Feykir - 31.07.2009, Blaðsíða 6

6 Feykir 28/2009
Rakel Rós Ágústsdóttir slasaóist illa í reióhjólaslysi
Heppni aö ekki
Rakel Rós Ágústsdóttir var
heppin að ekki fór þó verr er
hún datt á hjóli á leiðinni í
vinnuna þriðjudags-
morguninn 21. júli sl. Rakel
Rós misreiknaði sig þegar
hún ætlaði upp á kantstein
með þeim afleiðingum að
hjólið steyptist fram fyrir sig
og hún kjálkabrotnaði á
fjórum stöðum, fékk skurð á
hökuna, auk þess sem tveir
jaxlar brotnuðu og einn
þurfti að taka alveg úr.
Sjálf segir Rakel að hún hafi
ætlað að halla sér fram og nota
demparana á hjólinu til þess
að koma sér upp á kantsteininn,
en hún var að koma niður
hverfisbrekkuna á mikilli ferð
og að fara yfir götuna í
innkeyrslunni við íþróttahúsið.
Eitthvað sem hún hafði gert
oft áður en í þetta sinn
misreiknaði hún fjarlægðina
og þrýstir demparanum niður
aðeins of snemma með
fyrrgreindum afleiðingum.
-Þegar ég lenti á gangstéttinni
þá kraup ég strax upp og hélt
fyrir andlitið sem fossblæddi
úr. Ég sá strax tannbrot á
jörðinni, útskýrir Rakel. Fyrst
komu að Rakel hjón sem
enginn virðist vita hver eru,
-Þau voru íslendingar en voru
ekki ábíl og vissu ekki númerið
á sjúkrahúsinu. Síðan kom
Þröstur Jónsson og hann
hjálpaði mér upp á sjúkrahús
og var hjá mér þangað til
mamma kom. Ég var í svo
miklu sjokki að ég fann ekki
mikið til, en hrópaði að það
væri allt í klessu upp í mér.
Mér fannst eins og allar tennur
hefðu hreyfst til og ég hafði í
raun svo miklar
áhyggjur af
spöngunmum og
tönnunum að ég
hugsaði ekki um
annað, rifjar Rakel upp, en
hún hafði þegar slysið varð,
nýlega fengið spangir.
Þegar upp á sjúkrahús kom
var hringt í Guðbjörgu
Ragnarsdóttur, móður Rakelar,
bundið var um skurð á höku
Rakelar, en þar sem ekki var
hægt að mynda hana hér á
Sauðárkróki var tekin
ákvörðun um að senda hana
norður til Akureyrar og fór
Rakel ásamt Kristrúnu,
föðursystur sinni, í sjúkrabíl
en Guðbjörg keyrði á eftir.
-Þegar til Akureyrar kom var
ég mynduð í sneiðmyndartæki
og þá kom í ljóst að ég var
tvíkjálkabrotinn að þeir héldu.
I framhaldinu var ég send með
sjúkrabíl niður á
tannlæknastofu til Teits
Jónssonar, tannréttinda-
sérfræðings, sem hafði tekið
myndir af mér áður en
spangirnar voru settar, svo
hægt væri að bera saman
hvernig bitið átti að vera. Þegar
þarna var komið sögu var mér
farið að vera svolítið flökurt
fór verr
enda þurfti ég að standa í
myndatökunni og hafði
greinilega verið búin að kyngja
miklu blóði, rifjar Rakel upp.
Frá Teit var Rakel send með
sjúkrabíl út á flugvöll og þaðan
með sjúkraflugvél til
Reykjavíkur þar sem hún var
lögð inn á Landspítalann. -Ég
fór síðan í aðgerð klukkan átta
um kvöldið og þar kom í ljós
að ég var mun meira brotin en
talið hafði verið. En kjálkinn
brotnaði á fjórum stöðum.
Aðgerðin fór öll fram í gegnum
muninn og var unnið út frá
því að um opið beinbrot væri
að ræða. Komið var fýrir
fjórum títanplötum sem
skrúfaðar voru við bein til þess
að skorða kjálkann á nýjan leik
og halda þessu saman, útskýrir
Rakel.
Hvað þurfti þú síðan að hggja
lengi á sjúkrahúsi? -Aðgerðir
var búin um hálf ellefu um
kvöldið og ég vaknaði um hálf
eitt og var þá flutt með
sjúkrabíl niður á Barnaspítala
Hringsins þar sem ég gisti eina
nótt. Þaðan útskrifaðist ég
síðan um hádegi daginn eftir.
Það var ekkert flug heim á
Sauðárkrók þennan dag en við
mamma vissum af flugi daginn
eftir og báðum um að fá að
vera aðra nótt á spítalanum en
var synjað um það og þurffum
að fmna gistingum hjá ættingja
mömmu í eina nótt, segir
Rakel. -Þetta var svolítið
sérstakt þar sem við áttum
ekki foreldra eða systkini í
borginni og ég verð að játa að
þetta þótti mér svolítið lélegt.
