Feykir - 20.08.2009, Blaðsíða 11

30/2009 Feykir 11
( MATGÆÐINGAR VIKUNNAR )
Magdalena og Pétur kokka
Gómsætt
rabbarbarapæ
Það eru þau Magdalena M. Einarsdóttir, kennari að
Húnavöllum og Pétur Snær Sæmundsson, smiður sem
bjóða upp á uppskriftir vikunnar.
Þau búa í Brekkukoti í Húnavatnshreppi ásamt börnum
sínum, Guðbjörgu Önnu og Einari. Þau skora á Kristínu
Jónu Sigurðardóttur og Val K. Valsson, Hólabraut 9 á
Blönduósi að koma með uppskriftir að hálfum mánuði
liðnum. Hér koma tillögur að forrétti, aðalrétti og eftirrétti.
FORRETTUR
Steiktur
Brekkukots-áll
Nýveiddur álVálar.
Sítrónusafi
Rúgmjöl
Salt
Pipar.
Állinn er skorinn í sneiðar, u.þ.b.
2 cm þykkar og slatti af sítróusafa
settur yfir. Rúgmjölinu, saltinu
og piparnum er blandað
saman og álnum velt upp úr
því. Kryddunin fer eftir smekk
hvers og eins.
Því næst er állinn steiktur
upp úr heitri feiti á pönnu. Ég
nota smjör og blanda það með
olíu. Álnum er snúið við og
passa þarf að hann brenni ekki.
Hitinn lækkaður þegar búið er
að loka báðum hliðum. Steikja
þarf álinn í 5-10 mín en gott er
að athuga eitt stykki til að sjá
hvort hann sé tilbúinn.
Állinn er borinn fram með
nýsoðunum kartöflum og
salati.
AÐALRÉTTUR
Lamba eða
folalda rúlla
Lamba eða folalda slag
Paprika
Sveppir
Hvítlaukur
Beikon
Salt
Best á lambið krydd.
Slagið er tekið og barið létt með
kjöthamri til að steikingin verði
fljótari og kjötið meyrara. Slagið
er því næst kryddað með salti og
Best á lambið kryddi.
Paprika, sveppir og beikon er
skorið niður í litla bita og dreift
yfir slagið. Magn hráefnis fer
eftir stærð slags og smekks hvers
og eins. Einnig er hægt að hafa
annað hráefni efvilL Hvítlaukur
er saxaður niður eða kraminn og
settur yfir allt saman.
Slaginu rúllað upp og saumað
saman með sláturgarni. Gott er
að krydda rúlluna með Season
all áður en hún er sett inn í
ofninn.
Steikt í ofni á 180-200° í
klukkutíma (eldunartími fer
eftir stærð rúllu). Betra er að
hafa rúlluna lengur en skemur
í ofninum. Gott er að setja
þetta í steikarfat því þá þornar
rúllan ekki á meðan á steikingu
stendur en ekki er síðra að taka
lokið af fatinu síðasta korterið til
að fá skorpuna stökka.
Slagið er borið fram með
kartöflum, salati, brúnni sósu
og sultu.
EFTIRRÉTTUR
Rabbabarapœ
2/3 lítrar rabbarbari,
helst rauður
2/3 pakki Ritzkex
1 ‘A dl. púðusykur
1 dl. sólblómafrœ
eða graskersfrœ
3 msk. smjör
Myljið kexið í fína mylsnu og
blandið púðusykrinum saman
við. Skerið rabbarbarann í bita
og setjið í eldfast mót. Hellið
mylsnublöndunni yfir. Ristið
fræ á pönnu og stráið yfir allt
saman. Bræðið að lokum
smjörið og hellið yfir. Sett í 180°
heitann ofn í 20-30 mín.
Verði ykkur að góðu!
( GUOMUNDUR VALTÝSSON )
Vísnaþáttur 504
Heilir og sælir lesendur góðir.
Gott er að byrja okkar spjall að þessu
sinni með þessari mögnuðu vísu Jóns
Þorsteinssonar bónda á Arnarvatni.
Hefði ég róm, svo rjóðri kinn
rynni upp Ijómiglóða.
Skyldi hljóma í himinninn
heitur ómur Ijóða.
Það mun hafa verið Kristján Ólason sem
orti svo, er hann taldi æfikvöldin nálgast.
