Feykir - 24.09.2009, Blaðsíða 10
lO Feykir 35/2009
Kaupfélag Vestur-Húnvetninga er eitt af fáum
kaupfélögum sem eftir eru starfandi á landinu. Það var
stofnaó árió 1909 og hefur starfaö óslitió í hundraó ár. Reimar
Marteinsson er starfandi kaupfélagsstjóri KVH og segir hann
engan bilbug á mönnum meó reksturinn.
FYRIRTÆKI VIKUNNAR: Kaupfélag Vestur-Húnvetninga
Ef þaó fæst ekki
í Kaupfélaginu...
Sigríður Arnfjörð og Sigurlaug Jóhannesdóttir
hafa allt iröð og reglu.
Kaupfélagið hefur gengið í
gegn um súrt og sætt í
áranna rás eins og gengur og
gerist en virðist nú vera í
góðum farvegi. Áður var
iðnaður rekinn á vegum
KVH á Hvammstanga og þá
einkum mjólkuriðnaður og
kjötvinnsla en eftir nokkur
erfið ár með stofnun og
rekstur Norðvesturbanda-
lagsins þar sem sameina átti
nokkur sláturhús við
Húnaflóa og Breiðafjörð er
sláturhúsið í dag í eigu KVH
til helminga við KS.
-Við eigum góð samskipti við
bændur í dag og viðskiptin
aukast jafnt og þétt, segir
Reimar og það er greinilegt að
sársauki hefúr fylgt slitum
Norðvesturbandalagsins.
-Hagur sláturhússins hefur
aukist frá því sem var og
hagnaður frekar en hitt, segir
Reimar og ítrekar að samstarfið
við bændur er gott og
mikilvægt fyrir báða aðila. í
dag snýst rekstur KVH
aðallega um verslun og
þjónustu við íbúa héraðsins og
skiptist reksturinn upp í
matvöru-og byggingavöru-
verslun, pakkhús og flutninga-
þjónustu. -Reksturinn er
jákvæður og engin stór plön
eða breytingar á döfinni, segir
Reimar. Hjá KVH vinna að
jafnaði um 15 til 18 manns.
Matvöruverslunin er
reyndar verslun sem selur allt
milli himins og jarðar. Þar gæti
gamla máltækið átt við sem
hljómar svo „ef það fæst ekki í
Kaupfélaginu, þá hefúrðu
ekkert með það að gera“. Mikið
vöruúrval er að finna í búðinni
og ýmislegt til sem hæfir
alvöru kaupfélagsbúð. Úrval
matvöru, skóla- og ritfanga
ásamt alls þess fatnaðar sem
prýðir góðan mann er hægt að
nálgast í versluninni. Sam-
kvæmt afgreiðslufólki í
Reimar Marteinsson kaupfélagsstjðri.
matvöruversluninni hefúr
verið mikið að gera í sumar
eða reyndar „alveg brjálað“
eins og það var orðað. Fleiri
ferðamenn koma nú á
Hvammstanga en áður fyrr
og staldra við yfir lengri tíma.
Við hlið kjörbúðarinnar er
byggingavöruverslunin en
hún fær sömu umsögn og hin
að þar kennir ýmissa grasa,
allt frá smávörum til stórra
verkfærra.
En eitt er það sem fáar
byggingavöruverslanir hafa
líkt og þessi, að þarna er hægt
að nálgast vínið með matnum
en ÁTVR er með útibú í
versluninni. I Pakkhúsinu var
sama bjartsýnishljóðið og í
verslununum, mikið að gera
og engin kreppa sjáanleg.
Meðal þess sem seldist eins
og heitar lummur þetta
sumarið var rúllubaggaplast
en salan hafði aukist um
þriðjung milli ára.
Þann 20. mars í vor var
haldið upp á hundrað ára
afmæli kaupfélagsins með
stæl og öllum boðið í veislu í
félagsheimilinu. Húsið fylltist
af fólki sem naut veislufanga
og skemmtiatriða og sam-
fagnaði afmælisbarninu. Þá
var grillað á miðju sumri í
tilefni tímamótanna og komu
vel á þriðja hundrað manns
og nutu kræsinga en grillað
var í porti kaupfélagsins
helstu framleiðsluafúrðir
bænda;folaldakjöt, lambakjöt
og nautakjöt.
