Feykir - 07.06.2000, Blaðsíða 4

4 FEYKIR 21/2000
„Hnakkurínn sé góður
bæði fyrir knapa og hest“
Hjá Hestinum á Sauðárkróki eru vörugæðin
númer eitt tvö og þrjú
Hannes Friðriksson í Hestinum sýnir Guðna Ágústssyni
Iandbúnaðarráðherra framleiðsluna.
„Hér eru það vörugæðin sem eru
númer eitt tvö og þrjú. Við leggjum
mikið upp úr því að hnakkurinn sé
þægilegur bæði fyrir hestinn og
knapann”, sagði Hannes Friðriks-
son framkvæmdastjóri söðlasmíða-
stofunnar Hestsins á Sauðárkróki
þegar hann afhcnti landbúnaðar-
ráðherra Guðna Ágústssyni að gjöf
ákaflega fallegan og vandaðan
hnakk úr hlýraleðri á dögunum.
Hesturinn er mjög athyglisvert fyr-
irtæki á Sauðárkróki, en það þróað-
ist úr skóvinnustofu í reiðversgerð.
Framleiðsla á hnökkum hefur verið
að stóraukast nú síðustu árin og á-
lítur Hannes að Hesturinn sé nú
orðinn stærsti aðilinn í þessari
framleiðlsu hér á landi, en fyrir
voru gamalgróin fyrirtæki í þessari
grein í Reykjavík og á Akureyri.
Malli skó var hann oftast kallaður
faðir Hannesar í Hestinum. Hann var
með skóvinnustofu heima hjá sér við
Ægisstíginn á Króknum, í litlum skúr.
Þegar komið var með skó til viðgerð-
ar til Malla, sem hér Friðrik Malfreð
Friðriksson, þá var yfirlett viðkvæðið.
„Þetta er ónýtt en ég skal reyna að
tjasla í þetta. Komdu á morgun og
gáðu að þessu.” Og þegar maður kom
síðan næsta dag og náði í skóna þá
vom þeir orðnir betri en nýir.
Það var hjá föður sínum sem Hann-
es kynntist hnakkasmíðinni og reið-
verðsgerðinni, sem þó var stunduð í
smáum stíl á þeim árum. En Hannes
lagði fyrir sig söðlasmíðina og það var
í þessum litla skúr sem framleiðslan
hófst og grunnurinn var lagður að fyr-
irtækinu Hestinum á árunum 1987-’88.
Hnakkamir frá Sauðárkróki öðluð-
ust vinsælir og á árinu 1992 flutti Hest-
urinn í 150 fermetra húsnæði við Sæ-
mundargötuna og jafnframt var opnuð
verslun með reiðverum og ýmsar vör-
um fyrir hestamenn. Fljótlega gerðu
þrengsli vart við sig vegna aukinnar
eftirspumar og fjölgunar starfsfólks því
samfara. Á liðnum vetri var aftur flutt í
nýtt húsnæði og nú 400 fermetra við
Borgarteig. Hjá Hestinum í dag starfa
sex manns og framleiðsluaukningin
hefur verið unr 17% á ári mörg síðustu
ár, að sögn Hannesar.
Hannes sýndi okkur á hvern hátt
hnakkrnir frá Hestinum em sérlega
þægilegir fyrir hestinn, en það byggist
á því að grindin í hnakknum er opin og
í þennan hring í grindinni er hnakkur-
inn bólstraður. Hannes segir að hjá öðr-
um framleiðendum sé grindin heil-
steypt og það dragi mjög mikið úr
mýkt hnakksins. Grindina lætur Hann-
es framleiða á Sauðárkróki. Það er Sig-
urjón Jónsson í fyrirtækinu Gúmmí-
mótun GM sem steypir grindurnar úr
trefjaplasti og Hannes stígur ofan á
grindina til að sýna styrk hennar en
jafnframt mýkt og sveigju. Jámin í
hnakkana og fylgihlutina ýmsu sem
Hesturinn framleiðir við reiðverin, em
líka smíðuð þar innanhúss.
