Feykir - 18.06.2009, Blaðsíða 9

24/2009 Feykir 9
Skotta kvikmyndafjelag vinnur nú
aó heimildarmynd um Bjarna Har
Mynd um
merkan mann
Stelán Friðrik Friðriksson, Eirikur Hilmisson, Bjarni Har og FrikkiFrikk.
Skotta kvikmyndafjelag
vinnur nú að
heimildarmynd um
Bjarna Har og verslun
hans í leikstjórn Stefáns
Friðriks Stefánssonar.
Skotta kvikmyndafjelag
var stofnað af Árna
Gunnarsyni árið 2004 og
hefur fengist við hin ýmsu
kvikmyndaverk síðan þá.
Þeirra á meðal má nefna í
Austudal og Dansað á
Fáksspori sem sýnda voru
í sjónvarpi.
Þessa dagana er nýjasta afúrð
Skottu að líta dagsins ljós en
það er heimildar-myndin
Kraftur sem er byggð á sögu
hestsins Krafts og knapans
Þórarins Eymundsonar. Þeir
voru ekki bara góðir vinir
heldur líka sigursælt par á
keppnis-völlum á íslandi og
var Þórarni og Krafti boðið
að taka þátt í heimsmeistara-
móti íslenska hestsins í
Hollandi. Islenski hesturinn
hefur verið einangraður á
eyjunni í norðri í meira en
1000 ár og vegna smithættu
má ekki flytja hesta til
landsins aftur og því þurftu
þeir félagar að skilja að
skiptum að loknum
fræknum sigri á heims-
meistaramótinu í Hollandi
árið 2007. Kraftur verður
frumsýnd í Kanada á Gimli
Film Festival þann 28. júlí
næst komandi.
En næst á dagskrá hjá
þeim Skottumönnum er
heim-ildarmynd um Bjarna
Har og verslun hans. Feykir
spurði þá félaga Árna og
Stefán hvernig það kom til
að þeir ákváðu að ráðast í
gerð myndar um Bjarna
Har? -Við vorum báðir
búnir að velta fyrir okkur í
hvoru sínu lagi að það þyrfti
að fara að gera mynd um
þennan merka karl og
verslun hans. Svo hittumst
við í janúar og fórum að
spjalla saman og þá kom það
í ljós að við höfðum báðir
áhuga og metnað til að gera
þessa mynd fagmannlega og
vel.
Eins og kom fram í síðasta
Feyki þá eruð þið byrjaðir í
tökum.
-Já við erum búnir að taka
fyrstu tvo tökudagana og
gengu þeir framar vonum.
Við náðum fullt af góðu efni.
Enda erum við með góða
menn með okkur.
Skagfirðingurinn Eiríkur
Hilmisson sér um hljóðið og
tökumaður er Frikki Frikk
sem er í hópi bestu og
reyndustu tökumanna á
íslandi.
Hvenær er stefnan að halda
áfram að taka?
-Við eigum nokkra daga
eftir og er stefnan næst að
taka upp á afmælishátíð
búðarinnar í júlí. En þetta
veltur líka á því hvernig
gengur að fjármagna
myndinna. Þessa daganna
erum við að leita að styrkjum
frá fyrirtækjum og
velviljuðum aðilum til þess
að myndin verði að
veruleika. Þetta er nú einu
sinni Bjarni Har og saga
hans. Myndin mun vera
heimild um þennan merka
mann og búðina hans sem
svo mörgum þykir vænt
um.
Styttan af Jóni Ósman
Afhjúpun 5. jú
Nú hefur verið ákveðið að
afhjúpa styttuna af
ferjumanninum, Jóni
Ósmann, sunnudaginn 5.
júlí nk. Gagngerar
breytingar hafa verið gerðar
á áningarstaðnum við
Vesturós Héraðsvatna og nýr
og góður gangstígur verið
lagður milli hans og gömlu
brúarinnar og
Furðustranda.
Áhugahópur um styttu af
ferjumanninum hefur staðið
fyrir þessum breytingum í
góðu samstarfi við land-
eiganda, Sveitarfélagið Skaga-
fjörð, Vegagerðina og fleiri
aðila.
Hópurinn fékk víðast hvar
góðar viðtökur í fjáröflun fyrir
styttuna og fjölmargir ein-
staklingar, fyrirtæki og
stofnanir hafa lagt fram
fjármagn og vinnu.
Ragnhildur Stefánsdóttir
mótaði styttuna í gips en
bronsstyttan var steypt hjá
málmsteypufyrirtækinu Pang-
olín í Englandi í fyrrasumar.
Töf varð á bronssteypu
styttunnar í Englandi, hún
náðist því ekki heim fyrir
bankahrunið og allur erlendur
kostnaður hækkaði til muna.
Nægilegt fé safnaðist þó og í
ljós hefur komið mikill áhugi
fyrir því að reisa styttu
ferjumannsins við Vestur-
ósinn. Þykir þeim sem séð
hafa styttuna hún vera einkar
vel gerð.
Athöfnin á áningarstaðn-
umhefstkl. 13:30sunnudaginn
5. júlí og býst áhugahópurinn
við fjölmenni. Styttan verður
afhjúpuð og afhent framtíðar-
eigendum, ávörp verða flutt
og nokkrir söngvar sungnir
og loks verður viðstöddum
boðið til kaffidrykkju.
Frekari upplýsingar er aðfinna
á vefsíðu ferjumannsins,
www.skagajjordur.com/
ferjumadurinn
Grafarkirkja á Höfóaströnd
Helqistund
ífaomi fjalla
Grafarkirkja.
Um árabil hefur verið haldin
helgistund i Grafarkirkju á
Höfðaströnd og verður hún
að kvöldi sunnudagsins 21.
júní næstkomandi kl. 20.
Grafarkirkja á Höfðaströnd,
sem stendur í mynni
Deildardals, er eitt fágætasta
hús landsins. Þegar komið er
upp að því minnir fátt á
nútímann. Kirkjan situr í
faðmi tignarlegra fjalla í
hringalaga garði eins og
tíðkaðist um aldir. Þegar
komið er inn í torfhjúpinn má
sjá einu varðveittu stafkirkju
landsins og eitt elsta guðshús
og jafnframt eitt elsta hús sem
enn stendur á íslandi. Að
líkindum fæddist sálmaskáldið
Hallgrímur Pétursson að Gröf
árið 1614.
Helgistund í Grafarkirkju
hefur mælst mjög vel fyrir og
æ fleiri sækja hana. Fólk kemur
úr margvíslegum áttum og
nýtur góðrar kvöldstundar
þrátt fyrir þrengsli í hinni
öldnu kirkju.
Það er sr. Gunnar Jóhannes-
son, sóknarprestur Hofsóss-
og Hólaprestakall sem leiðir
stundina á sunnudaginn
kemur og flytur viðstöddum
hugleiðingu. Kirkjukór
Hofsóss syngur fallega
kvöldsálma undir stjórn Önnu
Kristínar Jónsdóttur. Að venju
er gestum boðið upp á
kaffisopa og meðlæti undir
kirkjuveggnum að lokinni
helgistundinni í boði
heimafólks.
Allir eru hjartanlega
velkomnir og hvattir til eiga
góða kvöldstund í Grafarldrkju
og ljúka þar góðri helgi.