Feykir


Feykir - 04.10.2000, Blaðsíða 4

Feykir - 04.10.2000, Blaðsíða 4
4FEYKIR 33/2000 Það byrjaði með fylliríi í bekkjarpartíi Forvarnarvika í skólum í Skagafirði „Það er kominn föstudagur í þig, það er greinilegt á öllu", heyrist gjarnan sagt þegar helgin nálgast og fólk er sýnilega á þeim buxun- um að fara „út á lífið". Og þegar föstudagurinn rennur upp er yðulega byrjað að kynda undir því að fólk fari nú út að skemmta sér og stundi öldurhúsin, hvert á að fara í kvöld?, þessi áróður dynur í síbylju til að mynda á útvarpsrásunum. - Já yfirleitt byrjar þetta með þessum helgarspenningi, sem ungling- amir verða virkir þátttakendur í áður en þeir vita af og gjarnan er það hópsálin sem hefur þar stærstu áhrif. Og sé áfengi haft um hönd, sem því miður virðist vera reyndin í miklum meirihluta tilfella, þá er það skattlagning þessarar kvöldskemmtunar sem bíður, timburmennimir daginn eftir. Þannig getur þetta helgarmunstur endurtekið sig helgi eftir helgi og hjá mörgum verður það þannig að það teygist alltaf meir og meir úr „helgardjamminu" þannig að helgin dugar varla orðið til og þá fer að verða vandamál að mæta í vinnuna eða skólann á mánu- dagsmorgun. - Já brennivínið og það munstur sem því fylgir er lúmst og algent að fólk sem háð er orðið víndrykkju beiti sig ýms- um blekkingum. Hver kannast ekki við að hafa heyrt t.d. þá kenningu að þetta sé nú varla neitt vandamál meðan fólk geti stundað sína vinnu. Og sumir segja, ja bjórinn er nú meinlaus og rauðvínið, en ég er nú alveg steinhætt í sterku vín- unum. Og svo er það þetta bölvaða dóp sem er svo voðalegt. „Tvískinningur" kann einhver að segja og eru það orð að sönnu. í nokkurn tíma hefur verið reynt að byggja upp markvissar forvamir gegn ofneyslu áfengis og vímuefna í þessu landi. Og þar hafa menn haft bæði minni og stór áform á prjónunum, s.s. eins og samstarfshópurinn „Island án eiturlyfja." Hér á svæðinu, Norðurlandi vestra, hefur ýmislegt verið gert til að stuðla að forvörnum á undanförnum árum. Nú í haust var hrint af stað verkefni tengdum forvörnum í skólum í Skagafirði og er meiningin að gera þar ýmsa hluti í vet- ur. Til að mynda verður efnt til verð- launasamkeppni í skólanum, þar sem leitað verður eftir slingum slagorðum og ýmsu öðru ganglegu. Þegar eru far- in að berast vilyrði fyrir verðlaunum í þessa keppni, s.s. frá Ólafshúsi á Sauð- árkróki sem lofar 20 þúsundum króna. Fjölbrautaskóla Norðurlands vestra ætlar einnig að taka vel á forvarnarmál- unum og skólamir í Skagafirði í sam- vinnu við lögregluna efndu til fræðslu- funda á svæðinu í liðinni viku. Þar var sýnd fræðslumynd og efnt til umræðna á Hofsósi og Sauðárkróki. Á Hofsósi komu nemendur9. og 10 bekkjarHofs- ósskóla og Varmahlíðarskóla og einnig mættu foreldrar krakkanna á sérstakan fræðslufund. Sá háttur var einnig hafð- Það getur líka verið skemmtilegt að hlusta á jafn alvarlega hluti eins og fræðsluerindi um skaðsemi áfengis og vímuefna. ur á á Sauðárkróki, en þar voru tveir fundir með nemendum Arskóla og sömuleiðis með Fjölbrautaskólanem- um. A þessa fundi komu 295 nemendur og 110 foreldrar. Auk sýningar fræðslumyndarinnar „Hættulegur hraði" talaði af reynslu sinni 24 ára gömul kona sem frá 13 ára aldri gekk þennan veg sem því miður alltof margir lenda á. Þetta byrjaði með filliríi í bekkjaipartíum og það leiddi síðan til enn meiri drykkju. Og til að geta drukkið enn meira prófaði hún 16 ára gömul eitt gramm af hassi og fór strax úr því í sterkari efnin, tók „allan pakkann" ef svo má segja. Hún fjar- lægðist snemma á þessu ferli foreldrana og vinina úr skólanum en fór að um- gagnast hóp harðra fýkla, sem margir hverjir eru inni í fangelsum eða á sjúkrastofnunum í dag. Hilda Jóna Gísladóttir er aðeins önnur tveggja úr 25 manna hópi sem hún umgekkst sem mest, sem hefur sagt skilið við áfengið og dópið. Hún fór í meðferð sem bar ár- angur á árinu 1994, og hún segist vera mjög ánægð yfir því að hafa náð því takmarki að nú er hún búin að vera als- gáð í lengri tíma en sukkið og ruglið tók frá henni í lífinu. Það var greinilegt að saga Hildu Jónu hafði mikil áhrif á nemendur Fjöl- brautaskólans á fundinum sl. fimmtu- dag, enda kom hún máli sínu mjög skemmtilega á framfæri og var greini- lega heiðarleg í sinni umfjöllun, reyndi ekki á neinn hátt að fegra sinn þátt og tók á sig alla ábyrgð hvað varðar þenn- an kafla lífsins sem hún var að lýsa. Arni Pálsson rannsóknarlögreglu- maður sagði einnig nokkur vel valin orð og brá meðal annars á leik og lýsti nokkrum karakterum sem ýmsir kann- ast við. Það voru böllin í Miðgarði þar sem Ámi sagði að þessa karaktera væri m.a. að finna og leitaði álits Fásara á því. Alltaf jafn erfitt Aðspurð sagði Hilda Jóna að það væri alltaf jafn erfitt að tala svona af reynslu sinni, og vegna þeirra eyðilegg- ingaáhrifa sem áfengis- og dópneyslan olli henni rekur hana oft í vörðurnar og þá þurfa áheyrendur að hjálpa til. Hilda sagði að síðasta greindarpróf hefði sýnt að þetta væri þó að lagast, en þá voru tvö af fimm svæðum í heilanum sem höfðu „dottið út" að skila sér til baka. „Mér finnst krakkarnir sýna þessu mjög mikinn áhuga og góð viðbrögð á fundum, reyndar fannst mér heldur minna spurt núna en á fundunum með grunnskólanemunum í gær. Og á for- eldrafundunum er mjög mikið spurt. Þeir vilja mjög gjaman fá að fræðast um þessa hlið og ég skynja það að foreldr- ar vilja vera góðar fyrirmyndir", segir Hilda Jana Gísladóttir. Þorkell Þorsteinsson aðstoðarskólameistari FNV, Árni Pálsson rannsók- narlögreglumaður og Hilda Jana Gísladóttir 24 ára háskólanemi á Akureyri sem sagði frá reynslu sinni af ofnotkun áfengis og vímuefna. Vöruflutningar Sauðárkrókur - Skagafjörður Daglegar ferðir Vörumóttaka í Reykjavík hjá Aðafflutningum Héðinsgötu 2 Sími 581 3030 Bjarni Haraldsson sími 453 5124.

x

Feykir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Feykir
https://timarit.is/publication/1151

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.