Feykir - 02.04.2009, Blaðsíða 4
4 Feykir 13/2009
AOSENT EFNI
Ólína Þorvarðardóttir skrifar
Úr hlekkjum hugarfars
Mannréttindafrömuðurinn
Nelson Mandela hefur talað
um gildi þess að horfa
ekki á hindranirnar sem
hefta för, heldur hugsa sig
út fyrir þær. Sjálfur eyddi
hann megni ævi sinnar á
bak við rimla, en sigraðist
á frelsissviptingunni að
lokum.
Mér varð hugsað til orða
Mandela þegar ég nýlega
var á ferð um Skagafjörð og
Húnavatnssýslur í því skyni
að kynna mér mannlíf og
atvinnuhætti og forvitnast
um það sem heitast brennur
á mönnum í hverjum stað. Ég
heimsótti vinnustaði og skoðaði
mig um, ræddi við fólk og varð
margs vísari.
Það kom mér þægilega á
óvart og fyllti mig vongleði
að finna víða bjartsýni og
framkvæmdahug. Já, mitt í
öllu krepputalinu sem dynur á
okkur dag eftir dag varð ég þess
vör að Skagfirðingar til dæmis
líta vondjarfir fram á veg. Þeir
eru ekki að hugsa í hindrunum,
heldur lausnum.
Ljóst er að Skagfirðingar
njóta góðs af öflugum
atvinnufyrirtækum. Eftirtekt-
arvert er að sjá hvernig
Kaupfélag Skagfirðinga nýtir
afl sitt til þess að styðja við
nýsköpun og byggja upp
atvinnulífið á staðnum,
fiskvinnslu, vélaverkstæði,
verslun og fleira. Sannkallaður
máttarstólpi í héraði.
Það var áhugavert að koma
í Verið - nýsköpunar- og
frumkvöðlasetrið - þar sem eru
stundaðar rannsóknir í líft ækni,
fiskeldi og sjávarlíffræði á
vegum Háskólans á Hólum
og Matís. Þarna er hugur í
mönnum og þeir eru að tala
um stækkun húsnæðisins.
í fjölbrautaskólann var
líka verið að tala um stækkun
húsnæðis þar sem verknámið
er að sprengja allt utan af sér.
Það var gaman að heimsækja
verknemana og fylgjast með
þeim við iðju sína. Þá var ekki
síður ffóðlegt að koma inn í
fýrirtækið íslenskt sjávarleður,
þar sem verið er að framleiða
og þróa vörur úr fiskroði og
lambskinni og gengur vel.
Já, það var hressandi að sjá
hafnarframkvæmdir í fullum
gangi á Sauðárkróki. Ræða
við bændur um hrossarækt
og ferðaþjónustu sem eru
þar vaxandi atvinnugreinar.
Vafalaust á Háskólanum
á Hólum sinn þátt í því
með ferðamáladeild og
hestafræðideild auk fiskeldis-
og fiskalíffræðideildar. Þar var
skemmtilegt að koma og sjá
gróskuna í skólastarfinu - vel
hirt hross í hundraða tali og
nemendur einbeitta við nám og
störf.
Ég notaði tækifærið og
heimsótti líka Hvammstanga,
Blönduós og Skagaströnd. Á
Skagaströnd eru ýmsir sprotar
eru að vaxa. Fróðlegt var að
kynna sér Sjávarlíftæknisetrið
BioPol, og fyrirtækið Sero þar
sem unnið er með fiskprótein.
Þar er líka Nes-fistamiðstöð
sem er alþjóðleg listamiðstöð
þar sem listamönnum er gefinn
kostur á vinnuaðstöðu og
húsnæði um tíma. Þegar ég leit
þar inn voru fjórir listamenn að
störfum, þrír erlendir og einn
íslenskur.
Þessi heimsókn mín var afar
lærdómsrík og ánægjuleg - ekki
síst þar sem ég skynjaði að íbúar
á þessum slóðum sitja ekki í
hlekkjum hugarfarsins, þótt illa
ári í samfélaginu. Þvert á móti
hugsa þeir út fyrir rimlana - og
í því gæti framtíðarvon þessa
þessa landsvæðis einmitt verið
fólgin.
Ólína Þorvarðardóttir
-skipar2. sætiálista
Samfylkingarinnar í NV-
kjördœmi.
Blönduós____________
Verkefnum fjölgar
hjá Krák ehf.
Eftir frekar rólegan vetur er
heldur að glæðast yfir
verkefnastöðu hjá
byggingafyrirtækinu Krák
ehf. á Blönduósi, að sögn
forsvarsmanna þess.
