Feykir - 20.08.2009, Blaðsíða 4

4 Feykir 30/2009
ABSEND GREIN
Helga Margrét Guðmundsdóttir skrifar
Nýtt skólaár að hefjast
Nú um miðjan ágúst fara
foreldrar gjarnan að huga
að undirbúningi fyrir
skólann. Skólatöskur eru
teknar fram og foreldrar
huga að námsaðstöðu
barnanna og
innkaupalistum. Gott er að
athuga hvort hægt er að
nota skóladótið frá þvf í
fyrra því meö smá
upplyftingu má oft nýta það
sem til er og óþarfi að
kaupa allt nýtt.
Það er að mörgu að hyggja
og börnin þurfa svo
sannarlega á foreldrum sínum
að halda þegar skólinn byrjar.
Nú eru þau árinu eldri og ný
verkefni blasa við, kannski
nýr skóli, nýr kennari eða nýr
bekkur. Breytingar verða
einnig hjá mörgum foreldrum
og sumir huga á nám eða eru
að byrja í nýrri vinnu sjálfir.
Handleiðsla foreldra er mjög
mikilvæg alla skólagönguna
og verður seint ofmetin en
sérstaklega þarf að huga að 6
ára börnum í skólabyrjun.
Sum þessara barna eiga nú
erfiðara með að sofna á
kvöldin og foreldrar finna að
börnin hafa væntingar, eru
jafnvel spennt en sum geta
líka verið áhugalítil. Mikil-
vægt er að foreldrar undirbúi
börn sín vel og fylgist með
líðan þeirra í aðdraganda
skólans. Sumir foreldrar finna
líka sjálfir fyrir kvíða sem
tengist skólagöngu barnsins.
Hvað með sparnaðaraðgerðir
sveitarfélagsins varðandi
skólana? Hvernig verður
stundaskráin? Mun skóla-
máltíðin hækka í verði? Nú
þarf aftur að fara að huga að
nesti og heimanámi. Verður
bekknum kannski skipt upp?
Hvernig verður með samskipti
við bekkjarfélaga og kennara?
Mun barnið fá kennslu við
hæfi, verður boðið upp á
stoðþjónustu og lengda við-
veru í skólanum? Hvenær er
vetrarfríið? Allar upplýsingar
um skólahaldið ættu að vera á
heimasíðum skólanna.
Einnig þarf að yfirfara
hvaða upplýsingar liggja nú
fyrir um barnið í skólann og
mikilvægt að foreldrar
tilkynni skólanum ef um er
að ræða breytta hagi hjá
barninu eða foreldrum þess.
Gott er að fara yfir hvaða
aðstandendur eru skráðir hjá
barninu og hvort símanúmer
og netföng eru rétt. Sé barnið
í stjúpfjölskyldu er rétt að
taka það fram. Nauðsynlegt
er að foreldrar leiti upplýsinga
og fái svör við þeim
spurningum sem vakna. Á
heimasíðum skóla eða hjá
skólariturum er líka hægt að
fá allar upplýsingar um
Mentor, viðtalstíma kennara
og einnig er þar hægt að leita
upplýsinga um skólaráð, for-
eldrafélög, hlutverk bekkjar-
fulltrúa, skólanámskrá,
námsráðgjöf, skólaheilsu-
gæslu og hvaðeina er tengist
skólagöngu barnsins.
í flestum skólum er boðið
upp á skólafærninámskeið
fyrir foreldra 6 ára barna og í
sumum skólum fyrir foreldra
nemenda í öðrum bekkjar-
deildum líka. Foreldrar eru
hvattir til að sækja þessi
fróðlegu námskeið. Þar fá
þeir kynningu á skólastarfinu,
fræðast m.a. um þroska barna
á hinum ýmsu aldursskeiðum,
kynnast kennurum barnsins,
starfsfólki skólans og
foreldrum bekkjarfélaganna.
Sumir skólar hafa
foreldraviðtöl í tengslum við
skólasetningu þar sem
foreldrar geta hitt kennara
barnsins strax fyrsta daginn í
persónulegu viðtali. Láta
foreldrar mjög vel að því að fá
aðgang að kennaranum í
skólabyrjun þar sem hægt er
að miðla nauðsynlegum
upplýsingum. Hægt er að
nýta sér rétt til foreldraorlofs
vegna barna yngri en 8 ára og
mikilvægt er að foreldrar gefi
sér tíma með börnunum á
þessum breytingatímum í
skólabyrjun.
