Feykir - 18.06.2009, Blaðsíða 7
24/2009 Feykir 7
AÐSENTEFNI
Helga Margrét Guðmundsdóttir skrifar
Frítaminn hefur
uppeldislegt gildi
Orðið skóli er dregið af
grísku orði sem merkir hið
sama og fnt'mi og svo
sannarlega hefur fht'minn
uppeldislegt gildi. Nýtum
tækifærið í sumar og
verum börnunum góðar
fyrirmyndir, segjum þeim
sögur af æsku okkar,
hugsunum , löngunum og
þrám. Ýmsir aðilar hafa
beint þeim tilmælum til
foreldra að þeir hugi vel
að börnum sínum nú í
sumar og að nauðsynlegt
sé að ræða við börnin.
HjálparsímiRauðakrossins
1717 stendur um þessar
mundir fyrir átaki undir
yfirskriftinni Hlustum á
börnin. Með átakinu er fólk
minnt á að vera vakandi yfir
líðan barna á erfiðum tímum
og einnig að upplýsa börn og
unglinga um að þau geti
fengið ráðgjöf og upplýsingar
um úrræði sem standa þeim
til boða með því að hringja í
1717.
í tilkynningu frá þeim
segir að lykilatriði í sterkri
sjálfsmynd barna sé jákvætt
uppeldi, örvun, umhyggja og
samverustundir með for-
eldrum sem eru þeim góðar
fýrirmyndir. Að virða og hlúa
að börnum sé ekki einungis
aðgöngumiði að góðu
samfélagi heldur forsenda
góðrar heilsu þeirra á
fullorðinsárum. Það er því
mikilvægt að fullorðnir sýni
myndugleika og hugi vel að
börnum sínum nú þegar
efnahagslíf þjóðarinnar siglir í
gegnum ólgusjó.
18 ára ábyrgð
Samanhópurinn hvetur líka
til jákvæðra samskipta
fjölskyldunnar og minnir á 18
ára ábyrgð foreldra á börnum
sínum. Hópurinn hefur sent
foreldrum skilaboð á und-
anfömum árum á ýmsum
tímamótum um mikilvægi
ábyrgðar á umönnun og
uppeldi barna. Einnig leggur
hópurinn áherslu á að hafa
fókusinn á fjölskyldunni og að
foreldrar verji sem mestum
tíma með börnum sínum. Því
er einnig beint til foreldra að
þeir kaupi ekki eða veiti
börnum áfengi og bent er á að
þar setja landslög mörkin við
20 ára aldur. Lögin eru skýr:
Áfengi má ekki selja, veita eða
afhenda ungmennum undir
20 ára. Samanhópurinn hefur
líka minnt foreldra á að virða
útivistarreglur og bendir á
þær hættur sem geta fylgt
eftirlitslausum partýjum
unglinga, útihátíðum og
neyslu áfengis og annarra
vímuefna. Allt eru þetta góð
varnaðarorð sem við foreldrar
ættum að hafa í huga.
Oft er talað um sumarið
sem tíma tækifæranna og víst
er að börnin eru að læra frá
því þau vakna og þar til þau
sofna. I vökutíma þeirra ættu
þau að fá tækifæri til að tjá sig
og að fullorðnir hlusti effir
röddum þeirra. Að undan-
förnu hefur verið rætt um
niðurskurð og fólki er
umhugað um að grunn-
þjónustan verði ekki skert. í
annan stað heyrum við talað
um að það sem skipti mestu
máli kosti ekki neitt. Vert er
að gefa því gaum hvernig við
öll getum hvatt til meiri
samveru fjölskyldunnar í
sumar.
Samstaða fólks í
nærsamfélaginu
Við gætum aukið útiveru
barna og leitt þau áfram í
ævintýrum sem þau geta
skapað sjálf í sínu nánasta
umhverfi. Áskoranir liggja
víða og um daginn heyrði ég
unga konu rifja upp hvernig
hún skreið tímunum saman
um allar jarðir með
stækkunargler að leita að
fjögura laufa smára. Önnur
sagði frá skipulögðum
sundferðum stórfj ölskyld-
unnar og hjólreiðatúrum
sem hún á dýrmætar minn-
ingar frá.
Samstaða í grenndarsam-
félaginu er það sem skiptir
máli og að við leggjum okkur
fram um að tryggja börnum
gott viðurværi. Kynslóðir
saman að deila því sem skiptir
máli,umhyggjuogsamkennd,
eins og Dalai Lama lagði svo
mikla áherslu á. Engan
niðurskurð þar!
