Tölvumál - 01.07.2007, Blaðsíða 38
3 8 | T Ö LV U M Á L T Ö LV U M Á L | 3 9
Sjálfur starfa ég dagsdaglega sem framkvæmdastjóri gisti- og veitingastaðar
á Narfastöðum í Þingeyjarsveit þar sem í boði er almenn þjónusta fyrir
ferðamenn, gisting og veitingar auk funda- og ráðstefnuaðstöðu. Í
upplýsingasamfélaginu hef ég kynnst ýmsu allt frá því ég eignaðist
mína fyrstu tölvu árið 1986 og þá var Dosið stýrikerfið og Dbase var
gagnagrunnurinn sem fiktað var í, fyrir utan síðan Word Perfect og fleira
skemmtilegt sem fallið er í gleymsku og dá.
Á Bifröst á árunum 88-91 voru það glænýjar IBM vélar með 30 megabæta
hörðum disk sem heilluðu meðan gamla System 36an stóð út í horni með
floppydiska á stærð við frysby diska. Svo kom þetta koll af kolli. Kynni af
Gopher í Háskólanum á Akureyri á miðjum síðasta áratug þegar Háskólinn
var að tengjast við umheiminn og svo netið sjálft á eigin tölvu með 7 kílóbæta
módemi fyrst í stað, svo 14,4 svo 28,8 sem var alveg magnað og síðan
ISDN fyrir ekki svo mörgum árum. Samhliða því tók fyrirtækjareksturinn
okkar breytingum, samskiptin við feðaskrifstofur fóru að breytast verulega
og vönduð faxtæki sem venjulega voru útslitin eftir tvö til þrjú sumur, fara
núna í gang einu sinni til tvisvar í mánuði og útkrotuð bókunarblöð á pappír
í A þremur stærð með þykku lagi af límmiðum vegna breytinga heyrðu
skyndilega sögunni til. Navision upplýsingakerfi með hótelbókunarkerfi,
fjárhag, viðskiptamönnum, lánadrottunum og launakerfi tók völdin og
skyndilega hafði maður ekki lengur þá afsökun að þetta væri svo mikil
pappírsvinna ef launagreiðslan dróst um dag eða tvo. Jafnframt jókst
hraðinn á öllu og nú er það svo að fyrirspurn frá ferðaskrifstofu um gistingu
sem berst að morgni þarf að svara samdægurs ef vel á að vera. Allt gerist
hraðar og allir gera kröfu um meiri hraða. Stundum öfundar maður opinbera
geirann að hafa heila 14 daga til að svara erindum.
Auknum hraða hefur líka fylgt ákveðin sérhæfing og sem dæmi má nefna
að hluti af fjárhagsbókhaldinu okkar er bókað í höfuðstöðvum Deloitte í
Reykjavík yfir netið á serverinn okkar á skrifstofunni heima í sveit. Navision
upplýsingakerfið er þjónustað frá Skýrr í Reykjavík yfir netið og einu sinni
til tvisvar í viku fara sérfræðingar þar inn á serverinn hjá okkur af ýmsum
ástæðum til breytinga og eða lagfæringa, m.a. þar sem nýbúið er að uppfæra
upplýsingakerfið. Heimasíðan okkar er vistuð á Akureyri en hönnuðurinn býr
í Danmörku og vinnur breytingar og þróun þaðan. Tölvupósturinn sem allt
veltur nú á í samskiptum í stað síma og faxtækja áður er vistaður í kerfisleigu
á Akureyri.
Hluti þessarar þróunar hefur átt sér staða á síðustu 18-24 mánuðum en
haustið 2005 rættist sveita piltsins draumurinn í mínu tilviki, ekki varðandi
sætar stelpur heldur bauðst okkur þáttaka í tilraunaverkefninu Rafrænt
samfélag sem var tilraunaverkefni í Þingeyjarsýslu. Markmið verkefnisins
var að virkja alla íbúa byggðarlagsins til að nýta sér möguleika tölvu- og
upplýsingatækninnar á sem flestum sviðum hins daglega lífs. Síminn
hafði aðkomu að verkefninu á þann veg að sett var upp WiMax háhraða
örbylgjusendir og vorum við ein þriggja aðila sem gafst kostur á að nýta þá
tengingu. Hraðinn fór úr 128 K á tvöföldu ISDN i í 3-5 megabæt að jafnaði
og símareikningurinn lækkaði jafnframt um nokkra tugi þúsunda á mánuði.
Í kjölfarið fylgdu svo fréttir af umtalsverðu rekstrartapi Símans á árinu 2006.
En af því ég nefndi rafrænt samfélag þá voru settir miljónatugir í það verkefni
sem ég tel að hafi að miklu leyti farið forgörðum þar sem stór hluti notenda
þessa fyrirhugaða rafræna samfélags hafa einfaldlega ekki þann búnað þ.e.
háhraða tengingu sem þarf til að geta orðið virkur samfélagsþegn í þessu
rafræna samfélagi á netinu. Mikil vinna og alúð var löggð í þetta verkefni
og mikill tími, vinna og hugsun fór í að þróa lausnir á ýmsum málum fyrir
notendur þessa rafræna samfélags en ég tel að það hafi verið byrjað á
öfugum enda. Án nothæfrar tengingar eru lausnir á netinu tilgangslausar,
það er ekkert flóknara en það.
En af öllu framansögðu hljóta menn að halda að allt sé nú allavegana gott og
Sveitapiltsins
Erindi flutt á ráðstefnu Skýrslutæknifélags Íslands á Akureyri þann 4. maí 2007
Ég heiti Unnsteinn og ég bý í sveit.
Samúðarkveðjur má senda á netfangið
unnsteinn@farmhotel.is en viðhengi eru
vinsamlega afþökkuð og skulu sendast til
þeirra sem hafa hraðvirkari tengingu.
draumur
Unnsteinn Ingason