Feykir - 24.09.2009, Blaðsíða 7

35/2009 Feykir 7
Hjördís og Ingvar á harðaspretti.
Ávextirnir slógu ígegn að venju.
[
Uppstilltir skokkarar að hlaupi loknu.
Gunni, Hreína og fjölskylda tóku þátt i hlaupinu.
Friðjón, Jón og Auður ræða Geitagerðisbrekkuna.
Klausen, hjúkrunarforstjóra,
en Herdís hefur hlaupið með
skokkhópnum frá upphafi.
-Hún á þó enga íþróttasögu
en hennar hlaupaferill hófst
þegar hún tók þátt í fyrsta
kvennahlaupinu. Hún er búin
að hlaupa 13 maraþon meðan
ég sjálfur hef bara hlaupið
tvö.
Eins og áður segir var
lokahlaup sumarsins sl.
laugardag. Að þessu sinni
hlupu félagar í skokkhópnum
og gestir þeirra, gengu eða
hjóluðu til styrktar Þuríði
Hörpu Sigurðardóttur, en
Þuríður var eitt sinn meðlimur
í skokkhópnum. -Þetta var í
fyrsta sinn sem við hlaupum
til styrktar góðu málefni en
umræðan hefur þó verið tekin
áður. Það er reyndar ekki búið
að innheimta söfnunarféð, en
við stefndum að því að safna
200 þúsund plús og ég hef trú
á að það markmið hafi náðst,
segirÁrni. -Það varánægjulegt
hversu vel þessari söfnun var
tekið bæði meðal fyrirtækja
sem við leituðum til og eins
voru Króksarar duglegir að
koma og hlaupa, ganga eða
hjóla með okkur á laugardag
með þessum líka glæsilega
árangri, segir Árni.
En skyldu allir eiga erindi í
skokkhópinn? -Já, allir sem á
annað borð unna útiveru og
finnst gaman að því að hreyfa
sig. Það eru margir að hlaupa
hér í bænum sem telja sig ekki
eiga samleið með skokk-
hópnum en ég held að ef
menn gæfu því tækifæri
myndu þeir uppgötva hversu
frábær félagsskapur þetta er.
Við hlaupum mjög fjölbreytt-
ar hlaupaleiðir og miserfiðar.
Það er auðvelt að finna
einhvern sem er á sama
getustigi og maður er sjálfur
og svo má alltaf taka styttri
leiðir. Síðan er endað á
teygjum og styrktaræfingum.
En skokkhópurinn gerir
margt annað en að hlaupa.
Við höfum farið vítt og breytt
um landið og hlaupið eða
gengið, t.d gengnum við nú
um miðjan ágúst á þrjú fjöll
hér í Skagafirði þ.e.Tindastól,
Glóðafeyki og Mælifell. Fjöllin
tókum við á einum degi en 25
fóru á Mælifell og Tindastól
og 31 á Glóðafeyki. Alls fóru
17 á öll fjöllin þrjú. Ég held því
fram án þess að blikna að það
sé leitun að betri félagsskap en
skokkhópnum, segir Árni að
lokum.
( MITT LIÐ )
Hefur ekki í hyggju
aö halda meö
Huddersfield
Nafn: Jón Óskar Pétursson
Heimili. Garðavegur 10
Hvammstanga
Starf. Framkvæmdastjóri
SSNV
Hvert er uppáhaldsliðið þitt í
enska boltanum og af hverju?
Liverpool, þarfnast ekki frekari
skýringar. Einfaldlega bestir.
Nú hefur þú áður verið í
þættinum Liðið mitt í Feyki.
Hefur það breytt þér á
einhvern hátt? Já ég get ekki
neitað þvíað líf mitt hefur tekið
miklum stakkaskiptum. Eftirað
viðtalið birtist hafa blaðamenn
og aðrir fjölmiðlamenn víðs-
vegar að úr heiminum haft
samband og óskað eftir við-
tölum. Fólk sem ég hitti á
förum vegi vill gjarnan láta
mynda sig með mér og jafnvel
fá að koma við mig.
Hefur þú lent í deilum vegna
aðdáunar þinnar á Feyki?
Jájájá maður er í stöðugum
fæting við aðdáendur BB og
Skessuhorns.
Hver er næstbesti markmað-
ur sem þú hefur séð innan-
lands? Án efa Þorleifur Karl
Eggertsson, frændi minn og
markvörður Kormáks til margra
áratuga.
Hefur þú leikið fótbolta á
íslandsmóti? Ef já, með hvaða
liðum og hvaða stöðu lékstu?
Já ég á að baki glæstan feril.
I byrjun lék ég með gullaldar-
liði Kormáks á mölinni á
Hvammstanga. Svo lá leiðin í
lið Hvatar á Blönduósi. Þá lá
leiðin í Hafnarfjörðinn þar sem
ég spilaði með Haukunum í
nokkur ár. Lauk ferlinum með
Kormáki aftur um síðustu
aldamót. Ég byrjaði framarlega
á vellinum en með árunum
færðist ég aftar. Lék lengst
af sem vinstri bakvörður,
sóknarlega þenkjandi að
sjálfsögðu.
Hversu mikiivægt er þér að
geta sagst vera Púllari?
Það er gríðarlega mikilvægt.
Eiginlega grundvallaratriði.
Hefur þú einhvern tímann
íhugað að halda með Hudd-
ersfield? UUUUUUUUUU nei.
Ætti Ólafur Jóhannesson
landsliðsþjálfari að segja
af sér? Nei nei. Minni á það
sem stendur í kvæðinu. „áfram
ísland, jafnvel þó við getum
ekki neitt".
Fórstu í göngur í haust? Já
(minnir það).
Reimar Marteinsson taldi í
sínum pistli um daginn að
þú grétir yfir gengi Liverpool
. Hefur sést tár á hvarmi?
Nei engin tár hafa fallið. Við
Liverpool menn gerum miklar
kröfur og viljum ógjarnan sjá
lið okkartapa. Sýnist það eiga
við um aðdáendurannarra liða
líka þar sem að svo virðist sem
Liverpool sé afskrifað úr allri
titilbaráttu um leið og þeirtapa
leik. Minni á að þegar þetta
er skrifað þá er Liverpool fyrir
ofan Arsenal á töflunni án þess
að það sé sérstakt afrek.
Hvern vilt þú sjá svara
spurningum í Liðinu mínu? Ég
myndi vilja sjá Martein Jónsson
Kaupfélagsmann á Sauðárkróki
spreyta sig.
Hvaða spurningu viltu lauma
að viðkomandi? Ég myndi vilja
spyrja hvort hann telji að hann
muni vinna vodkaveðmálið við
Sævar Birgisson enn eitt árið.