Feykir - 28.06.2000, Blaðsíða 4

4 FEYKIR 23/2000
Þetta helst í hendur við
gengið í landbúnaðimim“
segir Kristján Sigurpálsson í Vélavali í Varmahlíð
„Það var annaðhvort fyrir mig að hætta þessu, eða komast í stærra húsnæði
svo að starfsemin gæti haldið áfram að dafna. Gamla húsnæðið var ákaf-
lega þröngt og óhentugt og setti mér nokkrar skorður. Nýja húsið hefur
eiginlega reynst mikið betur en ég bjóst við þannig að ég er mjög sáttur
við hlutina”, segir Kristján Sigurpálsson eigandi verslunarinnar Vélavals
í Varmahlíð. Það vakti nokkra athygli þegar Kristján byggði nýtt hús und-
ir starfsemina, flutti inn hús frá Spáni sem tekið var í notkun 3. febrúar
1998. Það vareinkum vegna staðsetningarinnar sem svo margir urðu var-
ir við þessar framkvæmdir, en Vélaval er nú staðsett við aðalgatnamótin
í Varmahlíð, við aðalumferðina, eða í krikanum við Norðurlandsveg þar
sem Sauðárkróksbraut endar.
Vélaval í Varmahlíð, þjónustufyrirtæki staðsett við enda Sauðárkrós-
brautar í Varmahlíð.
„Ég byrjaði að versla með vélar og
varahluti 1974 í húsinu sunnan Víði-
mels. Ég tók við sumu af því sem fað-
ir minn verslaði með áður en alla tíð
hefur verslunin byggst á þjónustu við
bændurna og landbúnaðinn, svo sem
varhluti í landbúnaðartæki, einkum
heyvinnuvélar, fóðurvöru og áburð.”
- En hvað kom til að Kristján valdi
að koma sér fyrir á þessum stað í
Varmahlíð?
„Ég var lengi búinn að hafa auga-
stað á þessari lóð en það var aldrei gef-
inn möguleiki á að setja þarna niður
hús fyrr en síðasta aðalskipulag var
gert fyrir Varmahlíð. Þetta er mjög
góður staður, við aðalumferðaræðina,
sem hefur augljósa kosti”.
Hvernig hefur svo gengið á nýja
staðnum?
„Bara mjög vel. Veltan hefur um
það bil tvöfaldast, þannig að ég get
ekki verið annað en ánægður, og vita-
skuld spilar þarna inn í stórbætt að-
staða”, segir Kristján og aðalvaxta-
broddinn í starfseminni segir hann
felst í því að Vélaval fór að bjóða inn-
réttingar og tækjabúnað í fjósin, nán-
ast allt í fjósin nema mjaltabásana
sjálfa, en auknar kröfur í mjólkurfram-
leiðslunni hafa orðið til þess að bænd-
ur hafa verið að breyta fjósunum stór-
lega undanfarin ár og lausagöngufjós
eru nú óðum að riðja sér til rúms, en í
þau þarf allt aðrar innréttingar og
tækjabúnað en í hefðbundin fjós.
„Kúabændur voru margir hverjir
komnir á tíma með að endumýja fjós-
in. Margir þeirra em að stækka við sig
í leiðinni og kaupa aukinn kvóta. Og
það fylgir því þegar framleiðslan eykst
að þá þarf aukinn tækjakost og bættan
búnað, til að álagið og vinnan aukist
ekki á bændafólkið, því allt miðar
þetta að því í dag að spara vinnu og
skapa hagræðingu í rekstrinum”.
- Þannig að þú ert þokkalega bjart-
sýnn á framhaldið?
„Já það má segja að þetta haldist í
hendur, hvemig gengur í landbúnaðin-
um. Ég er reyndar mjög svartsýnn á
sauðfjárræktina, þar sýnist mér ástand-
ið ekkert vera að lagast og halli held-
ur á verri veginn. Það er miklu bjartara
framundan í mjólkurframleiðslunni og
þar líst mér vel á hlutina, líka í kom-
ræktinni. Þar sýnist mér vera talsverð
bjartsýni ríkjandi og menn hyggja á
inntlutning á tækjum til kornræktar-
innar, enda hefur hún gengið vel héma
í Skagafirði”.
- En er ekki mikil samkeppni í
versluninni með þessar vörur eins og
aðrar. Einhvemveginn hélt maður að
þetta svæði væri ekki til skiptanna fyr-
ir marga?
„Jú vitaskuld er bullandi sam-
keppni, en ég held að hún sé bara til
góða og skapi þeim aðhald sem í þessu
eru. En við bindum okkur ekki alveg
við þetta landsvæði, t.d. í varhlutunum
er ég að selja talsvert til endursölu til
aðila víðs vegar um landið. Þetta styð-
ur hvað við annað þegar maður er að
vasast í svona mörgu”, sagði Kristján
Sigurpálsson að endingu.
Kristján Sigurpálsson í Vélavali ásam þeim tveimur starfsmönnum sem vinna hjá fyrirtækinu, Sigurbirni Á.
Friðrikssyni t.v. og Jóhanni P. Jóhannssyni.
Að loknu Eyrarsundshlaupi
Yfir 100 þúsund manns hlupu yfir
Eyrarsundsbrúna, milli Danmerkur og
Svíþjóðar, við vígslu brúarinnar 12.júní
sl. Skokkarar frá fslandi létu sig ekki
vanta í þetta hlaup, sem var hálft
maraþon, eða 21 km. Trúlega hefur stærsti
hópurinn frá landinu bláa, miðað við
höfðatöluna margfrægu, komið frá
Sauðárkróki, en 12 hlauparar þaðan tóku
þátt. Að sögn þeirra var þetta mikil
upplifun og mjög skemmtilegt hlaup.
„Þetta var alveg frábært og eiginlega
ekki hægt að lýsa stemmningunni.
Náttúrlega var þetta ennþá skemmtilegra
af því við vorum í skemmtilegum hóp,
og allt skipulag varðandi ferðina stóð
eins og stafur á bók”, sagði Ólafur
Þorbersson einn af ferðalöngunum.
Mynd: Óskar Jónsson.