Feykir - 14.06.2000, Blaðsíða 2

2 FEYKIR 22/2000
Jörmundur Ingi alherjargoði helgar land í Skagafirði í
tilefni þúsaldarmóta.
Landhelgun og landnáms
minnst í Lónkoti
Fjölmenni var samankomið
við Lónkot í Sléttuhlíð að
kvöldi hvítasunnudags. Þar fór
fram trúarathöfn nokkuð frá-
brugðin þeim er jafnan er iðk-
uð þennan dag og umgjörðin
með allt öðrum hætti. Hesta-
menn tóku virkan þátt í athöfn-
inni en þarna var verið að
minnast landnáms Höfða-
Þórðar sem var eitt hið stærsta
hér í Skagafirði eftir því sem
landnáma segir, um aldamótin
níu hundruð og náði yftr
Höfðaströnd og drjúgan hluta
Sléttuhlíðar.
Þeir feðgar Olafur og Jón í
Lónkoti hafa gert enn eitt
snyrtilegt útivistar- og sýning-
arsvæði í Lónkoti. Það er
hringsvið í nriðju og ofar því
bogamyndað áhorfendasvæði í
skjóli fyrir norðri. Myndarleg-
um bálkesti hafði verið komið
iyrir í ntiðju sviðsins. í upphafi
athafnar riðu skrautbúnir hesta-
menn á fákum sínum. Foring-
inn Símon frá Barði kveikti eld
í kestinum og hestamenn riðu
heiðurshring.
Jörmundur Ingi alsherjar-
goði og hans menn voru á ferð
um landið í tilefni árþúsunda-
móta, til að helga land eins og
geit var að heiðra manna sið.
Jörmundur helgaði land og
flutti trúarboðskap meðan eld:
ar bmnnu. Að hætti fornmanna
báru allsherjargoðinn og hans
aðstoðarmaður trúarleg tákn en
einnig vopn, sverð og öxi, og
var unr nokkuð tilkomumikla
athöfn að ræða.
Þá var komið að því að at-
hjúpa minnisvarðann um
Höfða-Þórð. Olafur Jónsson
staðarhaldari í Lónkoti sagði
heiðna menn hafa haldið hátíð
á hvítasunnunni hið forna.
Þegar sólin var hvað hvítust og
heitust. Ólafur vék að land-
námi Höfða-Þórðar og kvað
landnámu greina frá því að
Höfða-Þórður hefði verið
merkur maður en hann var
niðji Ragnars loðbrókar. Það
var Jörmundur Ingi alsherjar-
goði sem afhjúpaði minnis-
varðann og í leiðinni þakkaði
hann þeim Lónkotsmönnum
fyrir athöfnina og aðrar athafn-
ir sem þeir hafa staðið íyrir og
tengjast sögu lands og merkra
manna. Jörmundur sagði þá
Ólaf og Jón í Lónkoti hafa
unnið stórvirki á þessum stað.
Handverk 2000 á Hrafnagili í ágúst
Gyða Ölvisdóttir formaður Krabbameinsfélags A.-Hún.
færir Pétri Arnari Péturssyni framkvæmdastjóra og Páli
Níels Þorsteinssyni yfirlækni efnagreiningartækið.
Mynd/Sig. Kr.
Krabbameinsfélagið
færir gjafír
Krabbameinsfélag Aust-
ur-Húnvetninga færði fyrir
skömmu Heilbrigðisstofn-
uninni á Blönduósi að gjöf
efnagreiningartæki. Tækin
mæla ýmsa krabbameins-
vísa svo og margs konar
hormóna og hjartaemsím.
Að auki gaf krabbameinsfé-
lagið Héraðshælinu, eins og
sjúkrastofunin er jafnan
kölluð, tvær rúmdýnur.
Hin árlega handverkssýning að
Hrafnagili, Eyjafjarðarsveit verð-
ur haldin dagana 10. - 13. ágúst
nk. Handverk 2000 er sölusýning
handverksfólks sem haldin er á
vegum Eyjafjarðarsveitar og hef-
ur þessi samkoma handverkafólks
nú fest sig í sessi sem árviss við-
burður í sveitafélaginu. Fram-
kvæmdaraðili sýningarinnar er
Vínehf. og framkvæmdarstjóri er
Björk Sigurðardóttir.
