Feykir - 07.04.2009, Blaðsíða 7

14/2009 Feykir 7
Alþjóðlegi menntaskólinn, RCNUWC, Noregi
Króksari í alþjóólegum
Menntaskóla
Á hverju ári er einum
íslenskum nemanda úthlutað
skólastyrk til að stunda nám
við alþjóðlegan menntaskóla,
Red Cross Nordic United
World College (RCNUWC) í
Noregi. Gert er ráð fyrir að
umsækjendur hafi lokið einu
til tveimur árum í
framhaldsskóla áður en sótt er
um. Skólinn er hluti af United
World College hreyfingunni
sem stofnuð var 1962 og er enn
í dag eina menntastofhunin í
heiminum sem notar menntun
til að sameina ungmenni alls
staðar að, án tillits til
kynþáttar, menningar og/eða
efnahagslegra stöðu þeirra.
Markmið skólans er að auka
gagnkvæman skilning nemend-
anna og ýta undir frið og
alþjóðlega víðsýni. Þessi
hreyfing, með hjálp margra
áhugasamra aðila, starfrækir tólf
skóla um allan heim, þar á meðal
RCNUWC. Skólinn er rekinn
fyrir tilstyrk Norðurlandanna,
Rauða krossins og fleiri aðila.
Um 200 nemendur frá 85
þjóðlöndum, sem valdir eru af
valnefndum í hverju landi,
stunda nám við skólann á hverju
ári.lRNCUWCermegináherslan
lögð á gildi Norðurlandanna,
mannúð og náttúruvernd. Margt
fleira áhugavert um skólann er
að finna á heimasíðu hans:
http://www.rcnuwc.no/.
Skólinn er staðsettur á vestur-
strönd Noregs, þrjá kílómetra
ffá næsta þorpi, Flekke, tólf
kílómetra ffá næsta kaupstað,
Dale og 160 km norður af
Bergen. Skólinn er staðsettur í
afar fallegu umhverfi við Flekke
fjörðinn sem gengur þvert á
heimkynni Ingólfs Arnarsonar,
landnámsmanns, hér eru því
sannkallaðar íslendingaslóðir.
Einangrun staðarins gerir það að
verkum að mikil samkennd
skapast á meðal nemendanna.
Nemendurnir búa í svokölluðu
„Student Village", sem
samanstendur af fimm húsum,
hvert með átta herbergi. Fimm
nemendur af sama kyni, alls
staðar að, búa í hverju herbergi
sem reynir mjög á
samskiptahæfni og tillitssemi
nemendanna. Það er ekki aðeins
nánd nemendanna sem skapar
sérstök sambönd, heldur hefur
nálægð við kennarana sitt að
segja. Nemendur umgangast
kennaranna í skólastofunni,
borða með þeim í mötuneytinu,
stunda ýmsar tómstundir með
þeim og fá hjálp frá þeim með
heimanámið. Þessi samskipti
skapa óhjákvæmilega meiri nánd
á milli kennara og nemenda en í
hefðbundnum skólum, svo
dæmi sé tekið.
í Haugland, þar sem skólinn
er staðsettur, er endurhæf-
ingarstöðin Haugland Centre,
en það er eina stofhunin á
staðnum auk skólans. Stofnunin
gerir það að verkum að
nemendur hafa aðgang að
tveimur sundlaugum, líkams-
ræktarstöð og leikfimisal. Þar að
auki býður skólinn uppá ýmsa
aðra aðstöðu s.s. bátahús, tölvu-
ver og tónlistarherbergi, með
öllu tilheyrandi.
Námið við skólann tekur tvö
ár og er byggt á International
Baccalaureate (IB) gráðunni og
fer því allt fram á ensku, sem og
öll önnur samskipti við skólann.
Námið er mjög krefjandi og
drifið í gegn á miklum hraða.
Námið byggir á sjálfstæðum og
skipulögðum vinnubrögðum
sem miða að góðum undir-
búningi fyrir háskólanám eða
vinnu.
Skólinn hefur mjög gott orð-
spor um allan heim sem opnar
endalausa möguleika á framtíðar
námi og vinnu. Fulltrúar háskóla
frá Bandaríkjunum, Kanada og
Bretlandi koma sérstaklega til
RCNUWC til að taka viðtöl við
nemendur og bjóða þeim
skólavist, oftast á fullum skóla-
styrk. Sem dæmi slíka skóla má
nefna Harvard, MIT, Princeton,
Oxford og Cambridge.
