Feykir


Feykir - 01.11.2000, Blaðsíða 4

Feykir - 01.11.2000, Blaðsíða 4
4FEYKIR 37/2000 „Heyrist oft hressilega í mönnum þegar þolinmæði þeirra er á þrotum" segja Sveinn Anton og Ágúst skipverjar á Málmey sem vilja létta dagskrána á Langbylgjunni „Já það er alveg óhætt að segja það að mórallinn um borð fari oft eftir því hvað er í útvarpinu. Það heyrist oft í einum skipverjanum, Sigga Kára, „nú það er að koma helgi", og þá meinar hann dagskrána á Lang- bylgjunni, en hún er ennþá verri um helgar en á virkum dögum", segir Sveinn Anton Jensson skipverji á Málmey en hann er ásamt Ágústi Marinóssyni í forustu fyrir því að áhafnir flotans sameinist í hvatningu til forsvarsmanna Ríkisútvarpsins um að bæta dagskrá Langbylgjunn- ar. Sjómönnunum finnst Langbylgj- an vera með alltof þungt efni. Klass- ísk tónlist allsráðandi í dagskránni og mikið um endurtekna þætti, sem séu óþolandi fyrir þá sem standa vaktir bæði seint og snemma. „Ef maður er á nætur og dagvakt þá sleppur þetta sæmilega, en afleitt á morgun- og kvöldvöktum. Þetta er óþolandi sumt af þessu efni sem þeir hafa verið að senda út. Unl daginn hlustaði ég tvisvar á hundleiðinlegan viðtalsþátt og svo voru þeir í haust með fjóra þætti af einhverri vindhátíð í Reykjavík", segir Sveinn. „Eg veit ekki hvað þeim kemur til að halda að við sjómenn séum eitthvað sérstaklega náttúraðir fyrir klassíska tónlist, og ef við hefðum nú smekk fyr- ir hana, þá er náttúrlega vonlaust að njóta þessarar tónlistar í skarkalanum sem er við vinnuna úti á sjó. Þetta er engan veginn tónlist sem hentar vinn- andi fólki. Mér skilst að séu líka ein- hverjir sveitabæir sem ná ekki öðru en Langbylgjunni, en maður hefði þá haldið að það fólk vildi frekar hlusta á Álftagerðisbræður eða einhverja þannig tónlist", segir Agúst. „Já það heyrist oft hressilega í mönn- um þegar þolinmæði þeirra gagnvart út- varpinu er á þrotum. „Það væri réttast að henda helvítis hátalarnum í sjóinn", sagði Nonni Alla þegar sonfonían var að ær'ann. Eg veit ekki um einn sem er ánægður með þetta og það er náttúrlega grundvallaratriði að menn hafi einhverja góða dægurtónlist til að dreifa huganum við vinnuna á dekkinu", segir Sveinn. Agúst segir að sjómönnunum hafi skilist það á sínum tíma þegar Lang- bylgjusendi á Gufuskálum var komið upp að nú ætti að koma upp sérstöku útvarpi fyrir sjómenn, enda væri um mjög stóran hóp að ræða sem þyrfti á útsendingum Langbylgunnar að halda, sjálfsagt milli tvö og þrjú þúsund manns, áhafnir allra úthafsveiðiskip- anna, fragtskipa, varðskipa og rann- Sveinn Anton Jónsson og Ágúst Marinósson skipverjar á Málmey, en þeir eru forkólfar fyrir áskorun til Rúv um að bæta Langbylgjudagskrána. sóknarskipa. „Þegar við erum komnir 40-50 míl- ur út þá hverfur FM sambandið og úr því verðum við að treysta á Langbylgj- una. Það er okkur óskiljanlegt afhverju dagskráin er svona uppbyggð. Það væri auðvitað réttast að gerð yrði könn- un á smekk sjómanna fyrir útvarpsefni, en ég er ekki í nokkrum vafa um að það sem sjómenn vilja er meira léttara efni af Rás 2 og við erum líka mjög mikið fyrir góða spjall- og viðtalsþætti, þó okkur finnist óþarfi að endurtaka þá. Við viljum meina að það geti varla verið mikið mál fyrir þá hjá RÚV að laga dagskrána og sníða hana meira að þörfum sjómanna", sagði Ágúst Mar- inósson. Það skal í þá annað hvort í dúr eða moll Á heimasíðu Krókur.is/Hrappur, en svo kallar Sveinn Anton sína heima- síðu, er ýmislegt efni, svo sem tengt baráttunni fyrir bættri dagskrá á Langbylgunni. Þar er m.a. grein eftir Agúst Marinósson, og birtast hér glefsur úr henni. RÚV hefur þótt vera fremur íhalds- samt þegar dagskráin er annars vegar. Ekki man ég nákvæmlega hvenær Rás tvö hóf útsendingar, en líkiega eru ein fimmtán ár síðan. Þótti það mikil fram- för ekki síst fyrir yngra fólk sem var langþreytt á tónlistarsmekk þeirra sem réðu ríkjum hjá útvarpinu. Síðan út- varpstöðvum fjölgaði hef ég grun um að fólk undir