Miðað við hvað hún var mikið
slösuð hefði mér þótt betra að
vera aðra nótt á sjúkrahúsi
með hana, segir Guðbjörg.
Hjálmurinn hættir
að vera kúl
Rakel Rós var ekki með hjálm
en svo virðist sem að á vissum
aldri hætti krakkar að nota
reiðhjólahjálma. Hver svo sem
skýringin er má segja að
eitthvað hvetji unglingana til
þess að hætta hjálmanotkun,
kannski er hún bara örlítið
púkó í þeirra augum. En hvað
skyldi Rakel segja um þessi
mál í dag? -Ef ég fer aftur að
hjóla eftir þetta mun ég
örugglega nota hjálm. Ég vil
bara hvetja aðra krakka til þess
að nota reiðhjólahjálm því þó
að hann hefði kannski ekki
hjálpað mér í þessu tilviki þá
hefði ég ekki þurff að lenda
mikið öðruvísi á höfðinu til
þess að skaðinn hefði verið
það mikill að læknar hefðu
ekki getað lagað hann, segir
Rakel Rós.
Rakel fer aftur suður 10. ágúst
en þá verða fjarlægðir saumar
úr munni hennar en í
framhaldinu verður metið
hvort plöturnar verða teknar
eða ekki. Síðan taka
tannréttingar við eftir átta
vikur auk þess sem þarf að
smíða í Rakel eina tönn og
gera við þær sem brotnuðu.
-Ég vona bara að eftir tvo
mánuði verði ég búin að jafna
mig að fullu. En mig langar að
lokum að koma á framfæri
þökkum til Þrastar Jóns og
Kristrúnar frænku sem
reyndust mér mjög vel, segir
Rakel Rós.
Þuríóur Harpa leggur upp í stærsta feróalag lífsins
Þuríður Harpa Sigurðar-
dóttir heldur á morgun
föstudag af stað til Indlands
þar sem hún mun gangast
undir stofnfrumumeðferð. Er
það von Þuríðar að meðferðin
færi henni til baka mátt í
fæturna.
Allur undirbúningur hefur að
sögn Þuríðar gengið vel,
söfnun hefur gengið vonum
framar og enn eru óska-steinar
Þuríðar Hörpu í sölu og verða
næstu misserin. Steinana er
hægt að panta í gegnum
heimasíðu Þuríðar www.
oskasteinn.com auk þess sem
þeir fást í Upplýsingamið-
stöðinni í Varmahlíð, Komp-
unni, Isis Kringlunni, Ramma-
gerðinni og í Nýprent.
Þetta er gríðarlega langt
ferðalag, hvernig verður því
háttað hjá þér? -Ég flýg til
London og þaðan til Delhí en
síðara flugið er níu tíma langt,
Ég legg af stað frá Keflavík á
föstudagsmorgni rétt fyrir átta
og ég verð lent klukkan 10 að
staðartíma morguninn eftir í
Delhí.
Hver er tímamismunurinn?
Hann er þetta fimm, sex
tímar.
Veist þú eitthvað hvað tekur
við þegar út er komið? -Nei,
ég rauninni veit ég það ekki.
Ég fer inn á þessa
endurhæfingarstöð þar sem ég
mun búa næstu níu vikurnar
og mun Árni maðurinn minn,
búa þar með mér fyrstu fimm
vikurnar en eftir það kemur
móðir mín út. Ég held að það
verði byrjað strax á
meðferðinni þegar ég kem út
og eins endurhæfingu. Þessi
meðferð byggist ekki síður
upp á mikill endurhæfingu
samhliða stofnfrumu-
meðferðinni.
Hvernig er tilfxnningin að
vera að fara af stað í þessa
stóru ferð? -Það eru auðvitað
blendnar tilfinningar. Ég
sveiflast á milli þess að kvíða
fyrir og vera spennt fyrir þessu
öllu saman.
Nú hefur þú bloggað munt þú
halda því áffam úti? -Já, ég
mun gera það. Það hafa ótal
margir styrkt mig til þessarar
ferðar og mér finnst bara
sjálfsagt mál að leyfa fólki að
fylgjast með hvernig gengur.
Hægt er að fylgjast með
Þuríði Hörpu á heimasíðu
hennar. Þeir sem vilja styrkja
för Þuríðar sem er gríðarlega
kostnaðarsöm geta lagt inn á
söfnunarreikning í
Nýja Landsbankanum
0161-15-550165 eða
Sparisjóði Skagafjarðar
1125-05-250067.
Kennitala viðtakanda er
010467-5439.