Feykir - 29.11.2000, Blaðsíða 3

41/2000 FEYKIR 3
Verkefnið Norðurlandsskógar sem nær til 40 ára
Margar umsóknir af Norðurlandi vestra
Svo er að sjá sem mikill áhugi sé fyrir verkefninu Norðurlandsskógum sem
stofnað var til á þessu ári. Það er hugsað sem aukabúgrein fyrir bændur og
einnig geta tekið þátt í því landeigendur sem ekki em með búskap. Verk-
efnið, sem er til 40 ára, hefúr það að markmiði að rækta upp skóg á 5% lág-
lendis á Norðurlandi allt frá Hrútafjarðará og austur á Langanestá, en lág-
lendi nær allt upp í 400 metra hæð samkvæmt markmiðs-lýsingu verkefn-
isins. Bændur og landeigendur á Norðurlandi vestra sýna Norðurlands-
skógunum mikinn áhuga, af um 130 umsóknum eru 19 úr Húnaþingi
vestra, 17 úr Austur - Húnavatnssýslu og 27 úr Skagafirði. Þorvaldur Böðv-
arsson formaður Skógræktarfélags Vestur-Húnavatnssýslu er fulltrúi skóg-
ræktarfélaganna í Norðurlandsskógum, en stjómarformaður er Stefán Guð-
mundsson sveitarstjómarfulltrúi og fyrrv. alþingismaður Sauðárkróki.
I Skagafirði er verkefninu sýndur mikill áhugi, en 27 umsóknir eru frá
Skagfirðingum sem hér eru að planta Aldamótaskógi á liðnu sumri.
„Mér lýst mjög vel á þetta verkefni.
Til þess hefur verið tryggt fjármagn af
fjárlögum ríkisins og áhugi fyrir verk-
efninu er greinilega mikill. Það kom
strax fram á fundum sem við héldum í
hverri sýslu hér fyrir norðan í maí-
mánuði í vor. Þar tókum við niður
nöfn þeirra sem áhuga sýndu, en þeir
sem skiluðu inn umsóknum fyrir 15.
ágúst hafa forgang í þessu verkefni, og
vom það milli 80 og 90 aðilar. Og það
er eftirtektarvert hvað áhuginn er
mikill hér á Norðurlandi vestra”, segir
Þorvaldur.
Aðspurður segir Þorvaldur að
stuðningur Norðurlandsskóga við
þátttakendur í verkefninu sé umtals-
verður, en 97% kostnaðarins er
greiddur; það er kaup á plöntum, jarð-
vinna og gróðursetning, áburðargjöf
og grisjun. A móti kemur að þegar
skógurinn fer að skila arði, hvenær
sem það verður, að þá rennur 15%
arðsins til verkefnissjóðsins, þó ekki
innan 40 ára verkefnistímans.
Framlög til Norðurlandsskóga á
þessu ári em 25 milljónir, á næsta ári
verða þau 50 milljónir, 120 milljónir
2002, 180 milljónir 2003 og framlög-
in komast í hámark árið 2004, 230
milljónir, og verður það árlegt fram-
lag af fjárlögum út 40 ára verkefnis-
tímann, en gert er ráð fyrir að þá verði
verkefnið orðið sjálfbært.
Þorvaldur Böðvarsson fulltrúi skóg-
ræktarfélaganna í verkefninu Norður-
landsskógar.
Mikill áhugi í Húnaþingi
vestra
Þorvaldur segir að mikill áhugi sé
fyrir skógrækt í Húnaþingi vestra. Síð-
asta sumar var plantað um 15.000
trjám og fór gróðursetning fram vítt
um héraðið. Skógræktarfélagið er nú
að festa kaup á vél sem verður til taks
næsta vor. Hún kemur til með að auð-
velta skjólbeltagerð, þar sem hún
leggur plast ofan á gróðurretinn.
Plöntunum er síðan stungið niður í
gegnum plastið sem heldur raka og
hita í jarðveginum og hindrar það
einnig að grasfræ og annar gróður geti
sáð sér í reitinn. Plastið bætir þannig
uppeldisskilyrði trjáplöntunnar og
eykur stórlega líkumar fyrir því að
plantan hafí betur í viðureiginni við
annan gróður og nái að vaxa upp.
Fundaðum
sameining-
armálin í
Húnaþingi
Húnvetningar ætla að
funda um sameiningarmál í
félagsheimilinu á Blönduósi
nk. þriðjudagskvöld. Frum-
mælendur á fundinum verða
Guðmundur Haukur Sigurðs-
son oddviti Húnaþings vestra,
Valgarður Hilmarsson oddviti
Engihlíðarhrepps, Skúli Þórð-
arson bæjarstjóri á Blönduósi,
Magnús B. Jónsson sveitar-
stjóri á Skagaströnd og Jóhann
Guðmundsson oddviti Svína-
vatnshrepps.
Fundarstjóri verður Jó-
hannes Torfason og fyrir-
spumir og umræður verða að
loknum framsöguerindunum.
Fundurinn er öllum opinn og
vonast er til að sem flestir
mæti, segir í tilkynningu
vegna fundarins.
MARKAÐSREIKNINGUR BÚNAÐARBANKANS
Hefurðu kynnt þér kosti markaðsreiknings Búnaðarbankans?
Lágmarksinnistæða er 500 þúsund. Hvert innlegg er bundið í
10 daga. Innistæða ber vexti í samræmi við upphæð innistæðu
á hverjum tíma.
Af 0,5 milljónum 10,75%
Af 1,5 milljónum 11,00%
Af 3,0 milljónum 11,25%
Af 20 milljónum og yfir 11,50%
MARKAÐSREIKNINGUR trvggir þér góða vexti.
BIJNAÐARBANKI ÍSLANDS HF
ÚTIBÚIÐ Á SAUÐÁRKRÓKI
Afgreiðslurnar Hofsósi og Varmahlíð