Feykir


Feykir - 03.05.2000, Blaðsíða 6

Feykir - 03.05.2000, Blaðsíða 6
6FEYKIR 17/2000 Hagyrðingaþáttur 295 Heilir og sælir lesendur góðir. Það er Einar Sigtryggsson á Sauðár- króki sem leggur okkur til fyrstu vís- urnar að þessu sinni. Auðurinn við íslandsstrendur ætti að styrkja þjóðarhag. Fjármagnsstreymi á fáar hendur, finnst mér skrítið háttalag. Þegar gengi virðist valt viðsjál þjóðarskúta. Verða menn um ísland allt æðri mætti að lúta. Að lokum þessi frá Einari. Þó að völt sé von og þrá vert er þó að muna, að líta björtum augum á alla tilveruna. Næsta vísa þarf ekki skýringa við en þar er fjallað um hin svarta sann- leika heilbrigðismála. Höfundur er Kristján Stefánsson frá Gilhaga. Ingibjörg sem engu ráði um arðrán hinna fyrri þinga. Rýir nú með glöðu geði gamalmenni og vesalinga. Heyrum þá næst frá Rúnari Krist- jánssyni. Svínvetningar sveitarfulli sínu jafnan gera skil. Belgfullir af Blöndugulli búa þeir við ljós og yl. Um kunnan bragsnilling frá fyrri tíð yrkir Rúnar. Gamli Hjálmar harður var háði stríð við marga. Oftast hærri hlutinn bar hræddist ekki varga. Átti í sínu eðli þá andans snilli mesta. Braglistinni beitti á burgeisa og presta. I tilefni af 80 ára afmæli Gísla Páls- sonar bónda á Hofi í Vatnsdal 18. mars sl. barst honum þessi fallega kveðja frá Sigríði Sigfúsdóttur í Forsæludal. Þó að fari að bregða brátt birtu ævidagsins. Njóttu heill með heiðri og sátt hlýju sólarlagsins. Þórdís Sigurbjörnsdóttir sendi frá sér eftirfarandi kveðju nú um sumar- málin. Vetur líður vora fer vindar taka að hlýna. Sólskríkjurnar syngi þér sumarkveðju mína. Það mun hafa verið Steinn Steinarr sem orti svo til æskustöðvanna í Saur- bæ í Dölum. Alltaf finnst mér eitthvað hlýtt yfir dalnum mínum sveima. Þó að víða væri grýtt á vegunum gömlu heima. Sigurður á Garðshorni sem trúlega hefur verið ættaður frá Siglufirði yrkir svo. Ferðin gengur allveg enn ekki er þankinn stríður. Fæ ég nú að sjá þig senn Siglufjörður blíður. Albert G. Sölvason frá Páfastöðum í Skagafirði yrkir svo. Þar er mesta mannaval mörg ein kostajörðin. Berðu kveðju hrund og hal heim í Skagafjörðinn. Geta lesendur upplýst hvort rétt er hjá mér að telja Eyjólf Gíslason frá Hofstöðum höfund að næstu vísum. Ylum bakast lá og lönd lækir skvaka fráir. Öll nú klaka bresta bönd bráðnajakarháir. Syngur lóa um laut og börð lænur flóa á völlum fögur gróa, grös á jörð gaggar tóa á fjöllum. Lifað, prýði fáka fer folald víða á eyrum lömbin fríðu leika sér létt í hlíðargeirum. Það mun hafa verið Stefán Stefáns- son frá Móskógum sem orti svo um sumarmál. Kveður lind í klettaskor klökug gleymast vetrar spor. Glæðist vilji, þrek og þor. Það er að koma blessað vor. Sveinbjörn Björnsson frá Narfakoti á Vatnsleysuströnd fagnar vorkomu með eftirfarandi vísum. Lifnar þor og lyftist önd leysast sporin hríða. Himinborið, hlíð og strönd heilsar vorið blíða. Rökkurlindar líða frá ljómar strindi og ögur. Sólin tindum efstu á árblys kyndir fögur. Hulu gljáa innan í allt að