Feykir - 05.03.2009, Blaðsíða 10

lO Feykir 09/2009
Ása María Guömundsdóttir er
efnilegur áhugaljósmyndari
Cintamani
uppgötvaði
hana á
Facebook
Ása María úti í vortda veðrínu s/. þriðjudag.
Ása María Guðmundsdóttir,
er 20 ára Sauðárkróksmær,
dóttir Herdísar Á.
Sæmundardóttur og
Guðmundar Ragnarssonar á
Sauðárkróki. Ása hefur það
að áhugamáli að taka
Ijósmyndir og á orðið mikið
og gott safn mynda.
Áður en ljósmyndáhuginn
heltók Ásu Maríu segist hún
alltaf hafa haft gaman af
fallegum myndum og hafa
haft mikinn áhuga á
ljósmyndum. Það var síðan
fyrir tveimur og hálfu ári sem
hún fór að taka myndir af
einhverju ráði. -í maí 2008,
þegar ég var búin að vera í ár
með kærastanum gaf hann
mér Cannon Eos 400 d
myndavél ásamt þrífót og
tilheyrandi græjum og í
framhaldinu fór ég að taka
myndir fyrir alvöru, útskýrir
Ása María en kærastinn
rómantíski heitir Ragnar
Stefán Rögnvaldsson.
Ása segist ekki hafa farið á
nein námskeið í kringum
ljósmyndaáhugann heldur
hafi hún horft á fjöldann allan
af kennslumyndböndum á
myndbandavefnum youtube.
com. -Það er ótrúlegt hvað er
hægt að læra mikið á því og
síðan bara æfa sig og vera
duglegur að taka myndir,
segir Ása.
Ása er á fjórða ári FNV en
útskrifast ekki fyrr en næstu
jól þar sem hún ákvað að auka
vinnu með skólanum og
vinnur hún nú í sundlaug
Sauðárkróks með náminu. -I
framhaldinu langar mig að
fara í bókmenntafræði í
Háskólanum en fyrst hef ég
tekið stefnuna á lýðháskóla í
Danmörku þar sem mig
langar að læra ljósmyndun.
Hvað gerir þú við myndirnar
þínar? -Ég er nýbyrjuð að
sýna þær einhverjum öðrum,
en áður vann ég þær bara
fyrir mig sjálfa. Sunna Ósk,
vinkona mín, hvatti mig síðan
til þess að setja þær inn á
Facebook.
Inni á Facebook komst
félagi vinkonu Ásu yfir
myndirnar hennar og sýndi
markaðsstjóra fýrirtækisins
Cintamani myndirnar sem í
framhaldinu vildi fá
myndirnar til að nota í
auglýsingu. -Þegar til kom
voru myndirnar ekki nógu
stórar til þess að nota þær í
auglýsingu en hann vill engu
að síður fá að eiga þær, segir
Ása María brosandi.
Myndirnar sem um ræðir
tók Ása af Katrínu vinkonu
sinni einn frostkaldan dag og
eru þær frumraun hennar í
módelmyndatöku.
En skyldi ekki vera
spennandi að fá svona
viðbrögð við myndum
sínum? —Jú, ég neita því ekki
að þetta er rosalega kitlandi.
Fyrir mánuð var ég bara með
myndirnar í tölvunni minni
og var ekkert að sýna þær.
Facebook hefur greinilega
mikil áhrif.
En hver eru viðfangsefni þín
í ljósmyndunni? -Ég er
aðallega í því að taka lands-
lagsmyndir en er nú farin að
prófa mig áfram með
módelmyndir með Katrínu
vinkonu mína sem módel og
næsta viðfangsefni er hljóm-
sveitin Bróðir Svartúlfs. Nú er
ég búin að kaupa mér bak-
grunna og kastara og ætla að
fara að prófa mig áfram með
módelmyndir líka, segir hinn
ungi og efnilegi ljósmyndari
að lokum.