Feykir - 03.05.2000, Blaðsíða 2

2 FEYKIR 17/2000
Verkfalli frestað
„Það eru þreifingar í gangi
en ekkert hægt að segja til um
það á þessari stundu hvort hjá
verkfalli verði komist, en við
erum bjartsýnir á að hlutirnir
gangi upp og verkfallið verði
ekki langt ef til þess kemur”,
sagði Guðni Kristjánsson hjá
Verkalýðsfélaginu Fram í gær,
en í nótt tókst samkomulag og
verkfalli sem bresta átti á í
Skagafirði og Húnavatnssýsl-
um á miðnætti í kvöld (mið-
vikudag) hefur verið frestað til
15. .þessa mánaða.
Samningarnir voru felldir
bæði í Fram og Öldunni í
Skagafirði og hjá Samstöðu í
Húnavatnssýslu. Fjórða félagið
sem felldi samningana var
Verkalýðsfélag Öxfirðinga, en
samningarnir voru samþykktir í
hinum félögunum sem tilheyra
VMSÍ hópnum, en alls eru þau
um 40 utan Flóabandalagsins.
í fyrrgreindum félögum í
Skagafirði og Húnaþingi var
kosningaþátttakan um 40%.
Hjá Fram og Öldunni voru
60% andsnúnir samningunum
en 52% hjá Samstöðu, 40%
vom á móti og 7% skiluðu auðu.
Þegar heill þjóðflokkur er
búinn að svalla í heilt ár
Sæluvika!! Það er sá tími
sem ég er tilbúinn að fyrirgefa
allar misgjörðir sem ég hef
orðið að þola síðasta árið og
það skulu allir vita að slíkt er
mikið þrekvirki.
Skagfirðingar eru - hávær-
ari, kvensamari og drykkfeld-
ari en aðrar þjóðir og því var
okkur nauðsyn að ftnna upp
einhverskonar afbötunarsam-
komu þar sem allir gátu fallist

$ggS&>
Dægurlagakeppni
Kvenfélags
Sauðárkróks 2000
Utið árlega úrslitakvöld
dœgurlagakeppninnar verður haldið
í íjjróttahúsinu á Sauðárkróki
5. maí nk. kl. 21:00
^Aldurstakmark 18 ár
Uerð kr. 2.800-
Uamasýning verður kl 16:00 sama dag
Uerð kr. 500
Að lokinni keppni verður dansleikur
með liljómsveit Geirmundar Valtýssonar til kl. 03.00
Forsala aðgöngumiða verður í íþróttahúsinu
2. og 3. maí frá kl. 16:00 - 19.00
og á sama tíma í síma 866 3608 og 862 6435
Géða skemmtun!
n- . - ;- v -
í faðma, sungið og grátið sam-
an og gleymt þessum hvers-
dagslegu þrætumálum sem
gera lífið erfitt og þreytandi - já
jafnvel óbærilegt á stundum.
Til þessara þarfa fundum
við upp Sæluviku sem aðrir
hafa reynt að apa eftir, en lukk-
ast aldrei því þeir skilja ekki
hugmyndina.
Þetta kemur sælu ekkert við
heldur snýst það um fyrirgefn-
ingu og umburðarlyndi og að
hreinsa út af borðinu einu sinni
á ári allar ávirðingar og skít-
kast svo við getum byrjað upp
á nýtt með eftirlætisiðjuna - að
troða skóinn hvert niður af
öðru.
Þegar heill þjóðflokkur eins
og Skagftrðingar er búinn að
svalla í heilt ár og tæta í sund-
ur mannorð náungans, þá dug-
ar ekkert minna en vika til þess
að slóðadraga yftr allar þær
skítahrúgur svo þar gæti kom-
ið næring fyrir lággróðurinn á
næsta ári.
Sæluvikan er því nokkurs
konar vorblót sem gegnir enn-
þá prýðilega sínu hlutverki þó
við setjum á það allavega
merkimiða, eins og listir,
menning og jafnvel söguleg
hefð. Nei góðir hálsar - Sælu-
vikan er uppskemtími umburð-
arlyndis - hún gerir okkur
mögulegt að glíma við van-
þakklæti og vandamál næsta
árs, með bros á vör.
Það er ekki tilviljun að
Sæluvika byrjaði sem Sýslu-
fundarvika. Hvað gerðist á
sýslufundum fortíðarinnar?
- Þar komu fulltrúar allra
hreppa saman. Þeir voru búnir
að rífast og jafnvel að fljúgast
á í heilt ár og margir bæði
móðir og sárir.
Rífast um girðingar, beiti-
lönd, fjallskil, veiðiréttindi,
lausagöngu graðhesta, og
hreppsómaga og ótal önnur
ágreiningsefni. - Svo hittust
þeir á sýslufundi, rifust pínulít-
ið, sungu dálítið, ortu mikið og
drukku ósleitilega og þegar
upp var staðið voru allir sáttir
þó menn væru vissulega mis-
mikið timbraðir.
Þetta er ennþá innsti kjarni
Sæluvikunnar og þess vegna er
ég svona mjúkur og hlýr inn-
anrifja í dag að ég get jafnvel
fyrirgeftð það að sveitarstjóm-
in okkar kaus SPARNAÐAR-
NEFND sem ekki aðeins er á
fullum launum heldur byrjaði
sinn farsæla sparnaðarferil á
því að fara í sparnaðarferð til
írlands sem víst kostaði sitt.
- Ég vona samt að þessi írska
sæluvika hafi orðið öllum til
gagns og blessunar, þó þátttak-
endur hafi áreiðanlega verið
mismikið timbraðir þegar heim
kom. Gleðilega hátíð!
Glaumur.
Aukakílóin burt! Ný öflug vara!
Náðu varanlegum árangri í eitt skiptið fyrir öll. Eg missti 7 kg.
á fimm vikum. Síðasta sending seldist upp. Persónuleg ráðgjöf
og stuðningur. Hringdu strax. Helma & Halldór sími 557
4402 og 587 1471. grima@centrum.is
Óháð fréttablað á Norðurlandi vestra
Kemur út á miðvikudögunt. Útgefandi Feykir hf.
Skrifstofa: Ægisstíg 10, Sauðárkróki. Póstfang: Box 4,
550 Sauðárkróki. Símar: 453 5757 og 453 6703.
Myndsími 453 6703. Farsími 854 6207. Netfang:
feykir @ krokur. is. Ritstjóri: Þórhallur Asmundsson.
Fréttaritari: Öm Þórai insson.
Blaðstjóm: Jón F. Hjartarson. Guðbrandur Þ. Guð-
brandsson, Sæmundur Hennannsson, Sigurður
Agústsson og Stefán Amason.
Askriftarverð 170 krónur hvert tölublað með vsk.
Lausasöluverð: 200 krónur með vsk. Setning og
umbrot: Feykir. Prentun: Hvítt & Svait hf.
Feykir á aðild að Samtökum bæja- og héraðs-
fréttablaða.