Feykir - 20.05.2009, Blaðsíða 12

Ertu með fréttaskot? Hafðu samband! feykir@feykir.is og sími 455 7176 / 898 2597/ 861 9842
Áhugasamir göngumenn hlusta á Pálínu Ósk útskýra staöhætti.
Ferðafélag Skagafjarðar: Fyrsta ferð sumarsins
Góður dagur í
Glerhallavík
40 manns mættu í fyrstu ferð sumarsins hjá Ferðafélagi
Skagafjarðar en að þessu sinni var ferðinni heitið í
Glerhallavfk undir öruggri leiðsögn þeirra Pálfnu Óskar
Hraunda! og Signðar Ingu Viggósdóttur.
Alls tók ferðin hátt í 3
klukkustundir og átti hópurinn
góðan dag í enn betra veðri. Sá
elsti í hópnum var fæddur árið
1934 en sá yngsti góðærisárið
2007. Ekki höfðu allir í hópnum
farið áður í Glerhallavík og
höfðu ferðalangarnir það á orði
að það hefði komið ánægjulega
á óvart hversu gaman það væri
að fara með Ferðafélaginu
í svona styttri ferð. Flestir
voru þátttakendurnir úr
Skagafirði en þó kom einn
frá Skagaströnd og annar frá
Akureyri til þess að komast
í Glerhallavík. Þegar í víkina
var komið var hrossakjöt úr
Matarkistu Skagafjarðar borið
fram á brauðbretti sem látið var
ganga og vöktu veitingarnar
mikla lukku.
Eftir vel heppnaða ferð í
Glerhallavik skellti síðan hluti
ferðalanganna sér í Grettislaug
og hafði það huggulegt þar.
Meðfylgjandi myndir sendi
Pálína Ósk Hraundal.
Paö er fallegt í Glerhallavík.
Sigríöur og Pálina meö elsta og yngsta feröalangnum.
Hrossakjöt úr skagfirsku matarkistunni.