fimmtugu hlusti ekki á dagskrá Rásar eitt, nema í neyðartilvikum. Dagskrá RÚV er send út á FM bylgjum, báðar rásir. Nást þær sending- ar um meginhluta landsins. Hefur mér verið sagt að innan við eitt hundrað manns með fasta búsetu nái ekki FM sendingum á landinu sjálfu. Þessar sendingar nást einnig á flestum grunn- miðum hringinn í kring um landið og víðast hvar út undir fjörutíu til fimmtíu mílur frá landi. Á nokkrum stöðum eru þó eyður þar sem illa eða ekki heyrist í útvarpi. Dagskráin er einnig send út á Langbylgju þar sem blandað er saman efni af báðum rásunum. Nú er það svo að töluverður hluti fiskiskipaflotans er að veiðum utan við áðumefnd mörk. Stór hluti togaraflot- ans, loðnuskipin, djúprækjuskipin og kolmunnaskipin að ógleymdum flutn- ingaskipum, rannsóknarskipum og varðskipum. Flest eru þetta stór skip með fjölmennar áhafnir í ferðum sem standa vikum og mánuðum saman. Má í því sambandi nefna veiðar á fjarlæg- um miðum eins og Barentshafi, Flæm- ingjagrunni og fleiri hafsvæðum. Þama eru einhver hundmð manna að staðaldri á fjarlægum slóðum þar sem FM send- ingar RÚV ná ekki til. Eini möguleiki þessa fólks að heyra í útvarpi, er að hlusta á langbylgjusend- ingar RÚV Eftir að nýir sendar vom settir upp á Gufuskálum og Eiðum hafa skilyrði stórbatnað. Má segja að mann- sæmandi útvarpsskilyrði séu á flestum hafsvæðum við landið og víða á fyrr- nefndum úthafssvæðum. Það er bara einn galli á gjöf Njarð- ar. Dagskráin sem sjómönnum er boð- ið upp á hentar þeim ekki að öllu leyti. Hvaðan kemur forráðamönnum RUV sú viska að sjómenn séu öðmm lands- mönnum fremur náttúraðir fyrir sígilda tónlist'? Hvað kemur þeim til að halda að sjómenn vilji fremur hlusta á dag- skrá Rásar eitt en Rásar tvö? Undirrit- aður hefur verið á sjó í fimmtán ár og alltaf er það jafnsígilt hjá sjómönnum að skeyta skapi sínu á „Gufunni" fyrir lélega dagskrá Þegar nýi sendirinn á Gufuskálum var tekinn í notkun var talað um að senda ætti út svokallaða sjómannadag- skrá á langbylgjunni. Ef núverandi fyr- irkomulag á að gilda sem sjómannaút- varp þá tel ég vera kominn tíma til að biðja Guð að hjálpa sér. Á nóttunni er sent út á Langbylgju, lért tónlist og endurteknir spjallþættir af báðum rásum. Eftir það er útvarpað efni sitt á hvað af báðum rásum allan daginn. Skiptingar em ómarkvissar og stundum er skipt inni í miðjum þætti. Það sem vekur mesta óánægju meðal sjómanna sem em trúlega stærsti hlust- endahópur Langbylgjunnar, em útsend- ingar á svokallaðri sígildri tónlist, meira og minna allan daginn Þetta er ýmiss konar tónlist, hannonikkutónlist, tón- list frá fyiri öldum, ópemr, atómtónlist nútímatónlist, bara að nefna það. Mest af fyrrnefndri tónlist á það sammerkt að til þess að njóta hennar þarf fólk að vera menntað í tónlist og kunna að hlusta og hafa næði til að hlusta Flestir sjómenn hafa því miður ekki hlotið slíka mennt- un og ekki er fyrirhugað að taka upp slíkt nám í Slysavarnarskóla sjómanna. Steininn tekur úr þegar slíkir þættir frá deginum em svo endurteknir eftir miðnætti. Slík endurtekning á þessari tormeltu og stundum óskiljanlegu tón- list minnir mig stundum á sígildu skop- söguna um skítkokkinn sem heyrist tauta yfir eiturbrasinu sínu: Það skal í þá, þaðskal íþá! Flestir sjómenn á vinnsluskipum dvelja að mestu leyti á vinnsluþilfari á sínum vinnuvöktum allan sólarhring- inn. Flestir hafa heymarhlífar með inn- byggðum móttakara fyrir útvarp frá skipinu. Útvarpið er þeirra tenging við samfélagið. Það er þeim mikilvæg and- leg afþreying í löngum og þreytandi veiðiferðum. Að útvarpa sliicri tónlist fyrir þennan þjóðfélagshóp í þeim mæli sem gert er, flokkast undir andlegar misþyrmingar á þeim sem síst skyldi vegna þess að við sjómenn getum ekki skipt á aðra stöð, við höfum baraLang- bylgjuna.

x

Feykir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Feykir
https://timarit.is/publication/1151

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.