Feykir - 30.08.2000, Blaðsíða 2

2 FEYKIR 28/2000
SSNV vill aukið samstarf
atvinnulífs og skóla
Þing SSNV sem haldið var á
Hólum um síðustu helgi leggur
áherslu á aukin tengsl mennta-
stofnana og atvinnulífs á Norður-
landi vestra. Þingið samþykktí að
komið verði á samstarfsnefnd
menntastofnana og atvinnulífs á
Norðurlandi vestra. Samstarfs-
nefndin verði skipuð fulltrúum
eftirtalinna aðila: Fjölbrautaskóla
Norðurlands vestra, Farskóla
Norðurlands vestra, Hólaskóla,
INVEST, og þriggja atvinnufyr-
irtækja á Norðurlandi vestra.
Tilgangur nefndarinnar verði
að auka samstaif og samvinnu
atvinnulífs við menntastofnanir á
Norðurlandi vestra. Nefndin hafi
það hlutverk að leita nýrra leiða í
að auka starfstengt námsífamboð
og tengsl atvinnulífs og hlutað-
eigandi menntastofnana.
Þá samþykkti þing SSNV að
fela stjóm samtakanna að beita
sér fyrir málþingi um tengsl at-
vinnulífs og menntunar þar sem
fjallað yrði um þarfir atvinnulífs
fyrir menntun, og þarfir mennta-
stofnana fyrir hagnýt viðfangs-
efni sem tengjast atvinnulífinu
beint.
Atvinnuástand ekki
verið betra lengi
í júlímánuði var meðalfjöldi
atvinnulausra á Norðurlandi
vestra 51 eða um 1 % af áætluð-
um mannafla á svæðinu, en var
1,3% í júní. Þrátt fyrir þennan
bata og bærilegt atvinnuástand er
hvergi hæmi hlutfall atvinnu-
lausra karla á landsbyggðinni en
jafnmikið og á höfuðborgar-
svæðinu, það var 0,8% í júlí í
stað 1 % mánuðinn á undan.
Atvinnuleysi í Norðurlandi
vestra hefur minnkað um 20,7%
frá júní en atvinnulausum á
svæðinu fækkar um 13 milli
mánaða. Atvinnuleysi hefur
minnkað um 42,6% frá júlí í
fyrra. Atvinnuleysi kvenna
mældist 1,3% íjúlí en var 1,7% í
síðasta mánuði. Atvinnulausum
konum hefur fækkað um átta að
meðaltali milli mánaða og at-
vinnulausum körlum hefur fækk-
að um fimm.
Árskóli
Frá Árvist - skólavistun Árskóla
Skólavistun er fyrir nemendur 1.-4. bekkjar. Skráning stendur yfir dagana 24. ágúst
til 1. september kl. 9:00 - 12:00 í síma 453-7001. Opið hús verður föstudaginn 1. sept.
frá kl. 9:00-16:00 að Ægisstíg 7 (gengið inn um bakdyr), en foreldrum og nemendum
er einnig velkomið að líta inn á meðan á skráningu stendur.
Starfsfólk Árvistar
V__________________________________________________J
N
Árskóli
Skólasetning Árskóla veturinn 2000 - 2001 verður föstudaginn 1. september
2000. Nemendur mæti í skólann á eftirfarandi tímum:
í Árskóla v/Skagf.br. í Árskóla v/Freyjugötu
• 5. bekkur kl. 9:00 • 2. bekkur kl. 13:30
• 6. bekkur kl. 9.30 • 3. bekkur kl. 14:00
• 7. bekkur kl. 10.00 • 4. bekkur kl. 14:30
• 8. bekkur kl. 10.30 • 1. bekkur kl. 15:00
• 9. bekkur kl. 11:00
• 10. bekkur kl. 11:30
Kennsla hefst síðan mánudaginn 4. sept. samkvæmt stundaskrá
Skólastarfið hefst með starfsmannafundi í Árskóla efra húsinu
rmánudaginn 28. ágúst kl. 09:00.
v
Skólastjóri
Áttunda þing SSNV fór fram á Hólum um síðustu helgi.