Viðhorf foreldra endur-
speglast oft í viðhorfi barn-
anna til skólans því er
mikilvægt að foreldrar séu
jákvæðir og ræði ekki
neikvæðar hliðar skólastarfs-
ins í návist barnanna.
Nemendur þurfa að koma að
hreinu borði í orðsins fyllstu
merkingu og ekki gott að
draga fram gamla drauga eða
atburði síðasta skólaárs.
Foreldrar þurfa að huga vel að
líðan barna sinna, bæði
líkamlegri og andlegri líðan
og leggja sig fram um að skapa
börnunum jákvætt og
uppbyggilegt námsumhverfi
til að þau verði betur
móttækileg fyrir því sem
skólinn hefur fram að færa.
Foreldrar verum til staðar
fyrir börnin okkar, nú sem
endranær.
Helga Margrét
Guðmundsdóttir
verkefnastjóri hjá Heimili og
skóla - landssamtökum
foreldra
( ÁSKORENDAPENNINN )
Reynir Hjálmarsson skrifar á æskuslóöum
Römm er sú taug...
Ég skrifa þessar línur
á hlýju ágústkvöldi
á veröndinni að
Skagfirðingabraut
15 á Sauðárkróki.
Eldri strákurinn er í
Danmörku með ömmu
sinni, afi er í golfi,
konan á Kaffi Krók
með vinkonu sinni og
tvíburarnir eru sofandi
í vagninum við hliðina
á mér, úrvinda eftir
blauta Litla-Skógarferð
í dag.
Þó að nokkuð mörgár
séu síðan ég hafði síðast
búsetu á Sauðárkróki
kemur alltaf þessi
sama heimatilfinning
yfir mig þegar
Húnavatnssýslunni
sleppir og
Skagafjörðurinn
tekur við mér. Það
er auðvitað frekja en
mér finnst ég eiga
hlut í Skagafirði og
Skagafjörður eiga hlut
í mér. Hann ól mig
upp, mótaði mig sem
persónu og meitlaði
heimsmyndina íhuga
mér. Á skagfirskri
grundu tók ég fyrstu
skrefin og kyssti
stelpu í fyrsta skipti.
Hún er reyndar frá
Hvammstanga, en það
ersama. Tengslin eru
sterk, hafa margvísleg
áhrif og lýsa sér á
margvíslegan hátt.
T.d. finnstmér ég eiga
stærri hlut í Drangey,
Tindastóli, Sauðá og
Litla-Skógi en t.d.
Reykvíkingar, sem eiga
ekkert í þessum bestu
stöðum og fallegasta
landslagi á landinu.
Þeir verða að sætta
sig við að eiga minni
hlut í verri stöðum og
ómerkilegra landslagi;
stöðum og landslagi
sem mér myndi
aldrei koma til hugar
að slá eign á, sama
hversu lengi ég byggi í
Reykjavík.
Svipaða sögu má
segja um samfélagið
í Skagafirði. Fólkið
hér er einhvern
veginn raunverulegra
en annars staðar.
Skagfirðingarsem ég
þekki ekki, þekki ég
samt betur en annað
ókunnugt fólk. Ég á
hlutíþeim og þeirí
mér.
Alls staðar þar sem
ég kem legg ég
upp úr því að ég er
Skagfirðingur. Meira
að segja í útlöndum
þegar upp kemst um
þjóðernið. Þá hrópar
útlendingurinn jafnan
uppyfirsig, rígmontinn
yfir því að þekkja eitt
íslenskt ömefni: „Ah,
from Reykjavík?". Þá
kemur héraðsremban
upp: „No, actually I
come from a town in
the north of lceland
called Sauðárkrókur, in
Skagafjörður province.
It's the most beautiful
place in lceland".
Ég hef ekki komið
til útlanda eftir að
kreppan skall á og
líklega þarf maður nú
að svara fyrir klisjur
um föllnu bankana,
kreppu, óöld ogfátækt.
Þá get ég stoltur
sagt þeim að það sé
sko engin kreppa í
Skagafirði. Þar geti fólki
leyft sér þann munað
að kvarta bara undan
hafgolunni.
Reynir skorar á Kristinn
bróðirsinn aðkoma
með næsta pistil.