Tímarit hjúkrunarfræðinga - 01.03.2009, Blaðsíða 7

Tímarit hjúkrunarfræ›inga – 1. tbl. 85. árg. 2009 3
Niðurskurðurinn nú er gríðarlegur og mun
hafa alvarlegri afleiðingar en margir kunna
að gera sér grein fyrir. Heilbrigðisþjónustan
byggist fyrst og fremst á þekkingu
þeirra sem þar starfa. Það að loka
þjónustueiningum, þar sem byggst hefur
upp sérfræðiþekking, getur leitt til þess
að sú þekking tapist og fyrir bragðið færist
sú þjónusta aftur um mörg ár. Þetta kann
að verða veruleiki í heilsugæslunni þar
sem Miðstöð mæðraverndar og Miðstöð
heilsuverndar barna verða lagðar niður
sem sjálfstæðar einingar. Þar hefur byggst
upp öflugt starf og mikil sérþekking á
snemmgreiningu og meðferð. Sá
samdráttur í heilsuvernd, sem líklegt er að
leiði af lokun miðstöðvanna, mun koma
fram síðar og án efa leiða til kostnaðar á
öðrum sviðum heilbrigðiskerfisins þegar
fram líða stundir. Það er í raun útilokað
annað en sá mikli niðurskurður, sem nú
er fram undan í heilbrigðiskerfinu, muni
leiða til lakari þjónustu og þar með lakara
heilsufars þjóðarinnar.
Undanfarin ár og jafnvel áratugi höfum
við hagað okkur eins og rétt og skylt sé
að gera allt fyrir alla. Við höfum ekki talið
okkur þurfa að neita neinum um þjónustu,
jafnvel dýra meðferð sem þó væri hæpið
að skilaði einstaklingnum lengra lífi og
hvað þá auknum lífsgæðum. Nú þegar
herðir að hefði verið gott að vera búin
að fara af alvöru í gegnum umræðu um
forgangsröðun í heilbrigðiskerfinu. Í raun
má segja að eina opinbera forgangsröðunin
í heilbrigðisþjónustunni sé að lífshættulegir
sjúkdómar og áverkar hafi forgang fram
yfir annað. En hvað þýðir það? Það er
ljóst að ef ástand efnahagsmála hér á
landi er eins alvarlegt og flest bendir til eru
fram komnar sparnaðarkröfur nú einungis
forsmekkurinn af því sem koma skal. Því er
full ástæða til þess að hvetja til yfirvegaðrar
umræðu um forgangsröðun verkefna í
heilbrigðisþjónustunni hið fyrsta.
Sá mikli skortur, sem verið hefur
á hjúkrunarfræðingum, hefur nú nær
horfið eins og hendi væri veifað. Áherslur
félagsins í kjarasamningum við ríkið
sl. sumar, að leggja aukna áherslu á
dagvinnulaun á kostnað yfirvinnulauna,
skilaði sér, eins og til var ætlast, því
margir hjúkrunarfræðingar bættu við sig
vinnu. „Kreppan“ bætti svo um betur
og nú er svo komið að víða eru allar
stöður hjúkrunarfræðinga setnar. Það
væri auð vitað mikið ánægju efni ef ekki
kæmi til skerðingar á þjónustu á sama
tíma. Margt bendir til þess að hluti braut­
skráningarnema í hjúkrunarfræði nú í
vor geti ekki verið viss um störf og svo
gæti farið að eitthvað yrði um uppsagnir
hjúkrunarfræðinga. Það er eitthvað sem
okkar stétt hefur verið blessunarlega
laus við.
Ofangreint kallar á að félagið skerpi
áherslur sínar í þjónustu við félagsmenn
og í því hvernig iðgjöld félagsmanna
eru nýtt. Stjórn FÍH hefur samþykkt
að leggja enn frekari áherslu á beina
þjónustu við félagsmenn, hvort heldur
er varðar fagleg mál, eins og mönnun,
skerðingu í heilbrigðisþjónustu og öryggi
skjólstæðinga, eða kjara­ og réttindamál,
svo sem vegna breytinga á vinnutíma,
launum eða réttindum. Stjórnin hefur
í þessu skyni samþykkt breytingar á
fjárhagsáætlun félagsins vegna ársins
2009. Í breytingum felst m.a. að
fjárveitingar vegna ímyndarverkefnis
verða skertar, endurhönnun á vefsvæði
félagsins frestast, ferðir vegna erlends
samstarfs verða aðeins um fjórðungur
þess sem alla jafna er, ekki verður ráðið
í afleysingar á skrifstofu félagsins í sumar
heldur verður þriggja vikna lokun í júlí
tekin upp að nýju og laun formanns hafa
verið lækkuð. Vonast stjórnin til þess
að með þessu skapist svigrúm til að
tryggja sem best beina þjónustu við
félagsmenn.