Lítum okkur nær og
heilsum börnum, nágrönn-
unumogsamstarfsfélögunum
með brosi. Það kostar heldur
ekki neitt. Götuhittingur og
það að auka hverfisvitund
fólks og vinatengsl eru
auðlindir sem taldar eru
vannýttar. Börnin eru skynug
á umhverfi sitt og skilja og
skynja og hugsa meira en
fullorðnir halda. Við vitum
að foreldrar eru fyrstu og
mikilvægustu kennarar barna
og við vitum líka að nám fer
ekki einungis fram í
kennslustofum skólanna.
Lifsleikni og gildismat læra
þau af foreldrum sínum og
nærsamfélaginu. Þau læra af
hinum fullorðnu að takast á
við erfiðleika og af þeim læra
börnin samskipti. Börn eru
sérfræðingar í eigin lífi og
það er einstakt að fá tækifæri
til að lesa skilaboð þeirra t.d.
á mjólkurfernunum. Taktu
eftir því næst þegar þú tekur
þér mjólkurfernu í hönd.
www.heimiliogskoli.is
Helga Margrét
Guðmundsdóttir -
verkefnastjóri
hjá Heimili ogskóla -
landssamtökumforeldra
Ferskur á netinu!
Hafðu samband - Siminn er 455 7176 og netfangið feykir@feykir.is
Fjöruhlaðborðið í Hamarsbúó
Einstök uppiifun
bragðlaukanna
Vorið 1994 var ákveðið að efna til sumarhátíðar í
Vestur-Húnavatnssýslu, í kring um Jónsmessuna.
Fékk hún nafnið Bjartar nætur. Síðan þá hafa
Húsfreyjurnar á Vatnsnesi boðið upp á veglegt
fjöruhlaðborð um það leyti. í sumar verður hátíðin
haldin 20. júní og hefst kl. 19.
Húsfreyjurnar á Vatnsnesi
eru samtök kvenna sem eiga
á einhvern hátt rætur sínar
að rekja á Vatnsnesið auk
þess sem auka konur hafa
slæðst inn í félagsskapinn
síðustu ár.
Fjöruhlaðborðið er
haldið við félagsheimilið
Hamarsbúð á Vatnsnesi en á
hlaðborðinu er boðið upp á
ýmsa rétti sem hér áður fyrr
þóttu hvers dagslegir og
sjálfsagðir en sjást sjaldan í
dag. Ekki eru konurnar þó
alveg fastar í gamla tímanum
heldur eru þær óhræddar að
blanda gömlum hefðum
saman við nýjustu
tískustrauma í matargerð.
Sem dæmi má þar nefna
Hrefnubollur með súrsætri
sósu.
Á Fjöruhlaðborði er
boðið upp á blóðpönnu-
kökur, reyktan rauðmaga,
ábresti úr kindum og kúm,
kviðsvið sem eru reyktir
hrútspungar, selshreifa,
selkjöt, svartfugl, hettu-
máfsegg, rabbarbaragraut,
skötukæfu parta, silungs-
bollur og svona mætti telja
áfram endalaust.
Hlaðborðið er gríðarlega
vel sótt og fyrir ágóðann
hafa konurnar gefið til við-
byggingar Hamarsbúðar,
Hollvinasamtaka heil-
brigðisstofnunarinnar á
Hvammstanga auk þess að
styðja við fjölskyldur sem
ganga í gegnum erfiðleika.
Eins og áður segir hefst
fjörið um klukkan 19:00 og
að sögn húsmæðranna þarf
ekkert að panta borð, bara
mæta á staðinn. Maturinn
kostar 3000 krónur fyrir
fullorðna og 1000 krónur
fyrir börn 12 ára og yngri.
Auk matarins verður
ýmislegt til gamans gert svo
sem bögglauppboð, fjölda-
söngur, tónlistaratriði og
gönguferð. Við Hamarsbúð
er hægt að tjalda og því ætti
ekkert að vera því til
fyrirstöðu að mæta með
tjaldið og gera útilegu úr
ferðinni á Vatnsnesið.
Fjöruhlaðborðið er tilvalið
fyrir þá sem þora og vilja
upplifa og prófa eitthvað
alveg nýtt.
í lokinn komum við með
ráðleggingu heimamanna
en þeim sem hyggjast keyra
fyrir Vatnsnesið er ráðlagt
að keyra frá Hvammstanga
því sú leið er talin mun
fallegri heldur en ef hinn
hringurinn er farinn.