Feykir - 27.09.2000, Page 2

2 FEYKIR 32/2000
Sveitarstjórn Skagafjarðar
býður Akureyringum á fund
Sveitarstjóm Skagafjarðar á-
kvað á fundi sínum í síðustu
viku að bjóða bæjarstjóm Akur-
eyrar til fundar í byrjun október.
Að sögn Snorra Bjöms Sigurðs-
sonar sveitarstjóra hefur fundur-
inn ekki verið tímasettur, en
þessi samskipti milli sveitar-
stjórnanna byrjuðu á liðnum
vetri þegar fulltrúum í sveitar-
stjórn Skagafjarðar var boðið til
fundar bæjarstjórnar Akureyrar
þar sem rætt var um ýmiss hags-
munamál þessara svæða. Það
var einmitt um svipað leyti sem
sveitarstjórn Skagafjarðar lýsti
sig fylgjandi því að höfuðstöðv-
ar Rarik yrðu fluttar til Akureyrar.
„Það hefur ósköp lítil sam-
vinna verið á milli þessara
svæða og ég á fastlega von á því
að meðal beggja aðila sé vilji til
að auka hana. Eg er þeirrar skoð-
unar að það sé nauðsynlegt að
þessir staðir standi saman og það
komi til með að styrkja þá báða.
Ég held til að mynda að Eyja-
fjarðasvæðinu sé heilmikill
styrkur af Skagafirði og öfugt,
og út á við geti þessi svæði
myndað mjög sterka heild”,
sagði Snorri Björn Sigurðsson
sveitarstjóri. Aðspurður hvort að
möguleikar á samvinnu myndu
ekki aukast stórlega t.d. með
samgöngubótum, og með stytt-
ingu leiðar milli svæðanna,
sagði Snorri Bjöm. að fyrirsjáan-
legar væiti vegabætur um Norð-
urárdalinn á næstu árum. sem
yrðu mjög til bóta, en hinsvegar
væri Öxnadalsheiðin ekki sá far-
artálmi að vetrum, að hann sæi
hagkvæmni þess að leggja íjarð-
gangnagerð milli Skagafjarðar
og Eyjafjarðar, a.m.k. verði ekki
séð að það muni gerast á næst-
unni.
Afmælisár hjá Söngsveitinni
Skagfirska söngsveitin er nú
að hefja sitt 30. starfsár og af því
tilefni mun kórinn á haustdögum
halda tónleika í Skagafirði og
Reykjavík þar sem á efnisskránni
verða skagfirsk ljóð og sönglög.
A tónleikunum munu ásamt
kómum koma fram einsöngvar-
arnir, Óskar Pétursson frá Alfta-
gerði, Guðmundur Sigurðsson
og Kristín R. Sigurðardóttir.
Stjómandi kórsins er Björgvin Þ.
Valdimarsson og undirleikari
Sigurður Marteinsson.
Einnig verður samstarfi kórs-
ins við Samkór Hveragerðis og
Kveldúlfskórinn í Borgarnesi
framhaldið. I þetta sinn verður
Kveldúlfskórinn í Borgamesi
heimsóttur og haldnir sameigin-
legirtónleikar í Reykholti 4. nóv-
ember. Þetta er f þriðja sinn sem
kórarnir halda sameiginlega tón-
leika og hafa þessir tónleikar
alltaf vakið óskipta athygli.
Stefnt er að því að halda
glæsilega vortónleika f lok af-
mælisársins og verður að venju
boðið upp á þekkta einsöngvara.
A þessum tónleikum mun kórinn
og einsöngvaramir njóta undir-
leiks hljómsveitar.
Skagfirska söngsveitin var
stofnuð í Reykjavík á haustdög-
um 1970. í kórnum hefur alltaf
verið mjög öflug starfsemi þar
sem samvinna kórfélaganna og
stjórnandans hefur fært kórinn í
fjölda söngferða innanlands sem
og erlendis. A þessum 30 ámm
hafa verið gefnar út 5 vínilplötur
og 2 geisladiskar, sem hafa not-
ið mikilla vinsælda.
Frá upphafi hafa tveir stjóm-
endur starfað við kórinn en einn
af stofnendum var Snæbjörg
Snæbjarnardóttir söngkona og
stjórnaði hún kórnum í 13 áreða
til ársins 1983 en þá tók Björgvin
Þ. Valdimarsson við.