Þótt námið sé krefjandi í
RCNUWC er mikil áhersla lögð
á félagslíf og fjölmenningu auk
málefna líðandi stundar. Boðið
er upp á margs konar afþreyingu
við skólann sem sum hver tengist
samvinnu, hreyfingu, mann-
úðarmálum, sköpun og nátt-
úruvernd. Sem dæmi um þau 60
viðfangsefni sem eru í boði má
nefna skyndihjálp, hjólastóla-
körfubolta með hreyfihöml-
uðum.sundkennsluogsundnám,
tónlist og útivist. Ýmis góð-
gerðarsamtök hafa einnig verið
stofnuð innan skólans eins og
DROP (Do Remember Other
People) sem safnar peningum
fyrir grunnskóla sem rekinn er í
Eþíópíu og SAFUGE (Save the
Future Generations) sem hefur
meðal annars kostað uppbygg-
ingu skóla á Madagaskar. Auk
ofangreinds er reglulega boðið
upp á margvíslega kynningu á
menningu ólíkra þjóða þar sem
nemendur og heimamenn njóta
ótrúlegra fjölbreyttra hæfileika
nemenda RCNUWC.
í skólanum eru reknar
vikulegar skólabúðir fyrir norska
grunnskólanemendur þar sem
nemendur RCNUWC leiða hópa
í mismunandi afþreyingu allt frá
kajaksiglingumtiltrommusláttar.
Til viðbótar eru svokölluð PBL
vika (Project Based Learning)
haldin tvisvar á ári, en það er
nokkurs konar þemavika. Á
síðasta ári var til dæmis boðið
uppá klettaklifur, brimbretti,
heimsókn í skóla fyrir blinda í
Póllandi og kynningu á skólanum
í Finnlandi.
Aðrir viðburðir lífga upp á
tilveruna í RCNUWC og gefa
dvölinni mikið gildi. Einn
þessara viðburða nefnist World
Today eða Heimurinn í dag. Á
hverju föstudagskvöldi setjast
nemendur niður og ræða
ákveðið málefni, annað hvort
kynnt af nemendum eða
gestafyrirlesurum.
Þessar umræður gefa
nemendum glögga innsýn í
hugsanagang samnemenda
sinna og leiða vel í ljós
menningarlegan mismunun,
einkanlega þegar umdeilanleg
málefni eru rædd. Eitt slíkra
málefna eru deilurnar á milli
ísraels og Palestínu. Það er
ólýsanleg tilfinningin að sjá
samnemendur sína frá báðum
deiluaðilum standa saman og
lýsa skoðunum sínum á
málefninu. Vinátta og kynni við
nemendur frá ólíkum og oft
stríðshrjáðum heimshlutum
auka einnig líkurnar á þátttöku í
friðar- og hjálparstörfum.
Hugsanaháttur flestra
nemenda RNCUWC breytist
stórlega á meðan dvöl þeirra
stendur og skilningur þeirra á
stöðu annarra vex. Þessi reynsla
er einmitt hvatinn að þátttöku
margra nemendai sjálfboðastarfi
sem teygir sig út um allan heim.
íslenski fýrsta árs neminn,
Ingunn Kristjánsdóttir, eyddi til
dæmis jólafríinu sínu þetta árið
við sjálfboðastörf í Eþíópíu
ásamt tveimur öðrum nemend-
um frá skólanum.
Þó svo að margir nemendur
taki ekki þátt í slíkum
sjálfboðastörfum eru ótrúlega
margt annað í fari UWC
nemenda sem vonandi hefur
jákvæð áhrif á fólkið í kringum
þá. Það er líka mikilvægt að
gleyma því ekki hvað margir
nemendur hafa öðlast nýtt líf
með dvöl sinni í UWC skólum.
Árið 2007 kom t.d. munaðarlaus
strákur af götum Eþiópíu til
RCNUWC og skildi systkyni sín
eftir heima. í dag hefur hann
efni á því að borga fyrir húsaleigu
og mat systkina sinna í Eþíópíu
og þar að auki hefur hann fengið
fullan skólastyrk til náms við
bandarískan háskóla á næsta
ári.
Ingvi Aron Þorkelsson
og Ingunn Kristjánsdóttir
Áhugasömum er bent á að hafa samband
við Emu Ámadóttur, starfsmann í
Menntamálaráðuneytinu og fylgjast með
heimasíðu ráðuneytisins wm.mm.stjr.is.
Einnig er hægt að hafa samband við
nemenduma, Ingva Aron Þorkelsson,
ingviaron@hotmail. com
og Ingunni Kristjánsdóttur,
nc08ikh@stud.rcnuwc.no