Sorpið gert að mold
Sumarið sem senn er liðið
verður trúlega lengi í minnum
haft bæði fyrir góða veðráttu og
mikla sprettutíð. Gunnar Stein-
grímsson að Dalatúni 3 á Sauð-
árkróki hefur notið þessa eins og
aðrir hér fyrir norðan. Gunnar er
búinn að slá lóðina oft í sumar,
en hann hefur sloppið við að
fara með grasið í garðaúrgang-
inni hjá bænum, þar sem hann
fékk sér í suniar svokallaða jarð-
gerðartunnu, en þessi ílát eru
undir lífrænan úrgang og þar fer
fram niðurbrot er breytir úr-
ganginum í gróðurmold.
Jarðgerðartunnan sem Gunn-
ar keypti, og var sú fyrsta sem
seld var á Sauðárkróki, er 375
lítrar að stærð. Gunnar segir að í
tunnuna sé upplagt að setja allt
sem kemur úr eldhúsinu, sorpið,
og einnig þann óbleikta pappír
sem til fellur.
„Þurrkað gras og trjákurl
kemur í staðinn fyrir þurrkefni
sem annars þarf að setja með
heimilissorpinu, til að draga rak-
ann úr því. Ég ætla líka að setja
kartöflugrösin í tunnuna í haust.
Maður er annað slagið að opna
tunnuna og hreyfa í henni til að
niðurbrotið gangi hraðar og mér
sýnist vera farið að dökkna ansi
mikið neðst, þannig að maður
vonar að þetta verði orðið að
gróðurmold næsta vór”, segir
Gunnar.
Skagstrendingur
eykur karfakvótann
Á hluthafafundi í Skag-
strendingi í síðustu viku var
samþykkt að hækka hlutafé fé-
lagins um kr. 24.782.522, sem
greitt verður fyrir með varan-
legri aflahlutdeild. Lagt var til að
hluthafar falli frá forgangsrétti
sínum. Tillagan var samþykkt
samhljóða með öllum greiddum
atkvæðum eða 90,37%, þeirra
hlutahafa sem mættir voru á
fundinn. Einnig var samþykkt á
fundinum með öllum greiddum
atkvæðum heimild til hækkunar
hlutafjár hvenær sem er á næstu
þremur árurn um allt að 25 millj-
ónir króna. Seinni hluti þeirrar
tillögu var breytingartillaga við
tillögu stjórnar, sem áður hafði
lagt til að þessi heimild næði til
allt að 100 milljóna króna.
Stjóm Skagstrendings hyggst
nýta þetta aukna hlutafé til að
styrkja stöðu sína í veiðum á út-
hafskarfa og verður einvörð-
ungu varið til kaupa á aflaheim-
ildum í karfa. Á næstu dögum
mun félagið senda frá sér til-
kynningu um afkomuna fyrstu
sex mánuði ársins, en að sögn
Jóels Kristjánssonar fram-
kvæmdastjóra hafa erfiðleikar í
rækjuveiðum og vinnslu sett þar
strik í reikninginn.
Öháð fréttablað á Norðurlandi vestra
Kemur út á miðvikudögum. Útgefandi Feykir ht'.
Skrifstofa: Ægisstíg 10, Sauðárkróki. Póstfang: Box 4,
550 Sauðárkróki. Símar: 453 5757 og 453 6703.
Myndsími 453 6703. Farsími 854 6207. Netfang:
feykir @ krokur. is. Ritstjóri: Þórhallur Ásmundsson.
Fréttaritari: Öm Þórarinsson.
Blaðstjóm: Jón F. Hjartarson, Guðbrandur Þ. Guð-
brandsson, Sæmundur Hermannsson, Sigurður
Ágústsson og Stefán Árnason.
Áskriftarverð 170 krónur hvert tölublað nteð vsk.
Lausasöluverð: 200 krónur með vsk. Setning og
umbrot: Feykir. Prentun: Hvítt & Svart hf.
Feykir á aðild að Samtökum bæja- og héraðs-
fréttablaða.