A afmælistónleikum kórsins í
haust, sem helgaðir eru Skaga-
firði og skagfirskum ljóðum og
lögum, verða flutt lög eftir: Pét-
ur Sigurðson, Jón Björnsson,
Eyþór Stefánsson, Geinnund
Valtýsson, Kristján Stefánsson
fráGilhaga. og ljóö eftir: Stefán
G. Stefánsson, Ólaf B. Guð-
mundsson og Bjarna Stefán
Konráðsson. Tónleikarnir verða
haldnir á eftirtöldum stöðum:
íþróttahúsinu á Sauðárkróki
föstudaginn 17. nóvember og í
Varmahlíð laugardaginn 18. nóv-
ember.
Afmælistónleikar Skagfirsku
söngsveitarinnar verða haldnir í
Langholtskirkju laugardaginn
25. nóvember kl. 17.00. Haldið
verður upp á afmæli kórsins 25.
nóvember með veglegu afmælis-
hófi og mun það verða auglýst
síðar. Einnig hefur verið ákveðið
að í tilefni afmælisins verði opn-
uð heimasíða Skagfirsku söng-
sveitarinnar þar sem hægt verður
að nálgast ýmsan fróðleik um
núverandi starf kórsins og starf-
semi hans síðastliðin 30 ár.
Það var eins gott að héraðsdómarinn í Norðurlandi vestra,
Halldór Halldórsson, var viðstaddur dráttinn í S-2(MM) í gær,
þar sem Elfar Viggósson (Jónssonar formanns frjálsíþrótta-
deildar Tindastóls) dró reikningsnúmer ömmu sinnar Ingu
Valdísar Tómasdóttur. Það er Eva Sigurðardóttir starfsmaður
Landsbankans sem heldur á hattinum en að baki þeim standa
Halldór Halldórsson héraðsdómari, Þröstur Friðfinnsson
útibússtjóri Landsbankans og Viggó Jónsson.
Dregið í happdrætti
styrktarklúbbsins
Sydney 2000
Dregið hefur verið í happ-
drætti styrktarklúbbs frjáls-
íþróttadeildarTindastóls, Sydney
2000. Klúbburinn var stofnaður
í upphafi árs 1997, og hafa
félagar hans sparað reglulega
síðan. Landsbankinn hefur
síðan styrkt verkefnið Sydney
2000, sent eins og kunnugt er
snýst um tugþrautarkappann
Jón Amar Magnússon.
Upphaflega var áformað að
hafa ferðavinning og þá helst til
Sydney, en þegar til kom
reyndust ekki í boði pakka-
ferðir til Sydney sökum mikils
kostnaðar. Akveðið var því að
vinningurinn yrði Kjörbók með
100.000 króna innistæðu. Og
númer vinningshafans sem upp
úr pokanunt kom á skrifstofu
héraðsdóms þriðjudaginn 25.
september, var Ingu Valdísar
Tómasdóttur.
Landsbankinn og frjáls-
íþróttadeild Tindastóls vilja
þakka öllum þeim sem tóku
þátt og stuðluðu með því að
framgangi verkefnisins S-2000.
Jafnframt er vinningshafa
óskað innilega til hamingju,
segir í tilkynningu frá Lands-
bankanum og frjálsíþróttadeild
Tindastóls.
Tréiðnadeild berst
höfðingleg gjöf
Tréiðnadeild Fjölbrautaskóla Norðurlands vestra er stöðugt að
eflast af tækjabúnaði. Deildinni barst nýlega að gjöf. í tilefni að
opnun deildarinnai; svokölluð „dflavél” frá innflutningsaðilanum
H. G. Guðjónsson. Myndin er afhedingu vélarinnar, Hilmar
Sigurðson frá H.G. er fyrir miðju og kennamir Valur Ingólfsson
t.v. og Atli Már Óskarsson.
Kemur út á miðvikudögum. Útgefandi Feykir hf.
Skrifstofa: Ægisstíg 10, Sauðárkróki. Póstfang: Box 4,
550 Sauðárkróki. Símar: 453 5757 og 453 6703.
Myndsími 453 6703. Farsími 854 6207. Netfang:
feykir @ krokur. is. RiLstjóri: Þórhallur Ásmundsson.
Fréttaritari: Örn Þórarinsson.
Blaðstjórn: Jón F. Hjartarson. Guðbrandur Þ. Guð-
brandsson, Sæmundur Hennannsson, Sigurður
Ágústsson og Stefán Ámason.
Áskriftarverð 170 krónur hvert tölublað með vsk.
Lausasöluverð: 200 krónur með vsk. Setning og
umbrot: Feykir. Prentun: Hvítt & Svart hf.
Feykir á aðild að Samtökum bæja- og héraðs-
fréttablaða.