Feykir - 11.10.2000, Blaðsíða 2
2 FEYKIR 34/2000
Mikil stemmning í
Víðidalstungurétt
Mikil og góð stemmning var
í Víðidalstungurétt sl. laugardag
en þar voru um 800 hross rekin
til réttar. Þorvarður Guðmunds-
son ferðamálafulltrúi Húnaþings
vestra treysti sérekki til að giska
á um fjölda réttargesta, en telur
að um þriðjungi fleiri hafi nú
mætt í réttina en öllu jöfnu.
Þorvarður þakkar góðu veðri
aðsóknina, velheppnaðri kynn-
ingu, sem hafi skilað sér, og orð-
ið til þess að aðkomufólk var
mun fleira en jafnan. Þá var
þónokkur tjöldi sem tók þátt í
smalamennskunni og gisti hjá
ferðaþjónustuaðilum á svæðinu.
Víðidalstungurétt og Lauf-
skálarétt hafa venjulega verið
sama dag, en svo var ekki nú og
er meiningin að þannig verði
það á næstu árum. Væntanlega
verður það fyrirkomulag til að
lengja vertíðina hjá því fólki
sem lifir og hrærir í félagsskapn-
um við hross og menn og sækir
stóðréttirnar stíft.
Orðsending til
kántrýunnanda
Eins og flestum unnendum
sveitatónlistar er kunnugt er rétt
ár síðan sendingar hófust urn
Skagafjörð frá Utvarpi Kánrý-
bæjar á Skagaströnd. Utsending-
um þessum hefur verið mjög vel
tekið og njóta sívaxandi vin-
sælda. Sent er út á tíðninni FM
102,1. Víðast hvar í Skagafirði
heyrast þessar útsendingar
þokkalega, þrátt fyrir ýmsa byrj-
unarörðugleika. Því miður
reyndist ekki mögulegt að senda
út í sterio sökum mikilla truflana
og minnkandi sendistyrks,
þannig að í dag eru þessar send-
ingar í mono. Tekið er á móti
merkjum frá sendi sem staðsett-
ur er á Blönduósi, um móttöku-
búnað á Hofsósi og þaðan er svo
sent um Skagafjörð. Til greina
kom að nota Ijósleiðara, en horf-
ið var frá því sökum mikils
kostnaðar, en slik flutningsleið
er tmflanalaus og verður eflaust
notuð í framtíðinni.
Upphaflega var gert ráð fyr-
ir að framkvæmd þessi kostaði
um tvær milljónir og tóku undir-
ritaðir, Björn Mikaelsson og
Omar Kjartansson, að sér að út-
vega fé til verksins. Leitað var til
stofnana, fyrirtækja og einstak-
linga og gekk nokkuð greiðlega
að útvega um helming fjárins. A
eftirstöðvarnar hafa safnast
vextir, þannig að enn vantar
rúmlega eina milljón króna til að
ná endum saman. Tekjur af
þessu útvaipi eru hinsvegar
sáralitlar og mætti benda fyrir-
tækjum og stofnunum í Skaga-
firði og víðar á að þetta er ákjós-
anlegur miðill til að auglýsa
vöru sína og þjónustu. Hlustun-
arsvæðið er nánast allt Norður-
land vestra og Strandir að auki.
Um leið og undirritaðir
þakkar þeim fyrirtækjum og ein-
staklingum sem lögðu þessu lið,
þá heitum við á Skagfirðinga að
geraenn betur, þannig að sveita-
tónlistin megi heyrast um
Skagafjörð um ókomin ár, okk-
ur öllum til ánægju og yndis-
auka. Þar af leiðandi hefur ver-
ið opnaður reikningur í Búnað-
arbankanum á Sauðáikróki og er
þeim sem vilja styrkja þetta
framtak bent á þann reikning, nr.
101021.
Með kántrýþökkum og
kveðjum. Björn Mikaelsson.
Omar Kjartansson.
í hádegishléi ráðstefnunnar á Hóluni var boðið upp á girnilegt veisluborð er hafði að
geyma allar eldistegundur sem framleiddar eru hér á landi, og var það fjölbreytt ílóra
frá ýmsum matvælafyrirækjum í landinu, matreidd af meistarakokkum Hólaeidhússins.
Mynd/Sigurður Bogi.
Fiskeldið tíl umfjöllunar á Hólum
„Fiskeldi á Islandi er í mikilli
í sókn og á eftir að verða grein
sem menn hafa trú á. Framleiðsl-
an mun aukast og menn hafa
ýmsar áætlanir áprjónunum. Þó
er ljóst að fjárfestar bíða ekki í
röðum. Þetta kom fram á ráð-
stefnu í byrjun síðasta mánaðar
sem Hólaskóli og fiskeldisfyrir-
tækið Máki stóðu fyrir um um-
framtíðarhorfur og fjárfestinga-
möguleika í fiskeldi á Islandi Þar
fjölluðu sérfræðingar um þróun
og framtíðarmöguleika í fískeldi
og farið var í kynnisferð í fisk-
eldisstöð Máka í Fljótum. I há-
deginu var boðið upp á glæsilegt
og gimilegt hlaðborð með öllum
íslenskum eldistegundunum.
