Feykir - 12.02.2009, Blaðsíða 5
06/2009 Feykir 5
Óttar Bjarkan Bjarnason
bakarameistari
I janúar 1981 sá ég fyrst Óttar
Bjarkan Bjamason. Það var í
íþróttasal gamla barnaskólans
á Króknum. Hann lék þar
körfúknattleik með félögum
sínum. Maðurinn vakti þá
strax óskipta athygli mína.
Ekki fór á milli mála að þar
fór leikmaður sem kvað að,
leikgleði og keppnisskap í
ríkum mæli og ekki var á
dagskrá að tapa leiknum.
Skömmu fyrir 1980 komu
á Krókinn frá Siglufirði
hjónin Guðrún Ásgerður
Sölvadóttir og Óttar sem hóf
störf hjá Guðjóni Sigurðssyni
í Sauðárkróksbakaríi. Mál
þróuðust svo að Óttar festi
kaup á bakaríinu 1984. Mér
er minnisstætt er Óttar fór
í Búnaðarbankann og bað
um lánsfé til kaupanna. Er
spurt var um tryggingar, benti
stóri maðurinn á sig og sagði
sem svo að þessi líkami væri
tryggingin. Og allt gekk upp
þrátt fyrir erfiðleika á stundum,
en að öðrum ólöstuðum hef
ég aldrei kynnst öðrum eins
vinnuþjarki.
Kynni okkar hófúst í
gegnum körfubolta og stofn-
uðum við Iþróttafél agið
Molduxa um haustið 1981
sem starfað hefur óslitið
sfðan. Árið 1994 stóð Óttar
fyrir ferð Uxa suður um
Evrópu í þá mögnðustu
keppnis- og kynnisferð sem
undirritaður hefúr tekið þátt
í um ævina. Tilgangurinn
var þátttaka í alþjóðlegu
körfuknattleiksmóti öldunga
í Zagreb í Króatíu auk þess
sem við lékum í Graz í
Austurríki, á eyjunni Lido
í Feneyjum og víðar. Óttar
annaðist undirbúning að
mestu. Haldnar voru óteljandi
söngæfmgar, gjafir valdar,
hannaðir búningar og blásið
til aukaæfinga á miðnætti
eftir að salurinn losnaði.
Atorkan í þessum manni var
ótrúleg. Auk ferðarinnar sem
sagt var frá, stóð Óttar fyrir
fjöldamörgum uppákomum
sem settu svip á lífið. T.d.
má nefna þegar hann og
Pálmi Sigvatz hlupu suður til
Reykjavíkur í Qáröflunarskyni
fyrir körfuknatdeiksdeild
Tindastóls. Drengurinn
lét verkin tala svo að um
munaði.
Það fór ekki á milli mála
ef Óttar var viðstaddur, hvort
sem það var á æfingum eða
í samkvæmi, krafúirinn og
lífsgleðin var slík að eftir var
tekið.
Það er í meira lagi súrt
þegar atgervismenn falla frá
í blóma lífsins. Sennilega
höfúm við ekki áttað okkur
til fulls á hvað orðið er. Nú er
sannanlega skarð fyrir skildi.
Við sendum Guðrúnu og
fjölskyldunni okkar inni-
legustu samúðarkveðjur.
F.h. Molduxanna
Ágúst Guðmundsson
(ÁSKORENDAPENNINN )
BmaémmmmmmmmmmamBmmtmamamamamammaaammaamáa
Friörik Þórjónsson skrifar
Heilög stund, óskastund!
Jæja nú þegar ég tek
við kefiinu af sveitunga
mínum henni Hjördísi
í Hjarðarhaga
rifjast upp fyrir mér
fyrstu kynni mín
af henni. Það var
vorið 1999 þegar
Karlakórinn Heimir
var í söngferðalagi í
Færeyjum.
Þá einu sinni sem oftar
að við vomm í einhverju
samsæti þá stakk
einhver upp á því að
fara í samkvæmisleiki
undir þorðum. Áttu
borðgestir sem sátu
á móti hvorum öðrum
að taka höndum
saman ogstanda upp
og setjast til skiptis í
taktvið ÁmaJohnsen
syngja álíka söng og
Fagra Blóma. Þar sem
ég sat á móti Hjördísi
áttum við að gera
þetta og var það svo
greinilegt á svipbrigðum
hennar að hún vildi
vera einhverstaðar
allt annarsstaðar en
að vera saman með
fingurnar í einhveijum
spjátmngspilti austan
úr Þingeyjarsýslu í
þessum samþjappandi
leik frænda okkar í
Færeyjum. En þetta var
útúrdúr.