Minn er tími aðfœrast jjœr
-fyrnist sálargróður.
Ég er eins og barnlaus bœr
burstalágr og hljóður.
Margir hafa átt því láni að fagna, sem
Sigursteinn Magnússon kvittar fyrir í
næstu vísu.
Ég hefeignast hund og hest
í höllum kringumstœðum.
Þetta tvennt mér þykir best
afþúsund jarðargœðum.
Jósafat Jónsson bóndi á Brandsstöðum í
Blöndudal ætlaði að fara í skemmtiferð
bænda í sveitinni. Hætti við á síðustu
stundu ogsendifósturdóttursínaí staðinn.
Þegar hún birtist í sæti hans í rútubílnum
orti Jón Jónsson á Eyvindarstöðum.
Mikið breytirfirðumfat
farvi á vörum rauðursat.
Ég einhvernveginn ekkigat
áttað mig á Jósafat.
Ingvar Pálsson bóndi á Balaskarði sem
einnig var í ferðinni, var ekki sáttur við
vísu Jóns og orti þessa.
Það er áfólki misjafnt mat
menn eru að þrá og vona.
Ég kann vel við Jósafat
égvilhafa 'annsvona.
Þá langar mig næst til að rifja upp nokkrar
vísur eftir Benedikt Valdimarsson ffá
Þröm. Bið lesendur að taka vel eftir snilld
hringhendunnar.
Heitt í œðum blóðið rann
breytti næði i vöku.
Ótalþrœði andinn spann,
ástarkvæði ogstökur.
Ljúfi blærinn leika kann
lækur hlær í runni.
Blómið kæra kyssir hann
krystalstœrum munni.
Öls við bikar andi skýr
á sér hiklaust gaman.
Augnabliksins ævintýr
endist vikum saman.
Mikið hefur verið rætt í fréttum nú
undanfarið um skyndilegt fráfall Mikael
Jackson og ýmsar illar grunsemdir sem
tengjast því. Fyrir nokkrum árum síðan
er kempa sú var ítrekað í fjölmiðlum,
orti Jón Jens Kristjánsson þessa.
Oft þarf í hasti að umbreytast,
á það í kasti aðfrið 'ann.
En allt þetta plast er víst ekkifast
sem árlega er klastrað við ’ann.
I síðasta þætti birti ég vísu eftir Þórhildi
Sveinsdóttur frá Hóli hér í dalnum.
Hefúr nú dyggur lesandi þáttarins haft
samband og látið mér í té þrjár vísur sem
hann segir eftir Þórhildi. Mun hún hafa
ort þær á efri árum og þakka ég fyrir
þessar upplýsingar.
Verður œvikvöldið kátt
kvíða mun égeigi.
Þegar hafa lagt sig lágt
Ijón sem urðu á vegi.
Aldrei hræðist ég þá sjón
öllu tek sem gríni.
Þó að einhver urri Ijón
eða bretti trýni.
Síst ég kjarkinn kólnafmn
kýs ei þjarka um tjónið.
Fram ég arka enn um sinn
og œtla að sparka í Ijónið.
Gaman að fá þessar vísur í þáttinn, hef
aldrei heyrt þær fyr og veit ekki hvort
þær eru kunnar. Annar tryggur lesandi
hefúr einnig haft samband og sent tvær
vísur hann segir eftir Jón Þorsteinsson án
þess að skilgreina nánar hver hann er.
Meðan íslenskt Ijóð og lag
lífi haldiðgeta.
Ferskeytlunnarfrjálsa brag
fólkið kann að meta.
Gœfu minnargengi er
görótt öðrum þræði.
Margt er það sem tnilli ber
mest þó lítilræði.
Kannski eru þessar vísur eftir bóndann
á Arnarvatni. Væri gaman að frétta af
því ef lesendur vita. Man reyndar eftir
öðrum hagyrðing með sama nafni sem
kenndur var við Þorsteinsstaði. Gott að
leita til Ingólfs Ómars með lokavísuna.
Virðist hann þar vera að spjalla við
hauklega mær.
Þú ert broshýr baugalín
blíð ogglöð í sinni.
Ég horfi á þig heillin mín
og hrífst affegurð þinni.
Verið þar með
sæl að sinni.
Guðinundur
Valtýsson
Eiríksstöðum
541 Blönduósi
Sími 452 7154