Feykir - 07.05.2009, Blaðsíða 3

Hvammstangi
Vorverkin unnin
Fjöruhlaðborð Húsfreyjanna
á Vatnsnesi verður haldið
20. júní næstkomandi en
undirbúningur að
hlaðborðinu stendur yfir
bróðurpart ársins enda
maturinn súrsaður og unnin
í samræmi við gamlar
hefðir.
Björn Sigurðsson, eða Bangsi
eins og hann er alltaf kallaður,
var á dögunum að vinna
grásleppu í reyken grásleppuna
á að hafa á borðum á
Fjöruhlaðborðinu.
Annars staðar í bænum mátti
sjá Önnu Ágústsdóttur að
spúla grjótið sitt sem að
líkindum breytist síðar í karla
og kerlingar. Þess má geta að
Anna bjó til steinfólkið sem
býr við Hvammstanga-
afleggjarann og tekur á móti
vegfarendum með glaðlegu
brosi.
18/2009 Feykir 3
Norðurland vestra
Atvinnulausum
fækkar milli
mánaða
Frá því að atvinnuleysi
för í hæstu hæðir fyrir
tveimur mánuðum hér
á Norðurlandi vestra,
hefúr fækkað mikið á
atvinnuleysisskrá og eru
nú um 150 án atvinnu á
móti rúmlega 190 fyrir
tveimur mánuðum.
Sundurliðað atvinnuleysi
fyrir Norðurland vestra:
Hvammstangi 20
Blönduós 17
Skagaströnd 13
Sauðárkrókur 54
Varmahlíð 9
Hofsós 8
Siglufjörður og
Fljót 29
Alls 150
Enn er eitthvað um laus
störf á starfstorgi Vinnu-
málastofnunnar
UB - Koltrefjar
Hluthafa-
samkomulag
runniðút
Hluthafasamkomulag
KS, Sveitarfélagsins
Skagaflarðar og
Gas-félagsins um
undirbúning byggingu
koltrefjaverksmiðju í
Skagafirði er runnið út en
aðilar hafa lýst áhuga á að
framlengja samkomulagið.
Sveitarfélagið heíur þegar
lýst yfir áhuga sínum og er
fastlega gert ráð fýrir að áfram
verði unnið að undirbúningi
koltreíjaverksmiðju á Sauð-
árkróki.

Forstöðumaður
Rannsókna- og fræðaseturs Háskóla íslands
á Norðurlandi vestra, Skagaströnd
Stjórn Stofnunar fræðasetra Háskóla íslands auglýsir laust til umsóknar starf
forstöðumanns Rannsókna- og fræðaseturs Fláskólans á Norðurlandi vestra með
starfsstöð á Skagaströnd.
Rannsókna- og fræðasetrið er staðsett á Skagaströnd og er vettvangur fyrir samstarf
Háskóla íslands við sveitarfélög á Norðurlandi vestra, stofnanir, fyrirtæki, félagasamtök
og einstaklinga. Meginhlutverk setursins er að efla starfsemi Háskólans á Norðurlandi
vestra með rannsóknum í íslenskri sagnfræði, þar sem notast er við aðferðir munnlegrar
sögu.
Verkefni forstöðumanns eru annars vegar að standa að söfnun, varðveislu og
rannsóknum á munnlegum heimildum, einkum þeim sem tengjast sögu Norðurlands
vestra. Hins vegar er honum ætlað að stuðla að háskólastarfsemi á Norðurlandi vestra s.s.
með kennslu og innlendum og alþjóðlegum námskeiðum og ráðstefnum. Forstöðumaður
stundar eigin rannsóknir og hefur umsjón með starfsemi setursins, fjármálum
og daglegum rekstri. Viðkomandi þarf einnig að geta tekið að sér að leiðbeina
háskólanemum í framhaldsnámi og aðra kennslu á háskólastigi.
Krafist er meistara- eða doktorsprófs í sagnfræði eða skyldum fræðigreinum, þekkingar
á rannsóknarsviðum setursins, frumkvæðis og sjálfstæðis í vinnubrögðum og lipurðar
í mannlegum samskiptum. Gott vald á ensku og íslensku er nauðsyn. Reynsla af
alþjóðasamstarfi eræskileg.
Umsóknarfrestur er til 25. maí 2009.
Sjá nánar á www.starfatorg.is og www.hi.is/is/skolinn/laus_storf
Nánari upplýsingar veitir Rögnvaldur Ólafsson, forstöðumaður Stofnunar fræðasetra
Háskóla íslands í síma 525 4929, rol@hi.is.
Við ráðningar í störf hjá Háskóla íslands er tekið mið af jafnréttisáætlun skólans.
HÁSKÓLI ÍSLANDS