Það sem mig langar að
fjalla um í þessum pistli
hversu mannbætandi
útva rpsþáttu ri n n
Óskastundin hennar
Gerðar frænku (er samt
ekki frænka mín en
það erönnursaga)
sé. Þessi þáttur er á
Rás 1 á föstudögum
eftir níufréttum. Hef
ég sérstaklega tekið
eftir því núna þegar
þjóðin stendur á
þessum tímamótum
hversu mikilvægt er
fyrir fólk að hlusta á
þennann þátt. Hvað er
betra að hlusta á eftir
allar hamfarafréttirnar
í fréttab'manum
á undan um allt
fjármagnsglapræðið,
bankahrunið og um
gjaldþrot heimilanna að
heyra Gerði segja t.d.
„vonandi sæki ég vel að
ykkur hlustendur góðid'
eða „komið öll sæl
og blessuð á þessum
dýrðarmorgn'r. Síðan
em allar kveðjumar
sem hún les, þær em
raddir þjóðarinnar,
þama em kveðjur frá
henni Rósu sem sendir
skólasystmm sínum
frá Löngumýri veturinn
forðum og sendir
þeim lagið Skvetta
falla hoppa og hrista
með Ragga Bjama.
Næsta lag er kannski
undur fagurt ákall til
náttúrunnar flutt af
Álftagerðisbræðrum við
undirleik valinkunnra
hljóðfæraleikara. Það
er allt svo jákvætt og
uppörvandi hvernig
Gerður kemur þessum
kveðjum frá sér.
Þarna geta allir fundið
tónlist við sitt hæfi, allt
frá Maríu Markan og til
Baggalúts sem og Gylfa
Ægis.
Á mínum vinnustað er
ævinlega heilög stund
á milli fimm mínútur yfir
níu ogtil þegarhana
vantar korter í tíu.
Og með þessum orðum
skora ég á einn mesta
aðdáanda söngfuglsins
Ivans Rebroffs og
sveitunga minn Trostan
Agnarsson frá Miklabæ.
( MITT LIÐ )
_----------
Skipsfélagar
mínir sumir
hverjir eru svolítiö
ruglaöir í enska
boltanum
Nafn: Ámi Ólafur Sigurðsson
Heimili: Ránarbraut 12
Skagaströnd
Starf: Skipstjóri á Arnari HU-1
< Hvert er uppáhalds liðið þitt í
enska boltanum og af hverju?
s Að sjálfsögðu Arsenal og
aldrei annað en Arsenal. Það
blundaði í mér eitt augnablik
áður en ég koms til vits og ára
að halda með United. En svo
fór ég að velta því fyrir mér
að allt í kringum það lið væri
svipuð grúbba og er í kringum
Kr-inga. Þannig að það kom
aldrei neitt annað en Arsenal
til greina.
Hefur þú einhvern tímann lent
í deilum við aðra um aðdáun
þinnar á umræddu liði? Jú
jú, skipsfélagar mínir sumir
hverjir eru svolítið ruglaðir í
enska boltanum. Hafa ekki
| mikla þekkingu á honum og
eru að halda með þessum
lélegum liðum eins og United
og Liverpool. Alveg ótrúlegt
rugl í þeimÐ
Hver er uppáhaldsleikmaður
fyrr og síðar? Það hefur alltaf
verið frábærir fótboltamenn
í Arsenal liðinu en það hefur
enginn held ég toppað Thierry
Henry hann er ótrúlega flottur
fótboltamaður. Einnig var
Bergkamp í miklu uppáhaldi
hjá mér.
Hefur þú farið á leik með liði
þínu? Því miður þá hefur það
mmaaaaaaaaaaaaaaaaaaaaaaaaaaamaam
ekki gerst ennþá en ég stefni
að því sem fyrst.
Áttu einhverja hluti sem
tengjast liðinu? Já ég á
ýmislegt sem tengist liðinu
má þar nefna trefil, húfu, boli,
bjórglas, handklæði, könnu og
meira segja rúmföt.
Hvernig gengur að ala aðra
fjölskyldumeðlimi upp í
stuðningi við liðið? Það gengur
ágætlega. Ég á þrjú barnabörn
ogtvö þeirra eru miklir Arsenal-
aðdáendur en ég á eftir að
sannfæra eitt afabarnið. En
það gæti verið þrautin þyngri
þar sem pabbinn er heltekinn
Poolari, en mér tekst það
vonandi.
Hefur þú einhvern tímann
skipt um uppáhaldsfélag?
Nei það hefur aldrei komið
upp í huga minn.
Uppáhaldsmálsháttur: Oft
veltir lítil þúfa þungu hlassi