Tímarit hjúkrunarfræðinga - 01.11.2009, Blaðsíða 29

Tímarit hjúkrunarfræ›inga – 5. tbl. 85. árg. 2009 25
Jón Aðalbjörn Jónsson, jon@hjukrun.is
Nýlega hefur FÍH tekið þátt í tveimur
fundum þar sem Evrópumál voru
rædd. Annars vegar var það ráðstefna
Samvinnu hjúkrunarfræðinga á
Norðurlöndum (SSN) í lok september
og hins vegar fulltrúafundur
Evrópusamtaka hjúkrunarfélaga (EFN)
en hann var haldinn stuttu seinna.
Meðal efnis á ráðstefnu SSN var
hjúkrunarnámið, öryggi sjúklinga,
áhrif ESB á vinnuumhverfið og samtal
vinnu markaðar (social dialogue).
Framkvæmdastjóri EFN, Paul de Raeve,
hélt tvö erindi á ráðstefnunni. Í fyrra
erindinu sagði hann frá tilskipun 36 frá
Evrópusambandinu sem fjallar meðal
annars um hjúkrunarmenntun. „Hingað
til höfum við einkum einbeitt okkur
að því hvort ný aðildarlönd uppfylli
kröfur ESB án þess að fara yfir hvernig
gömlu aðildarlöndin uppfylla kröfurnar,“
sagði Paul de Raeve meðal annars.
Skortur á hjúkrunarfræðingum í Evrópu
veldur því að lönd eins og Þýskaland,
Frakkland og Belgía draga úr kröfum
til námsins. Mikil þörf er á auknu
eftirliti innan Evrópusambandsins. Í
Þýskalandi hefur ríkisstjórnin rætt um
að lækka aðgangskröfur þannig að 10
ára skólaganga sé undanfari náms í
hjúkrunarfræði. Í sumum landshlutum
Belgíu uppfyllir námið ekki kröfur um að
tilhlýðilegt verknám sé í boði fyrir nema
í hjúkrunarfræði. Þetta eru vandamál
sem EFN eru sérlega vakandi yfir.
Félag íslenskra hjúkrunarfræðinga er
fullgildur aðili að Evrópusamtökum
hjúkrunarfélaga og fulltrúi félagsins sótti
91. fulltrúafund samtakana í Stokkhólmi
1.-2. október sl. Á fundinum voru til
umræðu atriði er varða aðild að EFN
og Alþjóðaráði hjúkrunarfræðinga (ICN)
og breytingar á stofnskrá þess. Einnig
var rætt um grænbók ESB um vinnuafl
heilbrigðiskerfisins, tilskipun 36 sem
fjallar meðal annars um samsetningu
hjúkrunarnáms, gæða- og öryggisstaðla
og Evrópuverkefni sem EFN er aðili að.

Fulltrúar rúmlega 30 aðildarlanda,
sem sóttu fundinn, skiptust einnig á
upplýsingum um upplýsingatækni í
heilbrigðisgeiranum (e-health) og voru
upplýstir um fyrstu niðurstöður úr
Á næstunni mun Tímarit
hjúkrunar fræðinga fjalla
ýtarlega um ESB og um
Evrópu samstarf hjúkr unar ­
fræðinga. Vegna um sóknar
Íslands um aðild að Evrópu ­
sambandinu og væntan ­
legrar þjóðar atkvæða­
greiðslu þurfa hjúkr unar­
fræðingar að vita meira um kosti og galla þess að
vera í ESB. En Ísland er nú þegar aðili að Evrópska
efna hagssvæðinu og löggjöf ESB hefur því áhrif á
íslenska hjúkrunarfræðinga.
EVRÓPUMÁL Í BRENNIDEPLI
spurningakönnuninni „Nursing research
in Europe: reaching a consensus
on strategic priorities“. Könnunin
er gerð með það í huga að nota
rannsóknarniðurstöður og vísbendingar
við hagsmunagæslu hjúkrunarfræðinga
innan ESB. Einnig er tilgangurinn
að vekja athygli á niðurstöðum
rannsókna og fylgjast með áhrifum
hjúkrunarrannsókna á stefnumótun
heilbrigðis- og félagsþjónustu í Evrópu.
Á fundum EFN starfa 3 fastar
vinnunefndir: nefnd um vinnuafl,
fagnefnd og nefnd um opinbera stefnu.
Nefndirnar byggja starf sitt á skýrslu
framkvæmdastjóra og fyrirliggjandi
aðgerðaáætlun við mótun tillagna um
framkvæmdir og forgangsröðun EFN
við hagsmunagæslu. Aðildarfélögin
samþykktu á fundinum tvær stefnu- og
afstöðuyfirlýsingar um upplýsingatækni
í heilbrigðisgeiranum og um gæða- og
öryggisstaðla innan ESB.
The European Federation of Nurses
Associations er ráðgefandi vettvangur
hjúkrunarfræðinga gagnvart ESB. EFN
ákvað 1997 að opna samtökin fyrir
evrópskum félögum hjúkrunarfræðinga
í löndum utan ESB. Stjórn Félags
íslenskra hjúkrunarfræðinga ákvað að
gerast aðili í mars 1998.
Með aðild að EFN gefst félaginu
möguleiki á að fylgjast með og hafa
áhrif á stefnu ESB um hjúkrunarmál
en stefna ESB í þeim málefnum sem
og öðrum hefur bein áhrif á Íslandi
vegna EES-samningsins. Fulltrúafundir
samtakanna eru haldnir tvisvar á ári.
Jón Aðalbjörn Jónsson er alþjóðafulltrúi
Félags íslenskra hjúkrunarfræðinga.