Feykir - 07.05.2009, Blaðsíða 9
FRÉTTASKÝRING FEYKIS
18/2009 Feykir 9
HESTAUMFJÖLLUN FEYKIS
Feykir mun á næstu vikum fjalla um hin svokölluðu
vorverk á hrossaræktarbúum í héraði. Það er hvort von
sé á spennandi folaldsfæðingum, hvort eitthvað gott hafi
komið úr tamningum vorsins og svo framvegis. Við nðum
á vaðið með Sauðárkrókshestum og Vatnsleysu.
Sauðárkrókshestar
14 folöld vænt-
anleg í vor
Guðmundur Sveinsson og Boði
Guðmundur Sveinsson lá í
flensu þegar blaðamaður
hafði samband við hann og
var ekki ánægður með það
en það glaðnaði heldur yfir
honum þegar hann var
inntur eftir folöldum
vorsins. Guðmundur á von
á fjórtán folöldum þetta
árið og flest undan
sitthverjum hestinum.
-Ég held að aðeins tvö
folöld sem væntanleg eru séu
undan sama hestinum. Ég
ferðaðist ekki mikið um landið
með merarnar heldur nýtti
mér þá hesta sem eru hér í
kring, segir Guðmundur.
Aðspurður um hrossasölu
segir Guðmundur að salan
hafi verið frekar treg eftir
áramótin, - en ég á svo sem
ekki mikið til að bjóða núna,
segir Guðmundur og segist
vera að undirbúa jarðveginn
fyrir sölur næsta vetur.
Hestaferðir verða farnar hjá
Guðmundi þó ekki sé búið að
fastnegla hvert skuli haldið.
-Það verður eitthvert farið,
það er alveg nauðsynlegt.
Langt er síðan Guðmundur
hefur sést á keppnisvellinum
og inntur eftir því segir hann
að félagsmálin taki sinn tíma.
-Svo hef ég verið bundinn yfir
KS-deildinni. En ég stefni á að
keppa meira.
• •
Orvæntingarfull
undirboð að sliga
verktaka
Orvæntingafuilir
jaróvinnuverktakar á
íslandi virðast þessa
dagana bjóða allt niður í
45 - 50% af
kostnaðaráætlunum
verka í von um að hreppa
hnossið.
Sömu sögu segja aðrir
verktakar en mbl.is greinir
frá verktaka á Suðurnesjum
sem greip til þess að segja
öllum 50 starfsmönnum
sínum upp. Sagðist
verktakinn ekki treysta sér til
þess að reka fyrirtæki sitt í
umhverfi þar sem flest verk
eru unnin fyrir um 50% af
kostnaðaráætlun.
Vinnureglur Vegagerðar
ríkisins eru þær að verktaki
sem býður í verk verður að
sýna fram á að velta síðustu
þriggja ára á undan sé í það
minnsta helmingur
upphæðar verksins. Verktaki
verði að hafa staðið skil á
opinberum gjöldum auk
þess sem verkstaða og
almenn ábyrgð verktaka er
skoðuð.
Hafl verktaki staðið í skilum
og rekið fyrirtæki sitt vel
síðustu þrjú ár er því ekki
gerð athugasemd við að
tilboð í verk nemi ekki nema
tæplega helming kostnaðar
við verkið.
Þá er farið fram á
verktryggingu en bankar eru
í auknum mæli farnir að fara
fram á að verkkaupi skilji
eftir hluta greiðslu til
verktaka sem tryggingu
bankans. Þetta þýðir þá í
raun að verktaki er farinn að
vinna verkið fyrir helmingi
lægra verð en það er í raun
talið kosta auk þess að hluta
af greiðslu hans er haldið
eftir þar til verkinu lýkur.
Verktaki sem Feykir.is ræddi
við sagði að ljóst væri að
verktakar sem tækju að sér
verk á þessum undirkjörum
gætu ekki staðið í skilum og
þá yrðu það oftar en ekki
undirverktakar, birgjar og
fleiri sem sætu eftir með sárt
ennið og fengju skuld sína
ekki greidda. Undirboð sem
þessi væru einfaldlega
upphafði á endinum.
-Það ástand sem einkennir
markaðinn í dag er í fyrsta,
öðru og þriðja lagi
verkefnaskortur sem aftur
leiðir að sér þessi skelfilegu
undirboð sem eru engum til
gagns eða góðs, segir Árni
Jóhannsson, forstöðumaður
mannvirkjasviðs Samtaka
Iðnaðarins. Aðspurður um
hvort samtökin muni beita
sér í þessu ástandi segir Árni
að búið sé að þrýsta verulega
á hið opinbera um að setja
fleiri verk í útboð. -Stærri
sveitarfélög og ríkið hafa
eiginlega verið með
útboðsbann síðustu mánuði
sem hefur komið illa niður á
þessari stóru grein. Hér eru
mörg störf í húfi, segir Árni.
Er eitthvað að frétta?
Hafðu samband - Síminn er 455 7176
Vatnsleysa
Með 40 hross á jámum
Það er nóg að gera hjá Arndísi
Brynjólfsdóttur á Vatnsleysu alla jafnan.
Hún er kennari á Jór í Fjölbrautaskólanum
ásamt því að sinna búi og öðrum verkum
tengdu hestamennskunni.
Hún á von á mörgum spennandi folöld í
sumar. -Já, það koma mörg spennandi folöld
og eitt er þegar fætt. Undan Rós f. Vatnsleysu
kom svört hryssa undan Hlyn frá Vatnsleysu.
Síðan fáum við undan Lydíu f. Vatnsleysu og
Hróð f. Refsstöðum. Og síðan koma undan
bæði Glampa og Andra frá Vatnsleysu, segir
Arndís. I vetur hafa verið í kring um 40 hross á
járnum á Vatnsleysu. Þar starfar nú Hörður Óli
Sæmundsson en hann var í verknámi fyrir
nokkurm árum á Vatnsleysubúinu. Að sögn
Arndísar kom veturinn vel út, oftast gott
útreiðarveður og hrossasala gekk vel. Farið
verður með einhvern hóp í lcynbótadóm og
stefnt er á að taka þátt í einhverjum keppnum í
sumar. -Já, það verða ýmis mót hér heima og
svo að sjálfsöguðu fjórðungsmót.
Aðspurð um það hvort einhverjar hestaferðir
væru fyrirhugaðar í sumar segir Arndís það
vera. -Það verða farna ferðir hér innanhéraðs
eins og á hverju sumri, segir Arndís og greinilegt
að ferðirnar eru ómissandi hluti
hestamennskunnar hjá Vatnsleysubændum.