Samkvæmt lögum Félags íslenskra
hjúkrunarfræðinga skal formaður kjörinn til
tveggja ára í senn. Þriðja kjörtímabili mínu
í stóli formanns FÍH lýkur nú í maí. Ég hef
ákveðið og tilkynnt kjörnefnd félagsins
að ég bjóði mig fram til áframhaldandi
formennsku í félaginu næstu tvö árin. Ég
vona og veit að reynsla mín mun nýtast
hjúkrunarfræðingum og félaginu á þeim
viðsjárverðu tímum sem nú eru.
Elsa B. Friðfinnsdóttir.
„Skjótt skipast veður í lofti“ á sannarlega við um efnahagsástandið hér
á landi. Nánast á augabragði fóru Íslendingar frá því að vera ein ríkasta
þjóð í heimi í það að vera ein sú skuldsettasta. Og nú þarf að skera niður
í ríkisfjármálum meira en nokkru sinni fyrr. Heilbrigðiskerfið er þar ekki
undanþegið. Forstjórum heilbrigðisstofnana hefur verið gert að skera
niður um allt að 10%. Slíkur niðurskurður væri líkast til auðveldari ef
heilbrigðisstofnanir hefðu ekki glímt við sparnaðarkröfur mörg undanfarin
ár. Góðæri undangenginna ára hefur ekki komið fram í rekstrarreikningum
heilbrigðisstofnana.
Af litlum neista…
H
V
ÍT
A
H
Ú
S
IÐ
/
S
ÍA
/
A
C
TA
V
IS
9
0
1
0
4
0
Omeprazol Actavis
- öflugt lyf við brjóstsviða og súru bakflæði
Notkunarsvið: Omeprazol Actavis inniheldur ómeprazól sem hemur seytingu á magasýru. Omeprazol Actavis er notað við tilfallandi brjóstsviða og
súru bakflæði. Frábendingar: Ofnæmi fyrir ómeprazóli eða einhverju öðru innihaldsefni, skert lifrarstarfsemi, notkun Omeprazol Actavis á sama tíma
og sýklalyfið claritrómýcín, samtímis notkun lyfja sem innihalda atazanavír. Varúð: Gæta skal sérstakrar varúðar: Ef verulegt og óvænt þyngdartap
verður, við endurtekin uppköst, ef erfiðleikar eru við að kyngja, við blóðuppköst eða blóð í hægðum, ef lifrar- eða nýrnastarfsemi er skert. Börn og
unglingar undir 18 ára aldri eiga ekki að nota lyfið nema að ráði læknis. Omeprazol Actavis inniheldur súkrósa. Meðganga/brjóstagjöf: Leitið ráða
hjá lækni áður en lyfið er notað. Akstur og notkun véla: Aukaverkanir, svo sem þreyta, svimi og sjón- og heyrnartruflanir, geta komið fram og geta
haft áhrif á hæfni til aksturs eða notkunar véla. Aukaverkanir: Algengar aukaverkanir eru niðurgangur, hægðatregða, vindgangur, ógleði, uppköst,
svefntruflanir, sundl, höfuðverkur eða þreyta. Þessar aukaverkanir verða yfirleitt vægari við áframhaldandi meðferð. Skammtastærðir: Fullorðnir: 1
sýruþolið hylki eftir þörfum. Ekki má nota meira en 20 mg á sólarhring. Ef einkennin hverfa ekki eftir að Omeprazol Actavis hefur verið notað í 14
daga skal hafa samband við lækninn vegna þess að einkennin gætu verið af öðrum orsökum. Gleypa á sýruþolnu hylkin með glasi af vökva.
Sýruþolnu hylkin ætti að taka fyrir máltíð (t.d. morgunmat eða kvöldmat) eða á fastandi maga. Hvorki má tyggja né mylja sýruþolnu hylkin.
Lesið vandlega leiðbeiningar sem fylgja lyfinu. Geymið lyfið þar sem börn hvorki ná til né sjá. Janúar 2009
20 mg, 28 stk fáanlegt án lyfseðils í næsta apóteki
Formannspistill