Iðjuþjálfinn - 01.06.2002, Blaðsíða 21
Elsa B.
Þorvaldsdóttir
Iðjuþjálfun á Heilbrigðis
stofnun Þingeyinga
1. september 2001 hóf undirrituð störf við Heil-
brigðisstofnun Þingeyinga. Hér hafði í litlu mæli
verið starfandi iðjuþjálfi áður, þannig að fáir virt-
ust vita mikið um störf iðjuþjálfa. Svo nú var bara
að bretta upp ermamar og kynna störf iðjuþjálfa
og fá fólk til þess að átta sig á því að iðjuþjálfar
eru þarfaþing, hvort sem það er innan heilsugæslu,
skólakerfisins eða félagsþjónustunnar.
Eitthvað vafðist fyrir mönnum hvar ætti að stað-
setja mig og á tímabili leit út fyrir að það yrði
langt frá öllum „mannabyggðum", síma og
tölvulaus en ef svo hefði orðið er stór spurning hvað
ég hefði stoppað lengi... Þegar ég bar fram kvörtun var
gripið á það ráð að setja mig inn á skrifstofu fram-
kvæmdastjórans, þar sem hann var í barnseignarfríi.
En þegar menn sáu skrifstofuna fyllast af boltum,
dýnum, spilum og litum leist þeim ekki á blikuna þar
sem að þetta var nú einu sinni skrifstofa fram-
kvæmdastjórans en ekki leikfangasafn!!
Á elleftu stundu fann fjármálastjórinn lausn á
þessu máli og var nú iðjuþjálfinn settur inn á skrif-
stofu á heilsugæslustöðinni sem tilheyrir ungbarnaeft-
irlitinu. Þetta eru tvö samliggjandi herbergi sem eru
bara notuð einu sinni í viku við ungbarnaeftirlit. Ann-
að herbergið er nýtt sem biðstofa. Þetta var einkar góð
lausn, þar sem að ég fékk nú bæði skrifsstofu og her-
bergi sem ég get notað til hreyfiþjálfunar. Á fimmtu-
dögum þegar ungbarnaeftirlit er, þarf ég að fara úr
herberginu en þá er ég með starfandi hóp og þarf
minna á herbergjunum að halda. Þetta er einkar góð
En þegar menn sáu skrifstofuna fyllast af
boltum, dýnum, spilum og litum leist þeim ekki
á blikuna þar sem að þetta var nú einu sinni
skrifstofa framkvæmdastjórans en ekki leik-
fangasafnl!
lausn þar sem iðjuþjálfinn þjónar bæði fólki út í bæ og
fólki inniliggjandi á deildum. Nú er ég í góðu sam-
bandi við fólkið sem starfar á heilsugæslunni, lækn-
ana, ritarana og starfsfólkið uppi á deildum þannig
hef ég góða yfirsýn yfir starfsemina á sjúkrahúsinu.
Ég segi nú þessa sögu vegna þess að mér fannst
erfitt að byrja á Heilbrigðisstofnun Þingeyinga sem ný
og hvað þá sem „ný" starfsstétt. Það er mikilvægt að
tekið sé vel á móti nýju fólki, allavega búið að finna út
hvar á að staðsetja viðkomandi. Það getur haft allt að
segja um framhaldið.
Ég kom frá mjög litlum og heimilislegum vinnu-
stað og fékk eiginlega áfall fyrstu vikumar hér og
þakkaði fyrir að hafa aldur, reynslu og fyrri störf á
bakinu. Mér fannst ég svo skelfilega ein. En eftir
nokkrar erfiðar vikur í byrjun hefur fólk reynst mér
einkar vel og verið einstaklega jákvætt og gott við
mig. „Sígandi lukka er best".
Starf mitt sem iðjuþjálfi við
Heilbrigðisstofnun Þingeyinga
Heilbrigðisstofnun Þingeyinga þjónar stóm svæði,
allri Norður- og Suður- Þingeyjarsýslu. Á því svæði
em 6 heilsugæslustöðvar og þar búa rúmlega 5000
manns. Ég er í 75 % starfi sem iðjuþjálfi og sinni báð-
um deildum sjúkrahússins þ.e.a.s. öldrunardeild og
almennri deild. Eins er ég til staðar fyrir fólk sem teng-
ist heilsugæslunni hér og öllum þeim stöðum sem
heyra undir Heilbrigðisstofnun Þingeyinga. Ég vinn
einnig með börnum í leik- og grunnskólum sveitarfé-
lagsins í náinni samvinnu við Félags- og skólaþjón-
ustu Þingeyinga. í raun er þetta ansi yfirgripsmikið og
ef vel ætti að vera sé ég fyrir mér að í framtíðinni þyrf-
tu að vera hér tvær stöður fyrir iðjuþjálfa ef veita á
góða þjónustu. Eins þyrfti að ráða iðjuþjálfa á Hvamm
sem er heimili fyrir aldraða tengt sjúkrahúsinu en rek-
ið af sveitafélögunum.
Þegar um einn iðjuþjálfa er að ræða í svona samfé-
lagi út á landi þarf hann að geta unnið með ansi breið-
um hóp. Það þýðir lítið að ætla sér bara að vinna með
ákveðinn hóp eins og bara með fullorðnum eða bara
börnum. Enda hef ég aldrei áður unnið með 7 mánaða
gamalt barn og nírætt gamalmenni á sama tíma. Þetta
gerir starfið litríkt og fjölbreytt.
Þegar ég hóf störf hér gerði ég „statistik" yfir þau
verkefni sem ég vann. I desember hætti ég því en er að
velta fyrir mér að byrja aftur. Það getur verið ágætt að
sjá í hvað tíminn fer og hvort væri hægt að nýta hann
eitthvað betur. Það er í raun ágætis verkfæri til þess að
auka gæði í starfi.
I fyrstu þurfti ég að sinna töluverðu kynningar-
starfi og er í raun ennþá að kynna starf mitt sem iðju-
þjálfi en vil þó helst láta verkin tala. Ég hélt kynningu
fyrir hjúkrunarfræðinga og sjúkraliða á heilsugæsl-
unni byrjun september. Eins hélt ég kynningu fyrir
starfsfólk á Félags-og skólaþjónustunni í september. í
nóvember 2001 hélt ég kynningu á starfi mínu með
börn fyrir kennara í grunnskóla Húsavíkur. f febrúar
hélt ég svo fyrirlestur fyrir slysavarnarkonur og í apr-
íl fyrir starfsfólk á leikskólanum Bestabæ. Eins hef ég
haldið fyrirlestra fyrir ýmsa hópa sem hafa komið á
námskeið á vegum Heilbrigðisstofnunarinnar.
IÐJUÞJÁLFINN 1 / 2002 - 21