Þetta er í áttunda sinn sem
handverkssýning að Hrafnagili er
haldin. Mikil þróun hefur átt sér
stað á þessum árum í gæðum og
fjölbreytni handverks og hefur
sýningin vaxið mjög að umfangi
með ári hverju. Sýningarsvæðið
er í íþróttahúsi Hrafnagilsskóla
svo og í kennsluhúsnæði. Mark-
aður verður við útitorg og verða
iðnaður og afurðir heimilanna
uppistaða hans.
Þema sýningarinnar að þessu
sinni er „Kirkjan á afmælisári’" og
verður leitast við að móta umgjörð
sýningarinnar með kirkjuna í huga.
A sýninguna kemur Annika
Jostrand Liljevall en hún er sænsk
listakona sem í seinni tíð hefur
skorið út smáhluti t.d. spegil-
ramma, skartgripi ofl. og málað í
hreinum litum. Laugardaginn 12.
ágúst kl 10:00 ætlar hún að vera
með fyrirlestur sem hún kýs að
kalla „Innblástur frá kirkjumynd-
um”. Dagana eftir sýningu heldur
hún námskeið þar sem tálgað er úr
fersku tré og það málað á eftir. Yf-
irskrift námskeiðsins er „Að fá
innblástur frá gömlu til að gera
nýtt”.
Alla sýningardagana verður
kaffisala og grillveislur við útitjald
tyrir gesti jafnt sem handverksfólk
á svæðinu. Boðið verður upp á
ýmsa afþreyingu og á laugardags-
kvöldi verður uppskeruhátíð hand-
verkafólks þar sem öllum er vel-
komið að vera þátttakendur.
Handverksfólk sen ætlar sér að
taka þátt í sýningunni og /eða
námskeiðum á vegum sýningar-
innar er hvatt til þess að skrá sig
sem fyrst á heimasíðu sýningar-
innar www.skyggnir.is/handverk
<http://www.skyggnir.is/hand-
verlo eða hafa samband við Björk
í síma 8631415.
Sumarhátíð Þroskahjálpar haldin
í sjötta sinn að Steinsstöðum
Hin árlega tjölskylduhátíð
Landssamtakanna Þroskahjálp-
ar verður haldin að Steinsstöð-
um í Skagaftrði dagana 23.-25.
júní nk. Þetta verður í sjötta
skipti sem hátíðin er haldin að
Steinsstöðum en þar er öll að-
staða mjög góð, gott aðgengi,
mjög gott leiksvæði og sund-
laug.
Fjölskylduhátíðin er kjörinn
vettvangur fyrir foreldra og
systkini fatlaðra, svo og fatlaðra
sjálfa að kynnast og skemmta
sér. Svæðið verðuropnað kl. 18
föstudaginn 23. júní. A laugar-
deginum verður m.a. farið í
leiki, frítt verður á hestbak,
grillveisla verður haldin, sung-
ið og dansað við undirleik
harmonikku. Varðeldur verður
tendraður um miðnætti.
Aðgangseyrir er kr. 2000
fyrir fullorðna en 500 kr. fyrir
böm og er innifalið í verðinu
gisting í svefnpokaplássi eða
tjaldstæði, grillveisla og afnot
af hestum. Ef næg þátttaka er
verður rútuferð frá Reykjavík á
föstudag og heim aftur á sunnu-
dag. Skráning þátttöku er hjá
Þroskahjálp í síma 588 9390
íyrir 20. júní.
Kemur út á miðvikudögum. Útgefandi Feykir hf.
Skrifstofa: Ægisstíg 10. Sauðárkróki. Póstfang: Box 4,
550 Sauðárkróki. Símar: 453 5757 og 453 6703.
Myndsími 453 6703. Farsími 854 6207. Netfang:
feykir @ krokur. is. Ritstjóri: Þórhallur Ásmundsson.
Fréttaritari: Örn Þcrraiinsson.
Blaðstjórn: Jón F. Hjartarson, Guðbrandur Þ. Guð-
brandsson, Sæmundur Hermannsson, Sigurður
Ágústsson og Stefán Ámason.
Áskriftarverð 170 krónur hvert tölublað með vsk.
Lausasöluverð: 200 krónur með vsk. Setning og
umbrot: Feykir. Prentun: Hvítt & Svail hf.
Fevkir á aðild að Samtökum bæja- og héraðs-
fréttablaða.