana og urmulinn af timbrinu liggja 250 - 300 metra neðan við brúar- stæðið og var greinilegt að bit- amir höfðu svignað til hliðar undan þunganum og jaka- hrönglið náði talsvert upp fyrir stöplana. „Það sem gerist er að flaum- urinn úr Ströngukvísl riðst fram og síðan kemur til viðbótar fram- rennslið úr Herjólfslæknum sem er þarna rétt ofan við brúna, og þegar það fer af stað stendur ekk- ert fyrir þessu", sagði Sigurjón á Steiná. Ströngukvíslarbrúin, sem er 25 metra löng, hefur áður farið af stað í vatnavöxtum og svignuðu þá bitar hennar nokkuð. Öllu jöfnu rofnar vegurinn sunnan brúarinnar og verður til þess að hún ver sig, en áhlaupið mun hafa verið í sneggsta lagi að þessu sinni. Guðmundur Hagalín í Blönduvirkjun segir að menn hafi metið það svo á sínum tíma að það væri ekkert vit í því kostnaðarins vegna að byggja þarna brú sem stæðist allar nátt- úruhamfarir. Skynsamlegra væri að endurnýja hana þegar þess gerðist þörf, en undir brúna eru um fimm metrar. Guðmundur giskar á að kostnaður við lagfær- ingu brúarinnar verði um 1,5 milljónir króna. Innflutta áburðinum skipað upp á Sauðárkróki. Sparar bændum sautján milljónir Skömmu fyrir mánaðamótin kom síðasta áburðarskipið til Sauðárkróks á þessu vori. Að þessu sinni flutti Kaupfélag Skagfirðinga áburðinn beint frá Danmörku, frá framleiðandanum Kemira, en af þessum aðila hefur KS keypt korn til blöndunar í fóðurbæti um árabil. Að sögn Vésteins Vé- steinssonar hjá afurðadeild KS námu pan- tanir á áburði um 340 tonnum og telur Vésteinn það losa 80% áburðakaupa skag- firskra bænda. Miðað við verð á innlendum áburði telur Vésteinn að KS hafi með inn- flutningnum sparðað skagfirskum bændum um 17 milljónir króna. TOYOTA - tákn um gæði TRYGGINGA- MIÐSTÖÐIN HF. (jegarmestd rcynirí ...bflar, trygglngar, bækur, ritföng, framköllun, ra,mmar, tímarit, ljósritun, gjafavara... BÓKABÚÐ BRYUJAES SUBUBOÖTU 1 SfMI 463 5950 Kodak Pictures KODAKÍXPP.ESS gæðaframköllun

x

Feykir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Feykir
https://timarit.is/publication/1151

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.