-Veislan heppnaðist mjög
vel og fóru allir ánægðir heim,
segir Reimar að lokum og
lítur björtum augum til
framtíðar.
ÍÞRÓTTAFRÉTTIR
2. deild: Stólarnir féllu með tilþrifum
Hvöt hafði betur
gegn Tindastóli
Hvöt kemstyfir. Tindastólsmenn ekki hressir.
Tindastóll og Hvöt mættust
í lokaumferð 2. deildar á
Sauðárkróksvelli sl.
laugardag og var Ijóst fyrir
leikinn að Stólarnir urðu að
sigra til að tryggja sæti sitt
í 2. deild. Það mistókst
með eindæmum skraut-
legum hætti.
Blönduósingar hófu leikinn
betur og leikmenn Tindastóls
virtust á nálum en náðu þó
forystunni eftir um stundar-
fjórðungs leik. Þá var brotið á
Aðalsteini Arnarsyni innan
teigs og úr vítaspyrnunni
skoraði Gísli markvörðu Sveins
af öryggi. Nú létti talsvert yfir
leikmönnum Tindatsóls og þeir
voru betra liðið á vellinum ff am
að leikhléi og bættu við einu
marki. Það gerði Kristmar
Björnsson og var markið
stórmagnað en Marri átti
ágætan leik í framlínunni. 2-0
fýrir Tindastól í leikhléi.
Tindastólsmönnum hefúr í
allt sumar gengið afleitlega að
halda forystu í leikjum sínum.
Að þessu sinni urðu menn að
halda haus, beijast af krafti og
reyna að halda boltanum innan
liðsins í síðari hálfleik. Það gekk
ekki eftir. Strax var ljóst að
Hvatarmenn ætluðu að selja sig
dýrt, þeir færðu sig framar á
völlinn og héldu boltanum vel.
Færin létu nokkuð á sér standa
en markið lá í loffinu. Á 62.
mínútu misreiknaði vörn
Tindastóls háan bolta inn á
teiginn og Vignir Öm Guð-
mundsson skallaði laglega í
mark Stólanna. 2-1 og nú mátti
greina kviða hjá stuðnings-
mönnum Stólanna.
Þegar 20. mínútur voru til
leiksloka jöfnuðu Blönduósing-
ar eftir hornspyrnu. Ekki voru
varnarmenn Stólanna á tánum í
hominu því Hvatarmenn unnu
boltann og lögðu hann út á
Óskar Snæ Vignisson sem setti
boltann laglega ffamhjá
varnarmönnum Stólanna og í
netið. 2-2 og miðað við stöðuna
í leikjunum í 2. deild blasti fall
við heimamönnum.
Blönduósingar tryggðu sér
síðan sigurinn með tveimur
fallegum mörkum á tveggja
mínútna kafla. Fyrst bætti Óskar
við öðm marki sínu á 84.
mínútu með viðstöðulausu
skoti í þverslána-jörðina-inn,
algjörlega óverjandi og skömmu
síðar bætti Brynjar Guðjónsson
við síðasta naglanum í kistu
Stólanna þetta sumarið.
Tindastólsmenn reyndu að
komast inn í leikinn en allt kom
fyrir ekki. Lokatölur 2-4.
Sem fyrr segir vom heima-
menn sterkari í fyrri hálfleik en
þeir voru á hælunum í þeim
seinni. Menn hafa tönnlast á því
í mest allt sumar að engin
heppni hafi fylgt liðmu og má
það til sanns vegar færa. Það
hlýtur þó að vera öllum Ijóst að
það er ekki bara óheppni að lið
Tindastóls falli í 3. deild.
Það hefði mátt ætla, miðað
við spilamennsku liðanna í
síðari hálf-leik, að það hefðu
verið gestirnir ffá Blönduósi
sem væm að berjast fýrir sæti
sínu í 2. deild en ekki lið
Tindastóls.
Lið Hvatar spilaði ágætlega
þó þeir hefðu að litlu að keppa
en með sigrinum tryggðu
Blönduósingar sér fjórða sætið í
2. deild og hafa skorað 58 mörk
i deildinni í sumar, 34 mörkum
meira en lið Tindastóls sem
gerði aðeins 24 mörk i 22
leikjum. Reyndar fengu
Hvatarmenn á sig 49 mörk í
leikjunum eða 11 mörkum fleiri
en Stólamir. Það er ekki á vísan
að róa í boltanum!