Útflutningurinn orðinn stór hluti
„Það er mjög mikið að gera og
stöðugar pantanir. Við gætum verið að
vinna hér í rauninni mun lengri vinnu-
dag, en það verður að halda því innan
skikkanlegra marka. Útflutningurinn
hefur stöðugt verið að aukast og nú er
hann orðinn rúmlega helmingur fram-
leiðslunnar”, segir Hannes en á liðnum
vetri var t.d. afgreidd stór pöntun á
Þýskaland, en þangað er mikið selt og
einnig til annarra Evrópulanda.
Þegar Hannes er spurður að því
hvort hann sé hestamaður og það hafi
orðið til að hjálpa honum við að þróa
hnakkana og gera eftirsótta vöru, þá
segist hann hafa verið hestamaður, en
ekki hafi verið orðinn neinn tími til
slíks. „Ég kynntist þessu fyrst hjá föð-
ur mínum og það var mér góður skóli”,
sagði Hannes að endingu, en því má
bæta við að hjá Hestinunr vinnur mjög
gott starfsfólk, þar á meðal sambýlis-
kona Hennesar, Þórdís Jónsdóttir, og
hvílir rekstrarhliðin talsvert á hennar
herðum.
Búið að mála langhliðina á hlöðunni í Dæli. Myndir / Hrafnhildur.
Máluðu heilan hlöðuvegg í myndmennt
Hópur nemenda úr níunda og tí-
unda bekk Laugarbakkaskóla stóð í
stórræðum um næstsíðustu helgi þeg-
ar lokið var við myndmenntaverkefni
sem unnið var að síðla vetrar. Það fólst
í því að mála mynd á vegg útihúss, og
fyrir valinu varð hlöðuveggur á Dæli í
Víðidal en þaðan er einmitt mynd-
menntakennarinn Hrafnhildur Y r
Víglundsdóttir sem margir kannast við
eftir að hún sigraði í Sönvarakeppni
framhaldsskólanna fyrir nokkrum
ánam.
Að sögn Hrafnhildar hefur undir-
búningur staðið yfir síðustu tvo mán-
uðina. Það var mynd aftan á mjólkur-
hymunum sem ákveðið var að mála og
fékkst leyfi hjá Mjólkursamsölunni í
Reykjavík fyrir notkun myndarinnar
og Kaupfélag Vestur-Húnvetninga gaf
málningu til verksins.
Það var um helmingur nemendanna
sem lét sig hafa það að mæta í norðan-
fræsingnum á laugardagskvöldið en þá
var byrjað í skugga nætur að varpa
myndinni á vegginn og teikna útlínur
litaflatanna með tússpenna. Því verki
var lokið klukkan tvö um nóttina. Haf-
ist var síðan handa á ellefta tímanum á
sunnudagsmorgun og málað nánast
stanslaust til hálf ellefu um kvöldið er
verkinu var lokið.
„Þetta heppnaðist mjög vel og við
vorum nú í nokkru skjóli við verkið, en
þó var ansi kalt. Stelpumar sýndu mik-
inn dugnað og útsjónarsemi og eiga
mikið hrós skilið”, segir Hrafnhildur,
en vinnan bæði í skólanum og á vett-
vangi var metin til einkunnar í mynd-
menntinni í vetur.
Það voru þó bara stelpurnar sem
mættu til að mála, og þær heita: Guð-
rún Ósk Steinbjörnsdóttir, Ingveldur
Ása Konráðsdóttir, Linda Sóley Guð-
mundsdóttir, Hrafnhildur Laugey Haf-
steinsdóttir, Eh'nborg Helgadóttir, Lilja
Rún Tumadóttir, Silja Dögg Sigurðar-
dóttir og Bára Dröfn Kristinsdóttir.
Elínborg Helgadóttir önnum kafin
við að mála.