Feykir - 15.01.2009, Síða 10

ÍO Feykir 02/2009
Fyrsta barn ársins á Norðurlandi vestra
íinsessa
á Sauöárkróki
Nýársprinsessna er bæði vær og góð. Mynd: Eria Björk
Litla stórfjölskyldan heima i stofu.
Helgi Snævar er góður við litlu systr. Mynd: Erla Björk
Feykir Sveinsson og Erla
Björk Helgadóttir eignuðust
sitt annað barn þann 1.
janúar klukkan 15:32. Fyrir
áttu þau Helga Snævar
fjögurra ára. Lítil prinsessa
leit dagsins ljós og vóg hún
4440 g eða tæpar 18 merkur
og var 56 cm löng svo því sé
nú skilmerkilega haldið til
haga.
Samkvæmt sónar var von á
prinsessunni þann 30.
desember en hún ákvað að
tilheyra frekar 2009 árgang og
lét aðeins bíða eftir sér. -Ég
vaknaði um 10 að morgni
nýársdags með smá seiðing og
hún var komin í heiminn kl.
hálf fjögur, ég sagði nú altaf í
gríni að ég ætlaði að koma
með fyrsta barn ársins en bjóst
samt ekki við því að eiga á
nýársdag, hvað þá fyrsta
Skagfirðinginn, segir Erla og
horfir blíðlega á dóttur sína
sem teygar móðurmjólkina á
meðan á viðtalinu stendur.
Aðspurð segir Erla að það
hafi verið frábær upplifun að
fæða heima á Sauðárkróki.
-Þegar ég átti Helga Snævar þá
missti ég vatnið þremur vikum
fyrir áætlaðan dag og var stödd
á Drangsnesi með Feyki. Ég
var því send með sjúkrabíl á
Akranes þar sem hann fæddist.
Feykir fékk jú að vera
viðstaddur fæðinguna og vera
hjá mér fyrstu nóttina en síðan
fékk hann bara að kíkja í
heimsókn og var ég þar inni í 4
daga. Við vorum svo heppin
að hann á móðurbróður á
Skaganum og gat því gist og
verið hjá honum, annars hefði
hann bara þurft að vera á
hóteli en hjúkkurnar hugsuðu
vel um mig. Hérna var þetta
allt svo heimilislegt. Ég var
eina sængurkonan og var tvær
nætur á sjúkrahúsinu. Á
meðan kom Feykir og fór eins
og hann vildi og gisti báðar
næturnar. Það var voða gott að
geta aðeins hvílt sig eftir
fæðinguna og fengið ráðgjöf
og þjónustu sem í boði er og
svo eru þær eru svo yndislegar
þessar ljósmæður og hjúkkur
hérna, segir Erla. -Miðað við
hvernig allt gekk hjá mér hefði
ég ekki viljað þurfa að keyra
norður á Akureyri á einkabíl
eða skrölta í sjúkrabíl eftir að
ég vaknaði þarna um
morguninn, sérstaklega ekki
ef stelpan hefði verið minni,
þá hefði hún líklega verið fædd
milli 13.00 og 14.00. Hún var
bara svo stór að þetta tók allt
saman aðeins lengri tíma,
bætir hún við.
Helgi Snævar kemur nú inn
í stofu en hann hafði fengið
það miður skemmtilega
verkefni að taka til í herberginu
sínu. Ég spyr hvernig sé að
vera orðinn stóri bróðir? -Já,
ég er orðin það, svarar Helgi
að bragði. -Þegar barnið kom
úr bumbunni varð ég stóri
bróðir, bætir hann við. En
skyldi eitthvað vera hægt að
leika við litlu systur. -Já, já ég
get sýnt henni bangsana. Hún
er stundum reið þá er hún
búin að kúka eða er svöng og
þarf að drekka úr brjóstunum
hennar mömmu, bætir hann
við með allt sitt á þurru.
Feykir sest hjá okkur og
tekur hann undir orð Erlu um
hversu gott það hafí verið að
njóta sængurþjónustu á Heil-
brigðisstofnuninni á Sauðár-
króki. -Jenný og Birgitta voru
með okkur allan tímann fram
að fæðingu, Jenný í fæðingu og
nú kemur hún hingað heim og
tékkar á okkur. Ég get ekki séð
að þessi fæðingarstofa hér sé
svo dýr í rekstri, því trúlega
þurfa þeir að hafa ljósmóður á
staðnum. Það kostar líka sitt,
jafnvel meira, að keyra á milli í
sjúkrabíl. Það eru svo mildu
skemmtilegri tengsl sem
myndast á þessum smærri
stöðum, segir hann.
Þau Feylcir og Erla eru bæði
í fæðingaorlofi og segist Erla
ætla að taka sér ársleyfi. -Ég
alla vega stefni að því núna en
ætla svo sem að hafa mína
hentisemi með þetta, það fer
svolítið eftir því hvað hún
verður lengi á brjósti og
hvenær ég fæ nóg af því að
hanga heima hvort ég fari fyrr
að vinna, segir Erla og hlær.
Ekki mikið stressið á þessum
bænum.
Það er að verða tímabært að
leyfa litlu fjölskyldunni að fá
frið en ég get ekki kvatt án þess
að spyrja þessarar spurningar
sem allar mæður fá og að
sjálfsögðu spyr ég í smá
fullyrðingartón. Er hún ekki
vær? Erla hlær að spurningunni
og er fljót að svara. -Hún er
voða vær og góð, lætur reyndar
alveg í sér heyra ef eitthvað
bjátar á en er líka fljót að þagna
þegar hún er tekin upp. Það
heyrðist aldrei í bróður hennar
og því segi ég að hún láti vel í
sér heyra en gestir segja mér að
láta ekki svona það heyrist
aldrei í þessu barni, segir Erla
að lokum.
Impra á Nýsköpunarmiðstöð íslands auglýsir
Brautargengi
á Sauðárkróki
Namskeið fyrir konur sem vilja hrinda viðskiptahugmyndum i
framkvæmd með nýju eða starfandi fyrirtæki.
Markmiö námskeiðsins er aö þátttakendur:
• skrifi viöskiptaáætlun
• kynnist grundvallaratriðum varöandi stofnun fyrirtækja
• öðlist hagnýta þekkingu á þeim þáttum sem koma að fyrirtækja-
rekstri, s.s. stefnumótun, markaösmálum, fjármálum og stjórnun
Námskeiöið byggist upp á fyrirlestrum, verkefnavinnu og persónu-
legri handleiðslu og hentar jafnt konum sem eru að hefja rekstur
og konum sem reka nú þegarfyrirtæki.
©
Nýsköpunarmiðstöð
íslands
Impra frumkvöölar og sprotar
Kennsla hefst um miðjan febrúar 2009.
Nánari upplýsingar og skráning á vefsíöu Impru, www.impra.is, eða
hjá Selmu Dögg Sigurjónsdóttur verkefnisstjóra í síma 460 7975,
selma@nmi.is.
Sendu fréttaskot > feykir@feykir.is > Sími455 7176