Feykir - 20.05.2009, Blaðsíða 10
lO Feykir 20/2009
Svavar Sigurðsson og Eva Óskarsdóttir hafa búið til vin í garóinum
Gróðurhús og
gullfiskar í garóinum
Eva skoðar rósimar sem væntanlega fara að blómstra innan tíðar og Svavar fylgist með.
Fyrir tæpu ári síðan var
garðurinn þeirra Svavars og
Evu hefðbundinn
raðhúsagarður. Nú ári síðar
er þar stór sólpallur, pottur,
gullliskatjörn og 18 fm
gróðurhús. Feykir átti
stefnumót við Svavar og Evu
í lítilli vin í eyðimörkinni.
-Ég bað Svavar að kaupa
handa mér svona gróðurskáp í
Europris og hann hringdi þess
í stað beint í Óttar heitinn
Bjarnson og falaðist eftir
gróðurhúsi sem hann átti á
þaki Sauðárkróksbakarís.
Óttar sagði Svavari að fara
bara og skoða sem og hann
gerði með þessum líka fína
árangri, segir Eva og hlær
aðspurð um tilurð allra
framkvæmdanna í garðinum.
-í framhaldinu fór lóðin öll í
kássu og eitt leiddi að öðru og
því var ákveðið að fara í
pallinn. Síðan sáum við heitan
pott inni á barnalandi og
keyptum hann líka, bætir hún
við.
Á einu ári hefur heldur
betur gróið í gróðurhúsinu og
þar eru nú eplatré, kirsu-
berjatré, baunir, vínber og í
raun allt sem Evu dettur í hug
að stinga niður og á annað
borð kemur upp.
Svavar kemur inn í
gróðurhúsið en hann hafði
staðið hálfur ofan í gull-
fiskatjörn sem varð til bara
núna um helgina. -Þetta er
bara svona félagapressa frá
álíka rugluðum mönnum og
mér sem eru með svona
tjarnir. Síðan sendu þeir mér
fiska og þá var ekki aftur
snúið, segir Svavar.
Hvernig tjörn er þetta? -Þetta
eru kallaðar koitjarnir en í
henni eru japanskir fiskar
svokallaður vatnakarfi sem
getur verið úti í tjörn allt árið.
Hvað er næst á dagskránni
hjá ykkur? -Það er aldrei að
vita hvaða vitleysa okkur
dettur í hug næst það er smá
reitur í garðinum sem gæti
þurft að gera eitthvað við,
segir Eva og þau hlæja bæði.
Það er ekki ónýtt að eiga epli i gróðurhúsinu. Uppskeru er að vænta strax i haust.
Kirsuberin standa lika fyrir sínu.
Nú eða bara kúrbítursem vex bara nokkuð ömgglega við hlið bauna, tómata og salats.
Jarðaber i tunnu er frumleg og flott hugmynd sem auðvelt er að framkvæma.
Fiskarnir í tjörninni em enn sem komið er mjög litlir en þeir geta orðið mjög stórir.