Framundan er bygging á
tveimur fbúðarhúsum, öðru í
Skagafirði og hinu á
Blönduósi ásamt smíði á
nokkrum sumarhúsum hér á
svæðinu og einu í
Borgarfirði.
Segja má að aðgerðir ríkis-
stjórnarinnar varðandi endur-
greiðslu á virðisaukaskatti af
vinnu við íbúðarhús og
sumarhús hafi átt sinn þátt í
því að ráðist var í þessar
framkvæmdir, en þess má geta
að endurgreiðslan gildir einnig
um viðhald á eldri húsum og
frístundarhúsum sé verkið
unnið af viðurkenndum
aðilum.
Þá er einnig að fara í gang
frágangur í og við sumarhús
Blöndu ehf. í Brautarhvammi
þar sem mikið er búið að bóka
fyrir sumarið og nokkur hús
komin í fasta leigu hjá
stéttarfélögum. Einnig á að
fara hefja framkvæmdir við
gerð nýs göngustígs í
Brautarhvammi sem tengir
saman göngustíga sem fyrir
eru í Hrútey og svo
göngustíginn úr Fagrahvammi
og niður að ósi Blöndu, en
Blanda ehf. í samstarfi við
Blönduósbæ fékk nýverið
styrk frá Ferðamálaráði til þess
að ráðast í þessa framkvæmd.
Einnig eru framundan
nokkur smærri verkefni við
viðhald fasteigna og fleira
svæðinu. Þá er verið að hefjast
handa við uppsetningu á
vélum fyrir timburvinnslu í
húsnæði Kráks ehf. að
Aðalgötu 9 á Blönduósi þar
sem fyrirhugað er að tveir til
þrír menn verði að störfum. í
verslun Kráks ehf. að
Húnabraut 4 á Blönduósi
hefur í viðbót við fjölbreytt
vöruúrval verið sett inn
verslun frá Office 1, sem er
ritfangaverslun með alls kyns
vörur fyrir fyrirtæki, stofnanir,
heimili og skóla með sama
verð og í verslunum Office 1 á
höfuðborgarsvæðinu
Heimild. Húnahornið.
1. apríl frétt á Feykir.is__
Gröf þriðja ísbjam-
arins fundin
Blaðamenn fengu ekki að fara alla leið en eins og sjá má eru menn greinilega að
grafa eitthvað upp
Rétt fyrir kvöldmat fann
Viggó Jónsson,
staðarhaldari Skfðasvæðis
Tindastóls gröf á leiðinni
upp á skíðasvæði. Við
nánari skoðun kom í Ijós
að þarna hafði verið
heygður ísbjörn. Er þarna
að öllum Ifkindum um að
ræða hinn margumtalað
þriðja ísbjörn sem sást við
Bjarnavötn í júní á sfðasta
ári.
-Ég var að koma ofan af
skíðasvæði þegar ég rak augun
í tófu sem var að krafsa í
einhvern haug rétt fyrir neðan
gil sem er þarna ekki langt frá
veginum. Það hefúr verið
óvenju mikið um tófúspor í
vetur og þvi gaf ég þessu frekari
gaum og var snöggur út þegar
ég sá hana vera að krafsa f
eitthvað svona stutt frá mér.
Tófan gaf mér hins vegar ekki
mikinn gaum og hélt
uppteknum hætti. Það var ekki
fyrr en ég var rétt ókominn að
tófunni að hún gaf sig og hljóp
í burtu. Þegar ég fór að skoða
nánar hvað það var sem hún
var að grafa gat ég ekki betur
séð en þar mætti mér
bjarnahrammur, segir Viggó.
-Mig grunaði strax hvað þarna
væri um að ræða og hringdi í
Stefán Vagn sem kom hingað
með lögreglumenn, Þorstein
Sæmundsson frá Náttúrustofu
Norðurlands vestra og
noklcrum björgunarsveitar-
mönnum. Þeir eru þessa
stundina að vinna í því að grafa
björninn upp en gröfturinn
gengur hægt því jörðin er
gaddfreðinn, bætir Viggó við.
Aðspurður segist Stefán
Vagn Stefánsson, yfirlögreglu-
þjónn, ekki vOja gefa neitt uppi.
-Lögreglan mun ekki gefa
yfirlýsingu um málið á þessari
stundu, sagði Stefán Vagn.
Ekki var blaðamönnum
hleypt að gröf bjarnarins en
eins og sjá má á myndunum fer
ekki á milli mála hvað það er
sem mennirnir eru að grafa
upp. -Þegar maður hefúr einu
sinni séð ísbjarnahramm þá
þekkir maður hann aftur hvar
og hvenær sem er, segir Viggó.
Viggó bendir mönnum á staðinn.