Fyrsti frummælandi á fund-
um var Vigfús Jóhannsson fram-
kvæmdastjóri Stofnflsks og for-
maður Landssambands fískeld-
isstöðva og forseti Alþjóðasam-
taka laxeldisframleiðenda. Vig-
fús sagði framleiðslu í íslensku
fiskeldi muni stórlega aukast á
allra næstu árurn og greinin sé
að komast á beinu brautina að
nýju, eftir skakkaföll á árunum í
kringum 1990. Arsframleiðsla á
laxi á Islandi er í dag í kringum
fjögur þúsund tonn, en verður
eftir fimm ár komin í 10.000
tonn. Arlega vex framleiðsla í
greininni um 7% og í sumum
löndum jafnvel enn hraðar.
„Umræða í fjölmiðlum og við-
horf gagnvart fískeldi hér á landi
hafa gjörbreyst, til dæmis hvað
varðar umhverfismál og annað
slíkt. Við þurfum að opna grein-
ina og það er líka æskilegt, því
við höfum ekkert að fela. Lax-
eldi og sjávarútvegur eru greinar
sem eru að samtvinnast í æ rík-
ara mæli,” sagði Vigfús Jó-
hannsson ennfremur.
Tæknin er byggir á endumýt-
ingarkefmu sem flskeldisfyrir-
tækið Máki hefur verið að þróa í
kringum barraeldið og vel gæti
nýst við eldi annarra tegunda,
kom mikið við sögu á ráðstefn-
unni. Við þessa vinnu og eldistil-
raunir hefur fyriitækið notið lið-
sinnis sjóða Evrópusambands-
ins, en EBS hefur styrkt þessi
verkefni. Helmingur þessara
EBS-verkefna sem Islendingar
hafa unnið að eru í Skagafírði, í
gegnum starf Máka og rann-
sóknarstarf hefur einnig farið
fram á Hólum.
Orri Hlöðversson fram-
kvæmdastjóri Hrings Atvinnu-
þróunarfélags Skagafjarðar seg-
ir fmmkvöðla í íslensku atvinnu-
lífi geta leitað í ýmsa sjóði Evr-
ópusambandsins og flóra þeirra
sé í raun ótrtilega fjölbreytt. Orri
leggur þó áherslu á að sjóðir
Evrópusambandsins séu engin
gullnáma og styrkveitingar úr
þeim ströngum skilyrðum háðar.
„Það hefur enginn orðið ríkur á
því ennþá að fá styrki frá Evr-
ópusambandinu og mikið þarf
að hafa fyrir þessum peningum.
I mínum huga er helsti ávinning-
urinn sá að menn geta með
svona verkefnum öðlast sam-
bönd og samstarf erlendis sem
getur gagnast þeim með ýmsum
hætti, til dæmis ýmiss konar
rannsóknaraðstoð og þekking.
En menn skulu hins vegar ekki
líta svo á að hægt sé að fá styrki
frá ESB til þess að redda launum
um næstu mánaðamót”, segir
Orri.
I hengs manns húsi
„Þó íslenskir fískeldismenn
séu nú fullir bjartsýni og með
ýmsar tölur og áætlanir, sem
sýna að innistæða er fyrir slíku,
þá hlýtur afstaða fjárfesta öllu að
ráða um hvort uppbygging verð-
ur í greininni á næstu áruni.
Segja má að til skamms tíma
hafl það verið eins og að nefna
snöru í hengds manns húsi þeg-
ar leitað hefur verið eftir pening-
um til þessarar atvinnugreinar,
en nú er þetta að breytast.”
Snorri Pétursson hjá Nýsköpun-
arsjóði atvinnulífsins segir að á
árunum 1990 og fram til 1998,
þegar hann starfaði hjá Iðnþró-
unarsjóði, hafi fiskeldi verið
nánast bannorð, svo illa hafi
menn verið brenndir eftir þau
skakkaföll sem urðu í greininni
undir lok níunda áratugsins.
Snorri segir að á síðustu
árum hafi viðhorflð gagnvart
fiskeldinu breyst og menn séu
nú aftur farnir að horfa til flsk-
eldis sem greinar er eigi framtíð
fyrir sér. Hann sagði það þó vera
morgunljóst að fjárfestar biðu
ekki í röðum eftir því að geta
lagt peninga sína í fiskeldi. At-
vinnugreinin væri langtíma-
dæmi í eðli sínu og arðurinn
kæmi seint. í dag væru flestir
stæn i fjárfestar, eins og til dæm-
is lífeyrissjóðir. að Ieita eftir
verkefnum sem skiluðu ein-
hverju í aðra hönd að tveimur til
þremur árum liðnum. Þegar
meira jafnvægi kæmist á íslenskt
efnahagslíf færu menn e. t. v. að
marka stefnu í fjárfestingum til
enn lengri tíma og þá yrðu vænt-
anlega bjartari tímar framundan
í fiskeldi, segir Snorri.
Óháð fréttablað á Norðurlandi vestra
Kemur út á miðvikudögum. Útgefandi Feykir hf.
Skrifstofa: Ægisstíg 10. Sauðárkróki. Póstfang: Box 4,
550 Sauðárkróki. Símar: 453 5757 og 453 6703.
Myndsími 453 6703. Farsími 854 6207. Netfang:
feykir @ krokur. is. Ritstjóri: ÞórhallurÁsntundsson.
Fréttaritari: Örn Þórarinsson.
Blaðstjórn: Jón F. Hjartarson. Guðbrandur Þ. Guð-
brandsson, Sæmundur Hennannsson, Sigurður
Ágústsson og Stefán Ámason.
Áskriftarverð 170 krónur hvert tölublað með vsk.
Lausasöluverð: 200 krónur með vsk. Setning og
umbrot: Feykir. Prentun: Hvítt & Svart hf.
Feykir á aðild að Samtökum bæja- og héraðs-
fréttablaða.