sjá er vafið. Esjan há við himinský heggur í bláa trafið. Bjarni Eggertsson á Eyrarbakka yrkir svo á fögrum vormorgni. Sá fer gleði mjög á mis og mun ei fá þess bætur, sem að aldrei sólarris sérumjúnínætur. Að lokum þessa kveðju frá Rúnari Kristjánssyni á Skagaströnd. Þar með læt ég lokið spjalli legg ei meira á þig af kvöðum. Sittu heill á sæmdarpalli sérhvem dag á Eiríksstöðum. Veriði þar með sæl að sinni. Guðmundur Valtýsson, Eiríksstöðum, 541 Blönduósi, sími 452 7154. Lækiiaskop frá vöggu tíl grafar í Heilbrigðisstofnun á Króknum Farandsýningin Hláturgas verður sett upp á tíu sjúkrahús- um víðsvegar um landið á árinu 2000 í boði lyfjafyrirtækisins Glaxo Wellcome á íslandi. Þriðji áfangi sýningarinnar var opnaður í Heilbrigðisstofnun- inni á Sauðárkróki sl. föstudag 28. aprfl og verður sýningin uppi þar til 20. maí nk. Hjörleifur Þórarinsson, framkvæmdastjóri Glaxo Wellcome á íslandi opnaði sýn- inguna formlega og færði Heil- brigðisstofununni á Sauðár- króki fjölda eintaka af bókinni „Hláturgas". Við opnunina flutti einnig Bjami Jónasson læknir Starfsfólk og gestir við opnun sýningarinnar á föstudaginn. og varaformaður Norrænna samtaka um læknaskop, erindi um hinar jákvæðu hliðar þessa fyrirbæris. Hláturinn lengir lífið, segir gamalt máltæki. Skrýtlur um lækna og skopmyndir frá sjúkrahúsum hafa löngum skemmt fólki, en það er fyrst nú á síðustu árum að skilningur hefur vaknað á því að skop og gamanmál geta átt raunveruleg- an þátt í lækningum, létt lund sjúklinga og virkjað þann lækn- ingarmátt sem í líkamanum býr. Hláturtaugamar gegna ekki síð- ur mikilvægu hlutverki en á- þreifanlegri líffæri og er viðbú- ið að þáttur skopsins muni aukast á sjúkrahúsum og lækna- stofum í framtíðinni. Hláturgas er unnið í sam- starfi við íslandsdeild Nor- rænna samtaka um læknaskop (Nordisk Selskap for Medisinsk • Humor) sem voru nýlega stofn- uð, þau fyrstu sinnar tegundar. Hér leiða þekktir innlendir og Bjarni Jónasson læknir, sem margir Skagflrðingar kannast við, sýnir skopskyggnur. erlendir skopteiknarar og hag- yrðingar saman hesta sína. Á sýningunni er að finna fjölda skopteikninga eftir bæði inn- lenda og erlenda höfunda, en af íslenskum teiknurum má nefna Þorra Hringsson, Hallgrím Helgason, Brian Pilkington, Gísla Ástþórsson og Halldór Baldursson. Efnið er ýmist gamalt eða nýtt og unnið sér- staklega fyrir Hláturgasið. Jafn- framt hefur verið gefin út 80 síðna bók með skopteikningum, bröndurum, íslensku rímna- skopi og spaugilegum lækna- skýrslum sem dreift verður ó- keypis á þeim skjúkrahúsum þar sem sýningin verður. Leiðrétting Fyrirsögnin á grein Magnúsar Gíslasonar um Heklumótið í síðasta blaði Feykis klúðraðist herfilega og skal gerð þar bragarbót á. Fyrirsögnin átti að hljóða þannig: „Þar sem söngur sali fyllir". Er beðist velverðing- ar á þessum mistökum.

x

Feykir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Feykir
https://timarit.is/publication/1151

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.